பத்ம ஸ்ரீ விருது பெற்ற ஒடிசா கலைஞர் அரசு பங்களாவில் இருந்து வெளியேற்றம்

**ayyasamy ram** · **ayyasamy ram** Fri Apr 29, 2022 6:16 am

டில்லியில், மத்திய அமைச்சர்கள், எம்.பி.,க்களுக்கு அரசு பங்களாக்கள்
ஒதுக்கப்படுகின்றன. அதேபோல், மாதம் 20 ஆயிரம் ரூபாய்க்குள் வருமானம்
உள்ள சிறந்த கலைஞர்களுக்கும், டில்லியில் பங்களாக்கள் ஒதுக்கப்பட்டன.

இந்நிலையில், கலைஞர்களுக்கு வீடு ஒதுக்கும் கொள்கை, 2014ல் ரத்து
செய்யப்பட்டது. இதையடுத்து, வீட்டை காலி செய்யும்படி அவர்களுக்கு,
மத்திய நகர்புற மேம்பாட்டு அமைச்சகம், 'நோட்டீஸ்' அனுப்பியது.

ஆனால், அவர்களில் பலர் காலி செய்யவில்லை. இதையடுத்து, மத்திய அரசு
டில்லி உயர் நீதிமன்றத்தில் மனு தாக்கல் செய்தது. மனுவை விசாரித்த நீதிபதி,
'ஏப்ரல் மாதத்துக்குள், 28 கலைஞர்கள் வீடுகளை காலி செய்ய வேண்டும்' என
உத்தரவிட்டார்.

இதை எதிர்த்து, நடன கலைஞர் ரீட்டா கங்குலி, உயர் நீதிமன்றத்தின் கூடுதல்
அமர்வில் மனு தாக்கல் செய்தார்.

இதை தள்ளுபடி செய்த உயர் நீதிமன்றம், ஒற்றை நீதிபதி தீர்ப்புக்கு தடை விதிக்க
மறுத்துவிட்டது. மேலும், உயர் நீதிமன்ற உத்தரவை மதிக்காதோர் மீது, மத்திய
அரசு நடவடிக்கை எடுக்கவும் அனுமதி வழங்கியது.

இதையடுத்து, மத்திய நகர்ப்புற அமைச்சகம், வீடுகளை காலி செய்யாத
கலைஞர்களை, வீட்டிலிருந்து வெளியேற்றும் நடவடிக்கையில், நேற்று முன்தினம்
ஈடுபட்டது.

முதல் நடவடிக்கையாக, பத்ம ஸ்ரீ விருது பெற்று ஒடிசா நடன கலைஞர்
குரு மாயாதர் ராவத்தையும், அவரது குடும்பத்தினரையும், அதிகாரிகள்
வெளியேற்றினர்.

இது பற்றி, குரு மாயாதர் ராவத் மகள் மதுமிதா கூறுகையில்,
''என் தந்தைக்கு 90 வயதாகிறது. வீட்டை விட்டு வெளியேற்ற நீதிமன்றம்
அனுமதியளித்துஇருந்தாலும், அதை நிறைவேற்றிய விதம் எங்களை வேதனைப்
படுத்திவிட்டது. நான் மட்டும் இல்லாதிருந்தால், என் தந்தை இறந்திருப்பார்,''
என்றார்.

தினமலர்

பத்ம ஸ்ரீ விருது பெற்ற ஒடிசா கலைஞர் அரசு பங்களாவில் இருந்து வெளியேற்றம்

பத்ம ஸ்ரீ விருது பெற்ற ஒடிசா கலைஞர் அரசு பங்களாவில் இருந்து வெளியேற்றம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக