மனிதனை நல்வழிப்படுத்த நிரந்தர தீர்வு...!

ஞானி ஒருவர் ஒரு ஊருக்கு சென்றார். பலர் வந்து அவரை
தரிசித்து ஆசி பெற்று சென்றனர்.

இளைஞன் ஒருவன் வந்தான் ” சாமி எனக்கு ஒரு சந்தேகம் ”
உங்களைப் போன்று பல ஞானிகளும் பெரியோர்களும் வந்து
மனித குலத்திற்கு பல அறிவுரைகள் சொல்லியுள்ளனர்.
ஆனால் இன்றும்
மனிதன் தீய வழியில் தான் செல்கிறான் , உங்களைப்
போன்றவர்களின் அறிவுரைகளால் என்ன பயன்? என்று கேட்டான்.

ஞானி அவனிடம் சொன்னார். தம்பி நான் இன்னும் சில நாட்கள்
இங்கே தான் தங்கி இருப்பேன், நான் இந்த ஊரை விட்டு செல்லும்
பொழுது நீ கேட்ட கேள்விக்கு பதில் சொல்கிறேன் , அதற்கு முன்
ஒரு வேலை செய் ” ஒரு கழுதையை கொண்டு வந்து இந்த கோயில்
மண்டபத்தில் கட்டி வை நான் ஊரைவிட்டு செல்லும் வரை கழுதை
அங்கே கட்டி இருக்கட்டும், தினமும் இரவு அதற்கு உணவு வைத்து
விடு ” என்று சொல்லி விட்டு அருகில் உள்ள சத்திரத்துக்கு சென்றார் .

மறுநாள் காலை ஞானி அந்த கோயில் மண்டபத்திற்கு வந்தார்.
அப்பொழுது அந்த இளைஞன் அந்த கழுதையை சுத்தி இருந்த
சாணத்தையும் , அது மிச்சம் வைத்த உணவு குப்பைகளையும்
சுத்தப்படுத்திக் கொண்டு இருந்தான் .

இவ்வாறு நான்கு நாட்கள் தொடர்ந்து நடந்தன. அடுத்த நாள் காலை
சுத்தப்படுத்திக் கொண்டிருந்த இளைஞர் கிட்டே வந்தார் ஞானி.

தம்பி நீ தினமும் இந்த இடத்தை சுத்தப் படுத்தினாலும் கழுதை
மீண்டும் மீண்டும் அசுத்தம் செய்து விடுகின்றதே ,பிறகு ஏன்
தேவை இல்லாமல் இந்த இடத்தை மீண்டும் மீண்டும் சுத்தம்
செய்கிறாய்? என்று கேட்டார்.

அதற்கு அவன் என்ன சாமி எல்லாம் தெரிஞ்ச நீங்க இப்படி
கேட்கறீங்க? திரும்ப திரும்ப அசுத்தம் ஆவுதுங்கிறதுக்காக இந்த
இடத்தை சுத்தப்படுத்தாம இருக்க முடியுமா? என்றான்

இதை கேட்ட ஞானி அப்போது சொன்னார்
”தம்பி அன்று நீ என்னிடம் கேட்ட கேள்விக்கு இதுதான் பதில்.
நீ இப்போது செய்யும் வேலையைத் தான் நானும் செய்து வருகின்றேன்.

அசுத்தமான இடத்தை நீ மீண்டும் மீண்டும் சுத்தம் செய்வது போல் ,
மனிதனை நல்வழி படுதும் செயலை எங்களைப் போன்ற பெரியோர்கள்
இடைவிடாமல் செய்து வருகிறோம்.

இளைஞன் ” சாமி இதற்கு நிரந்தர தீர்வதான் என்ன ?என்று கேட்டான்.
அவர் உடனே அங்கு கட்டி இருந்த கழுதையை அவிழ்த்து விட்டு
விரட்டினார்.

பின்பு அந்த இளைஞனைப் பார்த்துக் கேட்டார்
“இனி இந்த இடம் அசுத்தம் ஆகுமா? என்றார்
ஆகாது சாமி. என்றான்.
ஞானி கூறினார் ” உன் கேள்விக்கு இதான் பதில் .

நீ செய்த வேலையைப் போல் நாங்கள் மீண்டும் மீண்டும் சுத்தப்படுத்திக்
கொண்டு இருக்கிறோம் .
இப்பொழுது நான் செய்த வேலையைப் போல் என்று மனிதன் தன்னிடம்  
இருக்கும் தீய எண்ணம் என்ற கழுதையை வாழ்வில் இருந்து விரட்டி
விடுகிறானோ,அப்பொழுதே எங்களின் சுத்தம் படுத்தும் கடமை முடிந்து
விடும்,அதுவரை மனிதனை நன்னெறி படுத்துவது ஆன்மிகத்தின் கடமை
என்றார்

நன்றி-முகநூல் (பதிவிட்டவர்- ஸ்ரீராம் கோவிந்த்)

அருமையான விளக்கம்.
பகிர்வுக்கு நன்றி.ராம்.