ஆரஞ்சு மால்புவா

**ayyasamy ram** · **ayyasamy ram** Fri Mar 18, 2022 4:54 pm

-
ஆரஞ்சு சீஸன் தொடங்கியிருக்கிறது. சீஸனில் மலிவாகக்
கிடைக்கும் அவற்றை வாங்கி முழுமையாகப் பயன்படுத்திக்
கொள்வது ஆரோக்கியம் காக்கும்.

அந்த வகையில் ஆரஞ்சுப் பழங்களில் செய்து அசத்தும்
படியான வித்தியாச விருந்தை இந்த வார வீக் எண்டுக்கு
முயற்சி செய்யுங்களேன்.

தேவையானவை:

மைதா மாவு – ஒரு கப்
ரவை, சர்க்கரை – தலா அரை கப்
சோம்பு – 2 டேபிள்ஸ்பூன்
ஆரஞ்சு டிரிங்க் பவுடர் – ஒரு டேபிள்ஸ்பூன்
காய்ச்சி ஆறவைத்த பால் – 3 டேபிள்ஸ்பூன்
எண்ணெய் – பொரிக்கத் தேவையான அளவு

செய்முறை:

ரவையுடன் மூழ்கும் அளவு தண்ணீர்விட்டு 15 நிமிடங்கள் ஊற
வைக்கவும். பாலுடன் சோம்பு, ஆரஞ்சு டிரிங்க் பவுடர், சர்க்கரை,
மைதா மாவு சேர்த்துக் கலக்கவும். இதனுடன் ஊறவைத்த ரவை,
சிறிதளவு தண்ணீர் சேர்த்துக் கரைக்கவும் (மிகவும்
கெட்டியாகவோ மிகவும் தளர்வாகவோ இருக்கக் கூடாது).

வாணலியில் எண்ணெயைக் காயவிட்டு, மாவை சிறிய
கரண்டியால் எடுத்து ஊற்றி, அடுப்பை சிறு தீயில் வைத்து,
பொன்னிறமாகப் பொரித்தெடுக்கவும். சிறிது நேரம் ஆறவிட்டுப்
பரிமாறலாம். அதிக இனிப்பு தேவைப்பட்டால் மேலே சிறிதளவு
சுகர் சிரப் விட்டுப் பரிமாறவும்

-அவள் விகடன்