மனித ரத்தத்தில் பிளாஸ்டிக் நுண்துகள்கள்: விஞ்ஞானிகள் அதிர்ச்சி

**T.N.Balasubramanian** · **T.N.Balasubramanian** Sun Mar 27, 2022 9:47 pm

ஆம்ஸ்டர்டாம்: உலகில் முதல் முறையாக மனித ரத்தத்தில் சிறிய பிளாஸ்டிக் நுண்துகள்கள் இருப்பது நெதர்லாந்தில் உள்ள பல்கலை பேராசிரியர்கள் 22 பேரிடம் நடத்திய ஆய்வில் கண்டுபிடிக்கப்பட்டுள்ளது.

நெதர்லாந்தின் ஆம்ஸ்டர்டாமில் உள்ள பல்கலை நடத்திய ஆய்வில், ரத்தத்தில் சிறிய நுண்ணிய பிளாஸ்டிக் துகள்கள் கலந்துள்ளது முதன்முறையாக கண்டறியப்பட்டுள்ளது.இது தொடர்பாக பல்கலை ஆராய்ச்சியாளர்கள் ஆரோக்கியமான ரத்த நன்கொடையாளர்கள் 22 பேரின் ரத்த மாதிரிகளில் நடத்தப்பட்ட 5 வகையான பரிசோதனைகளில் 17 பேருக்கு ரத்தத்தில் சிறிய நுண்ணிய பிளாஸ்டிக் துகள்கள் இருப்பது தெரியவந்துள்ளது. ஒவ்வொரு மி.லி., ரத்தத்திலும் சராசரியாக 1.6 மைக்ரோகிராம் பிளாஸ்டிக் பாலிமர்களை கொண்டிருந்தன. ரத்தத்தில் உள்ள பிளாஸ்டிக்கினால் என்னவிதமான பாதுகாப்பு, அதிக பிளாஸ்டிக்கினால் ஏற்படும் உடல்நல பாதிப்புகள் குறித்து தெளிவாக தெரியவில்லை.

மனித ரத்தத்தில் பிளாஸ்டிக் நுண்துகள்கள்: விஞ்ஞானிகள் அதிர்ச்சி Tamil_News_large_2993100

மனித ரத்தத்தில் பிளாஸ்டிக் நுண்துகள்கள்: விஞ்ஞானிகள் அதிர்ச்சி Tamil_News_large_2993100

சில ரத்த மாதிரிகளில் இரண்டு அல்லது மூன்று வகையான பிளாஸ்டிக் துகள்கள் இருந்தது. அதேநேரத்தில் பரிசோதனை செய்யப்பட்ட நான்கில் ஒரு பகுதியினரின் ரத்தத்தில் எந்த பிளாஸ்டிக் துகள்களும் கண்டறியப்படவில்லை. மனித ரத்தத்தில் கண்டுபிடிக்கப்பட்ட பிளாஸ்டிக் துகள்களால் உடலுக்கு பாதுகாப்பானதா கேடுகளை விளைவிக்க கூடியதா என்பது குறித்து 5 முதல் 10 ஆண்டுகள் ஆராய்ச்சி செய்தால் தான் முழுமையாக தெரியவரும். இது தொடர்பாகஆராய்ச்சி நடந்து வருகிறது.

நன்றி தினமலர்

**T.N.Balasubramanian** · **T.N.Balasubramanian** Sun Mar 27, 2022 9:52 pm

இரெண்டு தினங்களுக்கு முன் தந்தி டிவி இரவு 7 மணி செய்தியில்
இதை பற்றி விஸ்தாரமாக பேசினார்கள்.
பிளாஸ்டிக் உரையில் நாம் வைக்கும் தின்பண்டம்,பால், பெரிய பெரிய மால்களில் இருந்து பேக் பண்ணி வரும் பூசணி பரங்கி கீற்றுகள் காய்கறிகள் கூட மிக நுண்ணிய பிளாஸ்டிக் துகள் வெளியிட்டு அதன் மூலம் நம் உணவில் கலக்கும் .
மண் சட்டி கலயத்திற்கு மாறுவதுதான் நல்லது.

**krishnaamma** · **krishnaamma** Mon Mar 28, 2022 11:32 am

**krishnaamma** · **krishnaamma** Mon Mar 28, 2022 11:35 am

T.N.Balasubramanian wrote:இரெண்டு தினங்களுக்கு முன் தந்தி டிவி இரவு 7 மணி செய்தியில்
இதை பற்றி விஸ்தாரமாக பேசினார்கள்.
பிளாஸ்டிக் உரையில் நாம் வைக்கும் தின்பண்டம்,பால், பெரிய பெரிய மால்களில் இருந்து பேக் பண்ணி வரும் பூசணி பரங்கி கீற்றுகள் காய்கறிகள் கூட மிக நுண்ணிய பிளாஸ்டிக் துகள் வெளியிட்டு அதன் மூலம் நம் உணவில் கலக்கும் .
மண் சட்டி கலயத்திற்கு மாறுவதுதான் நல்லது.

ஆமாம் ஐயா.... வத்தல் குழம்பு மற்றும் தயிர் தோய்க்க மண் கலயம், தோசை வார்க்க இரும்பு தோசைக்கல் + கறியமுது சமைக்க இரும்பு சட்டி (சொல் வழக்கில் இலுப்ப சட்டி புன்னகை

) என்று கொஞ்சமாவது பழகலாம் புன்னகை

**Dr.S.Soundarapandian** · **Dr.S.Soundarapandian** Mon Mar 28, 2022 1:56 pm

அதெல்லாம் சரி! கலப்படப் பொருள்கள் அமோகமாக நம்மிடம் விற்பனை ஆகிக்கொண்டிருக்கிறதே, அதைப்பற்றி ஏன் யாரும் மூச்சு விடுவதில்லை?

**T.N.Balasubramanian** · **T.N.Balasubramanian** Mon Mar 28, 2022 4:02 pm

அடிக்கடி செய்திகள் வருகின்றனவே அய்யா.
பாலில் கலப்படம் : தேனில் கலப்படம்.:மல்லிகை பூவில் கலப்படம்.
அரிசியில் கலப்படம்:அரசியலில் கலப்படம்.(வரவேற்கிறார்கள்)
சிக்கன் பிரியாணி என்று காக்கை பிரியாணியை சுவைக்கிறார்கள்.
மட்டன் என்று கூறி நாய் மாமிசம் விற்கிறார்கள்.
பேப்பரில் வருகின்றனவே அய்யா.
நாம்தான் கண்டுகொள்வதே இல்லை.

@Dr.S.Soundarapandian

**krishnaamma** · **krishnaamma** Mon Mar 28, 2022 9:48 pm

Dr.S.Soundarapandian wrote:

அதெல்லாம் சரி! கலப்படப் பொருள்கள் அமோகமாக நம்மிடம் விற்பனை ஆகிக்கொண்டிருக்கிறதே, அதைப்பற்றி ஏன் யாரும் மூச்சு விடுவதில்லை?

மேற்கோள் செய்த பதிவு: 1360189

உண்மைதான் ஐயா.... நம்மால் போரிட்டு ஆவது ஒன்றும் இல்லை என்று விட்டு விட்டார்கள் போல இருக்கிறது .... சோகம்