இந்தியா வெற்றி

**Manik** · **Manik** Thu Jan 21, 2010 3:09 pm

வங்காளதேசத்துனடான முதல் டெஸ்ட் போட்டியில் இந்தியா வெற்றி பெற்று விட்டது.
வங்காளதேசம் சின்ன டீம் தான் ஆனா சிறந்த பவுலிங் 2வது இன்னிங்சில் சிறப்பாய் பேட்டிங் செய்தார் முஸ்பிகுர் ரஹ்மான்.

இந்தியா இன்னும் பவுலிங்ல கவனம் செலுத்துனா நல்லா இருக்கும். எது எப்படியோ சேவக் தலைமையில் இந்தியா ஜெயிச்சுருச்சு ஹோய் ஹோய் சூப்பர் இந்தியா வெற்றி 677196

**சிவா** · **சிவா** Thu Jan 21, 2010 3:18 pm

வெற்றி என்றால் மட்டும் போதுமா! ஸ்கோர் என்னவென்று சொல்ல வேண்டாமா?

**Manik** · **Manik** Thu Jan 21, 2010 3:20 pm

113 ரன்கள் வித்தியாசத்தில் இந்தியா வெற்றி பெற்றது. சச்சின் டெண்டுல்கர் மேன் ஆப் தி மேட்ச் தட்டிச் சென்றார்

**சிவா** · **சிவா** Thu Jan 21, 2010 3:24 pm

இந்தியா- வங்காளதேசம் அணிகள் இடையேயான முதல் டெஸ்ட் கிரிக்கெட் போட்டி சிட்டகாங்கில் நடைபெற்று வருகிறது. இந்தியா முதல் இன்னிங்சில் 243 ரன்னும், வங்காளதேசம் முதல் இன்னிங்சில் 242ரன்னும் எடுத்தன. இந்திய அணி 2-வது இன்னிங்சில் 8விக்கெட் இழப்புக்கு 413ரன் குவித்து டிக்ளேர் செய்தது. இதனால் வங்காளதேச அணிக்கு 415 ரன் இலக்காக நிர்ணயிக்கப்பட்டது.

415 ரன் எடுத்தால் வெற்றி என்ற நிலையில் 2-வது இன்னிங்சை விளையாடிய வங்காளதேசம் நேற்றைய 4-வது நாள் ஆட்டநேர முடிவில் 2விக்கெட் இழப்புக்கு 67ரன் எடுத்து இருந்தது. முகமது அஸ்ரபுல் 16ரன்னுடனும், தமிம் இக்பால் 23ரன்னுடனும் ஆட்டம் இருக்காமல் இருந்தனர்.

இன்று (வியாழக்கிழமை) 5-வது மற்றும் கடைசி நாள் ஆட்டம் நடந்தது. பனி காரணமாக ஆட்டம் 1மணி நேரம் தாமதமாக தொடங்கியது.

தோல்வியை தவிர்க்க மேலும் 348ரன் தேவை. கைவசம் 8விக்கெட் என்ற நிலையில் வங்காளதேசம் தொடர்ந்து ஆடியது.

இஷாந்த் சர்மாவின் அபார பந்துவீச்சால் அந்த அணி திணறியது. மதிய உணவு இடைவேளைக்குள் அந்த அணி மேலும் 3 விக்கெட்டுகளை இழந்தது.

முகமது அஸ்ரபுல் (27 ரன்), ரசிபுல் ஹசன் (13) ஆகியோர் இஷாந்த் சர்மாவின் பந்துவீச்சில் ஆட்டம் இழந்தனர். மறுமுனையில் இருந்த தமிம் இக்பால் சிறப்பாக ஆடி அரைசதத்தை தொட்டார். அவரது விக்கெட்டை ஷேவாக் கைப்பற்றினார். தமிம் இக்பால் 122 பந்துகளில் 6 பவுண்டரியுடன் 52 ரன் எடுத்தார்.

மதிய உணவு இடைவேளையின்போது வங்காளதேசம் 5 விக்கெட் இழப்புக்கு 136 ரன் எடுத்து இருந்தது. கேப்டன் சகிப்-அல்-ஹசன் 11 ரன்னிலும், முசாபிக்ரகிம் 1 ரன்னிலும் ஆட்டம் இழக்காமல் இருந்தனர்.

மதிய உணவு இடைவேளைக்கு பிறகு ஆட்டம் தொடங்கிய சிறிது நேரத்தில் வங்காளதேச கேப்டன் சகிப்-அல் -ஹசன் 17 ரன்னில் ஆட்டம் இழந்தார். அவரது விக்கெட்டை அமித் மிஸ்ரா கைப்பற்றினார். அப்போது வங்காளதேசம் 6 விக்கெட் இழப்புக்கு 145 ரன் எடுத்து இருந்தது. அதனைதொடர்ந்து களம் வந்த வீரர்கள் இந்தியாவில் பந்து வீச்சை தாக்கு பிடிக்க முடியால் அவுட்டாகி வெளியேறின. இதனால் வங்கதேசம் 301 ரன்களுக்கு ஆட்டம் இழந்தது. இதனால் இந்தியா 113 ரன் வித்தியாசத்தில் வெற்றி பெற்றது.

2-டெஸ்ட் போட்டி கொண்ட தொடர் 1-0 என்ற கணக்கில் இந்தியா முன்னிலை பெற்றது. 2-வது மற்றும் கடைசி டெஸ்ட் போட்டி வருகிற 24-ந் தேதி தொடங்குகிறது.

யுவா · யுவா Thu Jan 21, 2010 3:25 pm

India won by 113 runs இந்தியா வெற்றி 677196

rikniz · rikniz Thu Jan 21, 2010 5:24 pm

முபிஸ் · முபிஸ் Thu Jan 21, 2010 5:24 pm

**Manik** · **Manik** Fri Jan 22, 2010 2:43 pm

ஏன் முபா முட்டிக் கொள்கிறீர்கள் நேற்றில் இருந்து முட்டிக்கிட்டே இருக்கீங்க வலிக்கலையா (ஏதாவது இருந்தால் தாவே வலிப்பதற்கு என்று நினைக்கிறீர்களா) நீங்கள் நினைத்தது எங்களுக்கு கேட்டு விட்டது முபா