உக்ரைனில் உணவு, எரிபொருள் இன்றி பின்வாக்கும் ரஷ்ய ராணுவம்: பென்டகன்

**ayyasamy ram** · **ayyasamy ram** Wed Mar 23, 2022 3:45 am

உக்ரைனில் 4 வாரங்களை தாண்டி ரஷ்யப் படைகள் போர் புரிந்து
வருகின்றன. அமெரிக்கா இந்த போரில் உக்ரைனுக்கு ஆதரவாக
பல்வேறு விஷயங்களை செய்து வருகிறது.

ரஷ்யா உடனான தொடர்புகள் துண்டிக்கப்பட்ட நிலையில் அமெரிக்கா
உக்ரைனுக்கு அதிநவீன ஆயுதங்களையும் நிதியையும் அளித்து வருகிறது.
இதனை தொடர்ந்து தற்போது அமெரிக்க ராணுவ தலைமையகமான
பென்டகன் ஒரு முக்கிய அறிவிப்பை வெளியிட்டுள்ளது.

இதுகுறித்து பென்டகன் செய்தித் தொடர்பாளர் கெர்பி கூறுகையில்,
மேலை நாடுகளின் உதவியுடன் உக்ரைன் தொடர்ந்து ரஷ்ய படைகளுடன்
போர் புரிந்து வருவதாகவும் மூன்றாவது வாரத்தில் ரஷ்யாவுக்கு உக்ரைன்
படைகள் தக்க பதிலடி கொடுத்து உள்ளதாகவும் தெரிவித்துள்ளார்.

மைகோலேவிவ் நகரில் முன்னதாக உக்ரைன் ராணுவம் எந்த நிலைமையை
சந்தித்ததே அதே நிலைமையை தற்போது ரஷ்ய ராணுவம் சந்தித்து
வருவதாகவும் வரும் நாட்களில் ரஷ்யப் படைகள் உக்ரைனை விட்டு
வெளியேறும் என்றும் கூறியுள்ளார்.

ரஷ்ய படைகளிடமிருந்து உக்ரைன் எத்தனை நகரங்களை மீட்டுள்ளது என்கிற
சரியான தகவல் இன்னும் தெரியவில்லை என்றும் ஆனால் விரைவில் முக்கிய
நகரங்களை மீட்கும் எனவும் நம்பிக்கை தெரிவித்துள்ளார்.

ரஷ்யப் படைகள் தற்போது உணவுப் பஞ்சத்தால் தவித்து வருவதாகவும்
மேலும் அவர்களது வாகனங்களுக்கு எரிபொருள் பற்றாக்குறை
ஏற்பட்டுள்ளதாகவும் கூறிய அவர், ரஷ்யப் படைகள் இதனால் மன உளைச்சலுக்கு
ஆளாகி உள்ளதாக கூறியுள்ளார்.

தெற்கு உக்ரைன் பகுதியில் உள்ள கேர்சன் மற்றும் மெலடிபோல்
ஆகிய நகரங்களை தவிர மற்ற நகரங்களில் ரஷ்யப் படைகளால்
ஊடுருவ முடியவில்லை என்றும் அவர் கூறியுள்ளார்.

தினமலர்

உக்ரைனில் உணவு, எரிபொருள் இன்றி பின்வாக்கும் ரஷ்ய ராணுவம்: பென்டகன்

உக்ரைனில் உணவு, எரிபொருள் இன்றி பின்வாக்கும் ரஷ்ய ராணுவம்: பென்டகன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக