எதையும் தாங்கும் புதிய பொருள்!

**T.N.Balasubramanian** · **T.N.Balasubramanian** Mon 28 Mar 2022 - 18:39

அதிர்வு, தாக்குதல், எடை என்று எதையும் தாங்கும் பொருள்கள் பலவித கருவிகளில் பயன்படுகின்றன. அண்மையில், அமெரிக்காவிலுள்ள ஜான்ஸ் ஹாப்கின்ஸ் பல்கலைக்கழகத்தை சேர்ந்த விஞ்ஞானிகள் ஒரு புதிய பொருளை உருவாக்கி உள்ளனர்.

அது மிக எடை குறைவாக இருந்தாலும், ஒரு வலுவான உலோகத்திற்கு உரிய அளவு தாக்குதலின் அதிர்வை உள்வாங்கும் திறன் கொண்டதாக உள்ளது. ஆய்வகத்தில் உருவாக்கப்பட்ட இந்த விந்தைப் பொருள் கடினத் தன்மையும், அதே நேரத்தில் நெகிழ்வுத் தன்மையும் கொண்டுள்ளது.

இத்தகைய பொருட்கள் திரவப் படிக எலாஸ்டோமர்கள் (L.C.E.) என்று அழைக்கப்படுகின்றன. எல்.சி.இ.,யின் வலைப்பின்னல்கள் போன்ற அமைப்பை பலவித சோதனைகளுக்கு உட்படுத்தியபோது, அது தன் மீது மோதும் ஆற்றலின் விசையை உள்வாங்கி, மீண்டும் பழைய நிலைக்கு வந்தது.

அதுமட்டுமல்ல இந்தப் பொருளை மறுசுழற்சி செய்ய முடியும் என்பதும் குறிப்பிடத்தக்கது. இத்தகைய பொருளைக் கொண்டு தலைக் கவசம், போர் கவசம் மற்றும் வாகன உதிரி பாகங்கள் போன்றவற்றை செய்யலாம் என ஜான்ஸ் ஹாப்கின்ஸ் பல்கலை விஞ்ஞானிகள் தெரிவித்து உள்ளனர்.

நன்றி தினமலர்.

**T.N.Balasubramanian** · **T.N.Balasubramanian** Mon 28 Mar 2022 - 18:43

பெரிய அளவில் --அதிக உற்பத்தி செய்கின்ற அளவு யாருக்காவது உரிமை கொடுத்துள்ளனரா என தெரியவில்லை. இது ஒரு முன்மாதிரி (prototype) என எண்ணுகிறேன்.
காலம் பல பிடிக்கலாம் இதை பயன்பாட்டிற்கு கொண்டுவர.