புதிய இரண்டு பஸ் நிலையங்கள் --தனியார்வசம்

**T.N.Balasubramanian** · **T.N.Balasubramanian** Fri Apr 15, 2022 9:25 am

சென்னை: புதிய இரண்டு பஸ் நிலையங்களை பராமரித்து, அவற்றை நிர்வகிக்கும் பொறுப்பை தனியார்வசம் ஒப்படைக்கும் பணிகள் வேகமெடுத்துள்ளன. இதற்கான கலந்தாலோசகரை சி.எம்.டி.ஏ., இறுதி செய்துள்ளது.

புதிய இரண்டு பஸ் நிலையங்கள் --தனியார்வசம் Gallerye_070756465_3007932

புதிய இரண்டு பஸ் நிலையங்கள் --தனியார்வசம் Gallerye_070756465_3007932

சென்னை போக்குவரத்து நெரிசலுக்கு தீர்வாக, செங்கல்பட்டு மாவட்டம், வண்டலுார் அடுத்த கிளாம்பாக்கத்தில் 400 கோடி ரூபாய் செலவில், புதிய பேருந்து நிலையம் கட்டப்படுகிறது. இதே போல் திருவள்ளூர் மாவட்டம் திருமழிசை அடுத்த குத்தம்பாக்கத்தில், 300 கோடி ரூபாயில் பேருந்து நிலையம் கட்டப்படுகிறது.

இதில், கிளாம்பாக்கம் பஸ் நிலையத்தில், 60 சதவீதத்திற்கும் மேல் கட்டுமான பணிகள் முடிந்துள்ள நிலையில், அடுத்த ஆண்டு மக்கள் பயன்பாட்டிற்கு வரும் வகையில், எஞ்சிய பணிகள் வேகமெடுத்துள்ளன. இந்த இரண்டு புதிய பஸ் நிலையங்களையும் பராமரிப்பது மற்றும் நிர்வகிக்கும் பொறுப்பை, ஒப்பந்த அடிப்படையில் தனியாரிடம் விட சி.எம்.டி.ஏ., முடிவு செய்துள்ளது.

இதற்கான வழிமுறைகளை வகுப்பதற்கான கலந்தாலோசகராக, சர்வதேச ரியல் எஸ்டேட் சந்தை நிலவர ஆய்வு பணியில் ஈடுபட்டுள்ள ஜே.எல்.எல்., நிறுவனம் தேர்ந்தெடுக்கப்பட்டுள்ளது.

நன்றி தினமலர்,

**T.N.Balasubramanian** · **T.N.Balasubramanian** Fri Apr 15, 2022 9:27 am

தனியார் வசம் போவதால்
நன்மைகளும் உண்டு. தீமைகளும் உண்டு .
கமிஷன் எப்போதும் போலுண்டு.

**ayyasamy ram** · **ayyasamy ram** Fri Apr 15, 2022 10:20 am

கிளாம்பாக்கத்தில் ஒரு மேம்பாலம் 11 ஆண்டுகளாக
கட்டப்பட்டு வருகிறது:

-

புதிய இரண்டு பஸ் நிலையங்கள் --தனியார்வசம் 753577

-

வண்டலூர் - கிளாம்பாக்கம் செல்லும் சாலையில் உள்ள ரயில்வே
கடவுப்பாதையில் நெடுஞ்சாலைத் துறை சார்பில், ரூ.37.95 கோடி
மதிப்பீட்டில் ரயில்வே மேம்பாலம் அமைக்கும் பணிகள் கடந்த
2010-ம் ஆண்டு தொடங்கப்பட்டன.

11 ஆண்டுகளாக மிகவும் மெதுவாக நடைபெற்று வந்த பாலப் பணியால்
இப்பகுதி மக்கள் தினமும் 4 கிமீ சுற்றிச் சென்றுவர வேண்டியுள்ளது.

இதுகுறித்து அப்பகுதி மக்கள் கூறியதாவது:

கடந்த திமுக ஆட்சிக் காலத்தில் கிளாம்பாக்கம் மேம்பாலம் கட்டும் ப
ணி தொடங்கப்பட்டு, கடந்த 11 ஆண்டுகளாக இதுவரை 90 சதவீத
பணிகளே முடிந்துள்ளன.

திமுக ஆட்சிக்கு வந்தும் கிளாம்பாக்கம் பாலப் பணிகளில் வேகம்
இல்லை. பல்வேறு மேம்பால பணிக்கு அடிக்கல் நாட்டியுள்ள துறை
அமைச்சர், இந்தப் பாலத்தை முடிக்க விரைந்து நடவடிக்கை எடுக்க
வேண்டும். தமிழக அரசு முழு முயற்சி எடுத்து மேம்பாலப் பணிகளை
விரைந்து முடிக்க வேண்டும் என்றனர்.
-
இந்து தமிழ் திசை -03-01-2022

**ayyasamy ram** · **ayyasamy ram** Fri Apr 15, 2022 10:22 am

Sep 1, 2021 ல் வந்த செய்தி:
-

வண்டலூர் கிளாம்பாக்கம் பேருந்து நிலையம் 2022 மார்ச்சில் திறப்பு |

--
-சன் செய்திகள்
---
தற்போதைய செய்தி:
அடுத்த ஆண்டு பயன்பாட்டுக்கு வரும்!
-

இப்பட்டிப்பட்ட காலதாமதத்திற்கு யார் பொறுப்பு?

**T.N.Balasubramanian** · **T.N.Balasubramanian** Fri Apr 15, 2022 5:10 pm

பொதுவாக எல்லா கான்ட்ராக்ட்டிலும்,
குறிப்பிட்ட நாட்களில் குறிப்பிட்ட வேலை
செய்து முடித்தால், அவை பரிசோதிக்கப்பட்டு
குறிப்பிட்ட தொகை வழங்கப்படும்.
கால கெடுவுக்குள் முடிக்கப்படாத வேலைகளுக்கு
அபராத தொகை வசூலிக்கப்படும்.
அந்த அதிகாரம் அதிகாரிக்கு உண்டு.
ஆனால் அரசாங்கத்தில் இந்த வழிமுறைகள்
அமலில் உள்ளதா? சந்தேகம்தான்.
அரசுகள் வரலாம் --அரசுகள் போகலாம்.
ஆனால் அத்துறை அதிகாரிகள் எப்போதுமே உள்ளனர்.
அவர்கள் தான் இதையெல்லாம் கட்டுப்படுத்தவேண்டும்.
முறை அதுதான் ............................
நடைமுறை ???????
யார்யாருக்கோ லாபங்கள் பகிரப்படுகின்றன, மக்கள் பணம் .
பலன்கள் மக்கள்களால் அனுபவிக்கமுடியவில்லையே???? .

Sponsored content · Sponsored content

புதிய இரண்டு பஸ் நிலையங்கள் --தனியார்வசம்

புதிய இரண்டு பஸ் நிலையங்கள் --தனியார்வசம்

Re: புதிய இரண்டு பஸ் நிலையங்கள் --தனியார்வசம்

Re: புதிய இரண்டு பஸ் நிலையங்கள் --தனியார்வசம்

Re: புதிய இரண்டு பஸ் நிலையங்கள் --தனியார்வசம்

Re: புதிய இரண்டு பஸ் நிலையங்கள் --தனியார்வசம்

Re: புதிய இரண்டு பஸ் நிலையங்கள் --தனியார்வசம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக