'மதுக்கடையை மூடுவோம்னு சொல்லவே இல்லையே..': மாணவிக்கு கனிமொழி பதில்

**ayyasamy ram** · **ayyasamy ram** Tue Apr 26, 2022 7:10 am

-
நாகர்கோவில்:
'மதுக்கடைகளை மூடுவதாக, தி.மு.க., தேர்தல் வாக்குறுதி எதுவும்
தரவில்லை, அதற்கு சாத்தியமில்லை' என, கனிமொழி எம்.பி., கூறினார்.

கன்னியாகுமரி மாவட்டம், தொலையாவட்டம் கல்லுாரியில் நடைபெற்ற
விழாவில் பங்கேற்ற அவர், மாணவ - - மாணவியரின் கேள்விகளுக்கு
பதிலளித்தார். ஒரு மாணவி, 'தேர்தல் வாக்குறுதிப்படி தமிழகத்தில் பூரண
மதுவிலக்கு அமல்படுத்தப்படுமா?' என கேட்டார்.

இதற்கு பதிலளித்த கனிமொழி, 'தி.மு.க., தேர்தல் அறிக்கையில் அப்படி
எதுவும் சொல்லப்படவில்லை; மதுக்கடைகளை முழுமையாக மூடுவது
இயலாத காரியம்; படிப்படியாக குறைக்கலாம்' என பதிலளித்தார்.

தொடர்ந்து, மின் வெட்டு, மது ஒழிப்பு பற்றி, செய்தியாளர்கள் கேள்வி
எழுப்பிய போது, அதற்கு பதிலளிக்க அவர் மறுத்து விட்டார்.

-தினமலர்

**T.N.Balasubramanian** · **T.N.Balasubramanian** Tue Apr 26, 2022 10:39 am

ஆஹா .....மக்களுக்கு புரிந்தால் சரி.
எந்த ஒரு வியாபாரியும் அரசியல்வாதியாக மாறும்போது
தன் குடும்பம் -குடும்பத்தொழில் சிதிலமடைய விரும்பமாட்டார்கள்.
குடிமகன்கள் மீது நம்பிக்கை. குடிமகன்கள் மரணம் அடைந்தாலும்
அவரது குலத்தோன்றல்கள் தந்தை வழி பற்றி அவர்களும்
குடிமகன்களாக தொடர்வார்கள் எனும் நம்பிக்கை.
சமீபத்தில் பொதுஜனங்களுக்கு பகிரப்பட்ட வீடியோக்களில்
பள்ளிக்கூடம் படிக்கும் பெண்களும் நாங்களும் யாருக்கும் சளைத்தவர்கள் இல்லை என பறைசாற்றியுள்ளனர்.

வாழ்க தமிழகம்.

**மாணிக்கம் நடேசன்** · 14/12/2009

பாவம், தி மு க வுக்கு வாக்களித்த தமிழக வாக்காளர்கள். இனியாவது திருந்துவார்களா? யாருக்கு வாக்களிக்க வேண்டும் என்பதை உணர்ந்து வாக்களியுங்கள். பணத்திற்காக உங்களது பொன்னான வாக்கை வீணாக்காதீர்கள்.

**Dr.S.Soundarapandian** · **Dr.S.Soundarapandian** Tue Apr 26, 2022 3:28 pm

"ஆஹா .....மக்களுக்கு புரிந்தால் சரி.
எந்த ஒரு வியாபாரியும் அரசியல்வாதியாக மாறும்போது
தன் குடும்பம் -குடும்பத்தொழில் சிதிலமடைய விரும்பமாட்டார்கள்.
குடிமகன்கள் மீது நம்பிக்கை. குடிமகன்கள் மரணம் அடைந்தாலும்
அவரது குலத்தோன்றல்கள் தந்தை வழி பற்றி அவர்களும்
குடிமகன்களாக தொடர்வார்கள் எனும் நம்பிக்கை.
சமீபத்தில் பொதுஜனங்களுக்கு பகிரப்பட்ட வீடியோக்களில்
பள்ளிக்கூடம் படிக்கும் பெண்களும் நாங்களும் யாருக்கும் சளைத்தவர்கள் இல்லை என பறைசாற்றியுள்ளனர்.

வாழ்க தமிழகம்." - இரமணியன் சூப்பர்! சூப்பருங்க

“பாவம், தி மு க வுக்கு வாக்களித்த தமிழக வாக்காளர்கள். இனியாவது திருந்துவார்களா? யாருக்கு வாக்களிக்க வேண்டும் என்பதை உணர்ந்து வாக்களியுங்கள். பணத்திற்காக உங்களது பொன்னான வாக்கை வீணாக்காதீர்கள்.” - மாணிக்கம் நடேசன் சூப்பர்! அருமையிருக்கு

‘நாங்க எப்பவுமே அதுதாங்க!’ , ‘நாங்க எப்பவுமே இதுதாங்க!’ - என்ற மக்களின் குருட்டுக் கருத்தை நாம் மாற்றியாக வேண்டும்!

**T.N.Balasubramanian** · **T.N.Balasubramanian** Tue Apr 26, 2022 4:54 pm

படி படியாக குறைப்போம் என்று மக்களுக்கு வாக்கு அளித்தபடி

தினமும் மதுக்கடைகளை மூடுகிறோம், இரவு 10மணி முதல் மறுநாள்
காலை 10 மணி வரை.
12 மணி நேரம் குடிமகன்களை திருப்திப்படுத்த
12 மணிநேரம் குடிக்காத உடல் நலம் விரும்பிகளுக்காக.
அரசு யாருக்கும் ஒரு பக்ஷமாக செயல்படாது என்பதற்கோர் எடுத்துக்காட்டு.

இப்பிடியும் அரசியல்வாதிகள் சொன்னால் ஆச்சரியப்படக்கூடாது.!!

**ayyasamy ram** · **ayyasamy ram** Tue Apr 26, 2022 7:51 pm

டாஸ்மாக் மூலம் கடந்த ஆண்டை ஒப்பிடும்போது நடப்பாண்டில்

ரூ.2,200 கோடி கூடுதல் வருவாய் கிடைத்துள்ளதாக

மதுவிலக்கு
மற்றும் ஆயத்தீர்வை கொள்கை விளக்கக் குறிப்பில் தகவல்

கடந்த 2020-21ஆம் ஆண்டில் மொத்தமாக ரூ.33,811 கோடி டாஸ்மாக்
மூலம் வருவாய் கிடைத்துள்ளதாகவும், நடப்பு ஆண்டில் மார்ச் மாதம்
வரை மட்டும் ரூ.36,013 கோடி வருவாய் கிடைத்துள்ளதாகவும்
மதுவிலக்கு மற்றும் ஆயத்தீர்வை கொள்கை விளக்கக் குறிப்பில்
தகவல் தெரிவிக்கப்பட்டுள்ளது.

மதுவிலக்கு மற்றும் ஆயத்தீர்வை கொள்கை விளக்கக் குறிப்பில்
உள்ள இந்த தகவல் பெரும் அதிர்ச்சியை ஏற்படுத்தியுள்ளது.
டாஸ்மாக் மது குடிப்பவர்களின் எண்ணிக்கை அதிகரித்ததையே
இந்த தகவல் வெளிப்படுத்துகிறது.

-வெப்துனியா