மஞ்சள் மலருக்கு ஒரு கவிதை

nandhtiha · nandhtiha Wed Jan 20, 2010 8:32 pm

வெடிபடுந் தரையில் வெளிப்படும் மலரே
கொடியுட னமர்ந்து குடிகளைக் காத்து
படைகொடு எதிரியின் பலத்தினை மாய்த்து
கொடைநிழ லமர்ந்து குலத்தமிழ் வளர்த்து
விடைமீ தமர்ந்து கொடிக்குடல் கொடுத்த
சடையன் திருத்தாள் தன்னுளம் பொருத்தி
மன்னர்கள் ஆண்ட மாண்புறு ஈழம்
தென்திசைக் கிழவோன் திகைப்புற வீரத்
தன்குலப் பெருமை தரணியில் நிறுத்தி
இன்னிசை பெற்றது இருநிலம் கண்டதும்
பன்னெடும் காலப் பழங்கதை சொல்லும்
இந்நாள்

தன்னலம் பேணும் தருக்கர் சிலரால்
இன்னல்க ளடைந்தோம் இற்றை நாளில்
பொன்விளை நாடு புழுதியாய்ப் போனது
மன்னுயிர் காக்கத் தன்னுயிர் ஈயக்
கன்னியர் காளையர் களத்திடை புகுந்தனர்
வன்னிக் காடு வளைக்கப் பட்டது
என்னே கொடுமை என்னே கொடுமை
அன்னையர் தந்தையர் அருமைச் சிறார்கள்
பொன்னுல கடைந்தனர் புழுவாய்த் துடித்தனர்
கன்னல் தந்தது கருகிப் போனது
செந்நெல் தந்தது சிதைந்து போனது
அன்னவை அனைத்தும் அறிந்தும் செயல்படா
அன்னவர் தோளில் அணியும் துணிக்கு
என்னே நீயும் நின்வணம் தருதலே?

பொருள்

சூரியன் சூட்டினால் வெடித்துச் சிதறியுள்ள தரையில் பூத்திருக்கும் மஞ்சள் பூவே!
எம் எம் முன்னோர் தங்கள் கொடி அசைந்தாட குடிமக்களைக் காத்து, தம் படை வலி கொண்டுப்
எதிர்த்தோரின் பலத்தைச் சிதற அடித்து (பிறதேசங்களை ஆக்கிரமித்தல் இல்லை.
தற்காப்புப் போர் மட்டும் தான்) வெண் கொற்றக் கொடையின் கீழ் அமர்ந்து எங்கள்
குலத்தமிழினை வளர்த்து, விடையூறும் பெருமான் தன் உடலில் பாதியை உமைக்குக்க்
கொடுத்த வள்ளல். அவன் திருப்பாதத்தைத் தங்கள் மனக் கோயிலில் இருத்திய மன்னர்கள் ஆண்ட
பெருமை வாய்ந்த நாடு எம் ஈழம், இங்கிருந்த தமிழர்கள் தென் திசைத் தேவனாகிய இயமன்
கண்டு நடுங்கும் அளவுக்கு வீரம் வாய்ந்த தங்கள் குலப்பெருமையை இந்நீணிலத்தில் நிலை
நிறுத்தி பெரும் புகழ் கண்ட கதையினை இங்குள்ள பழம் கதைகள் பரக்கச் சொல்லா
நிற்கும்.

ஆனால் இந்த நாள்…..

சுய நலம் பிடித்த சிலரால் காட்டிக் கொடுக்கப் பட்டு எண்ண மாளாத் துன்பங்கள் அடைந்தோம்.
பொன் விளையும் நாடு புழுதிக் காடானது. தம் தமிழர் தம் உயிரைக் காக்கக் கன்னியரும்
காளையரும் களம் புகுந்தனர். காட்டிக் கொடுக்கப் பட்டமையால் எவரும் புகவொண்ணா
வன்னிக்காடு வளைக்கப் பட்டது. நல்லோர் மனம் நடுங்கும்ப் படியான கொடுமைகள்
நடந்தேறின. அன்னையரும் தந்தையரும் மாண்டனர். சிலர் புழுக்களெனத் துடித்தனர்.
கன்னல் விளைந்த பூமி ஏவுகணைகளால் கருகிப் போய் விட்டது. செந்நெல் விளைந்த பூமி
சிதைந்து போனது, இத்துணை கொடுமைகள் நிகழ்ந்தும் முகத்திரண்டு கண்ணிருந்தும் காணாக்
கண்ணராய் இருந்தார் தோளில் தொங்கும் துண்டுக்கு நின் மஞ்சள் நிறத்தைக் கொடுத்தது
என்ன காரணம் பற்றி? விளக்கமாக்ச் சொல்வாயா

நிலாசகி · நிலாசகி Wed Jan 20, 2010 9:07 pm

சொரூபன் · சொரூபன் Wed Jan 20, 2010 9:13 pm

nandhtiha · nandhtiha Wed Jan 20, 2010 9:17 pm

வணக்கம்
என் ஊக்கம் வளரும் வண்ணம் பின்னூட்டம் வரைந்த அனவருக்கும் நன்றி
அன்புடன்
நந்திதா

kirupairajah · kirupairajah Wed Jan 20, 2010 9:19 pm

ஈழத்தமிழர்களின் துயரத்தை சிறப்பாக சொல்லி இருக்கிறீர்கள் அக்கா! அருமையான கருத்துக்கள்!

nandhtiha · nandhtiha Wed Jan 20, 2010 9:21 pm

அன்பு இளவலுக்கு
வணக்கம்
நன்றி
அன்புடன்
நந்திதா

அப்புகுட்டி · அப்புகுட்டி Thu Jan 21, 2010 1:37 am

kirupairajah wrote:ஈழத்தமிழர்களின் துயரத்தை சிறப்பாக சொல்லி இருக்கிறீர்கள் அக்கா! அருமையான கருத்துக்கள்!

சம்சுதீன் · சம்சுதீன் Thu Jan 21, 2010 1:46 am

nandhtiha · nandhtiha Thu Jan 21, 2010 9:23 am

வணக்கம்
திரு அப்புக்குட்டி மற்று திரு ஷம்சுதீன் அவர்களுக்கு என் நன்றி
அன்புடன்
நந்திதா

Sponsored content · Sponsored content

மஞ்சள் மலருக்கு ஒரு கவிதை

மஞ்சள் மலருக்கு ஒரு கவிதை

Re: மஞ்சள் மலருக்கு ஒரு கவிதை

Re: மஞ்சள் மலருக்கு ஒரு கவிதை

Re: மஞ்சள் மலருக்கு ஒரு கவிதை

Re: மஞ்சள் மலருக்கு ஒரு கவிதை

Re: மஞ்சள் மலருக்கு ஒரு கவிதை

Re: மஞ்சள் மலருக்கு ஒரு கவிதை

Re: மஞ்சள் மலருக்கு ஒரு கவிதை

Re: மஞ்சள் மலருக்கு ஒரு கவிதை

Re: மஞ்சள் மலருக்கு ஒரு கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக