மயிலாடுதுறை: அமிர்தகடேஸ்வரர் கோயிலில் 25 ஆண்டுகளுக்கு பிறகு குடமுழுக்கு விழா

**ayyasamy ram** · **ayyasamy ram** Sun 27 Mar 2022 - 17:09

-

மயிலாடுதுறை: அமிர்தகடேஸ்வரர் கோயிலில் 25 ஆண்டுகளுக்கு பிறகு குடமுழுக்கு விழா 1648365861901

-
மயிலாடுதுறை மாவட்டத்தில் உள்ள அமிர்தகடேஸ்வரர் கோயிலில்
25 ஆண்டுகளுக்கு பிறகு குடமுழுக்கு விழா கோலாகலமாக
நடைபெற்றது.

மயிலாடுதுறை மாவட்டம் திருக்கடையூரில் உள்ள
அமிர்தகடேஸ்வரர் கோயில் 1,500 ஆண்டுகள் பழமை வாய்ந்தது.
இந்தக் கோயிலில் கடந்த 1997ஆம் ஆண்டு குடமுழுக்கு விழா
நடைபெற்றது. அதன்பிறகு, 25 ஆண்டுகளுக்கு பின் குடமுழுக்கு
விழா நடைபெற்றது.

ஏராளமான பக்தர்கள் குவிந்த நிலையில் ஆயிரத்துக்கும் மேற்பட்ட
காவலர்கள் பாதுகாப்பு பணியில் ஈடுபட்டனர். குடமுழுக்கு
நிகழ்ச்சியின்போது முக்கிய பிரமுகர்களுக்கு மட்டுமே கோயிலுக்குள்
சென்று வழிபட அனுமதி அளிக்கப்பட்டது.

பக்தர்கள் கோயிலுக்கு வெளியே இருந்து குடமுழுக்கை கண்டனர்.
குடமுழுக்கு முடிந்த பின்னர் பக்தர்கள் கோயிலுக்குள் சென்று
வழிபாடு நடத்த அனுமதிக்கப்பட்டனர். என்றும் இளமையுடன்
இருப்பதற்காக மார்க்கண்டேயன் வரம் பெற்ற கோயிலாக
அமிர்தகடேஸ்வரர் கோயில் கருதப்படுகிறது.

சாகாவரம் வேண்டி 60, 80, 90, 100 வயதுகளில் இந்தக் கோயிலில்
திருமணம் செய்துகொள்வது நம்பிக்கையாக உள்ளது.

-புதியதலைமுறை-செய்திகள்

**krishnaamma** · **krishnaamma** Mon 28 Mar 2022 - 13:12

@ayyasamy ram
எந்த டிவியிலும் நன்றாக காட்டவே இல்லை அண்ணா.... சோகம்

... ட்ரௌன் வைத்து கொண்டு எடுத்திருக்கிறார்கள்.... கண்டதையும் காட்டினார்களே அல்லாது திருப்தியாக கும்பத்தில் தண்ணீர் சேர்ப்பதை காட்டவில்லை..தேவை இல்லாமல் சிறுவர்களும் பெரியவர்களும் அங்கு அனுமதிக்கப்படிருந்தார்கள் ( கரை வேட்டிகள்???? கோபம்