கிரிக்கெட் போட்டி --டெஸ்ட் மேட்ச்

இந்திய -ஸ்ரீலங்கா இரண்டாம் டெஸ்ட் கிரிக்கெட் போட்டி இன்றைய
தினம் மதியம் 2 மணிக்கு பெங்களுருவில் சின்னசாமி மைதானத்தில் நடைபெறுகிறது.

மாலை நேரங்களில் பெங்களுருவில் 90% நாட்களில் மழை பொழியும்.
100% ரசிகர்களுக்கு அனுமதி.

எதிர்பார்க்கப்படும் சாதனைகள்.
விராட் கோலி .
1. தற்போது 100 போட்டிகளில் 8007 ரன்களுடன் அதிக ரன்கள் எடுத்த பேட்ஸ்மேன்களின் பட்டியலில் 32-வது இடத்தில் இருக்கும் விராட் கோலி இன்னும் 26 ரன்கள் எடுக்கும் பட்சத்தில் வெஸ்ட் இண்டீஸ் ஜாம்பவான் சர் கேரி சோபர்ஸ் மற்றும் ஆஸ்திரேலியாவின் மார்க் வாக் ஆகியோரை முந்தி புதிய மைல்கல்லை எட்டுவார். வெஸ்ட் இண்டீஸ் கண்ட மகத்தான ஆல்-ரவுண்டரான சர் கேரி சோபர்ஸ் 93 போட்டிகளில் 8032 ரன்களை எடுத்துள்ளார். அதேபோல் ஆஸ்திரேலியாவின் மார்க் வாக் 128 போட்டிகளில் 8029 ரன்களை எடுத்துள்ளார்.
2.இத்துடன் பெங்களூர் போட்டியில் களமிறங்கும் அவர் 101 டெஸ்ட் போட்டிகளில் விளையாடிய வீரர் என்ற பெருமையை தென்ஆப்பிரிக்காவின் கேரி க்ரிஸ்டன், மகாயா நிடினி மற்றும் நியூசிலாந்தின் பிரெண்டன் மெக்கல்லம் ஆகியோருடன் பகிர்ந்து கொள்வார்.
3. பெங்களூரு போட்டியில் களமிறங்கும் இந்தியாவின் கேப்டன் ரோகித் சர்மா சர்வதேச கிரிக்கெட்டில் 400 போட்டிகளில் விளையாடிய 9-வது இந்திய வீரர் என்ற சாதனையை படைப்பார். கடந்த 2006ஆம் ஆண்டு இந்தியாவுக்கு அறிமுகமான அவர் இதுவரை ஒருநாள், டெஸ்ட் மற்றும் டி20 என 3 வகையான கிரிக்கெட்டையும் சேர்த்து 399 போட்டிகளில் விளையாடியுள்ளார்.
அஸ்வின்
1. தற்போது 85 போட்டிகளில் 436 விக்கெட்டுகளை எடுத்துள்ள ரவிச்சந்திரன் அஸ்வின் பெங்களூரு டெஸ்டில் இன்னும் 4 விக்கெட்டுகளை எடுக்கும் பட்சத்தில் டெஸ்ட் கிரிக்கெட்டில் அதிக விக்கெட்டுகள் எடுத்த 8-வது பந்துவீச்சாளர் என்ற தென் ஆப்பிரிக்க ஜாம்பவான் டேல் ஸ்டைன் சாதனையை உடைத்து புதிய சாதனை படைப்பார். தற்போது டேல் ஸ்டைன் 93 போட்டிகளில் 439 விக்கெட்களை எடுத்து 8-வது இடத்தில் உள்ளார் என்பது குறிப்பிடத்தக்கது.
2. மேலும் பெங்களூரு டெஸ்டில் அவர் ஏதேனும் ஒரு இன்னிங்சில் 5 விக்கெட்களை எடுக்கும் பட்சத்தில் டெஸ்ட் போட்டிகளில் சொந்த மண்ணில் அதிக 5 விக்கெட் ஹால் எடுத்த இந்திய பந்துவீச்சாளர் என்ற ஜாம்பவான் அனில் கும்ப்ளேவின் சாதனையை சமன் செய்வார். இதுவரை அனில் கும்ப்ளே இந்திய மண்ணில் 63 டெஸ்ட் போட்டிகளில் 25 முறை 5 விக்கெட் ஹால் எடுத்துள்ளார். அவருக்கு அடுத்த இடத்தில் ரவிச்சந்திரன் அஸ்வின் 50 போட்டிகளில் 24 முறை 5 விக்கெட் ஹால் எடுத்துள்ளார் என்பது குறிப்பிடத்தக்கது.

நன்றி கிரிக் தமிழ்.

மூன்று வீரர்களையும் முன்னதாகவே வாழ்த்துவோம்!

இந்திய 238 ரன்கள் வித்தியாசத்தில் இலங்கையை தோற்கடித்தது /

இலங்கைக்கு எதிராக விளையாடிய எல்லா போட்டிகளிலும் இந்தியா வெற்றி பெற்றுள்ளது.

ரோஹித் சர்மா கேப்டனாக பதவி ஏற்று விளையாடிய எல்லா ஆட்டங்களிலும்
வெற்றியே.

தொடர் வெற்றிக்கு வாழ்த்துவோம்.

தனஜ்ஜேய டி சில்வாவின் விக்கெட்டை எடுத்து,தனது 440 டெஸ்ட் விக்கெட் சாதனையை அஸ்வின் ரவிச்சந்திரன் ஏற்படுத்தினார். டேல் ஸ்டேனின்
439 விக்கெட்டை தாண்டி உலகின் அதிகம் டெஸ்ட் விக்கெட் எடுத்தவரில் பட்டியலில் 8ம் இடத்தில் உள்ளார். ஆடிய 86 டெஸ்டுகளில் 442 விக்கெட்கள்
எடுத்துள்ளது.
அதிகம் டெஸ்ட் விக்கெட் எடுத்த கும்ப்ளே முதலிடத்திலும் அஸ்வின் இரண்டாம் இடத்திலும் உள்ளனர்.