குமாயுன் புலிகள் - ஜிம் கார்பெட் தமிழில் தி. ஜ. ரங்கநாதன்

குமாயுன் புலிகள் - ஜிம் கார்பெட் தமிழில் தி. ஜ. ரங்கநாதன்


ருட்யார்ட் கிப்ளிங்கின் 'ஜங்கிள் புக்' கதைகளைப் போலே ஜிம் கார்பெட்டின் வனம் சார்ந்த இந்தக் கதைகளும் பெரும் புகழைப் பெற்றிருக்க வேண்டும். கிப்ளிங்கின் கதைகள் கற்பனையில் எழுந்தவை. அவரது வன வாழ்வை பற்றிய பெரும் ஞானத்தில் இருந்து எழுதப்பட்டவை. கார்பெட்டின் கதைகள் உண்மையை அடிப்படையாகக் கொண்டு எழுதப்பட்டவை. உண்மை சில சமயம் கற்பனையை விட வினோதமாக இருக்கும். வேகமான கதைகளை விரும்பும் சிறுவர்களுக்கும் சிறுமிகளுக்கும் இந்தக் கதைகள் மிகவும் விருப்பமாக இருக்கும்; அது போலவே, காடுகளையும் அவற்றின் மிருகங்களையும் விரும்பும் எவருக்கும் இந்தக் கதைகள் பிடிக்காமல் போகாது; புலியை தன் முயற்சியால் சுட விரும்பும் உண்மையான வேட்டைக்காரர்களுக்கு இந்தப் புத்தகம் விலை மதிக்க முடியாதது

குமாயுன் மலைகளில் மனிதர்களைத் தின்னும் புலிகளை ஜிம் கார்பெட் வேட்டையாடியது, ஒரு நல்ல வேட்டைக்காரருக்கு (சிகாரி) கட்டாயம் இருக்கவேண்டிய உடல் பலம், தீராத பொறுமை, கூர்மையான கவனம், சிறு அடையாளங்களை கண்டுகொள்ளும் திறன் மட்டும் அல்லாது அவற்றைச் சரியான முறையில் புரிந்துகொள்வது போன்றவற்றை உயர்த்திக் காட்டுகிறது. இவற்றுடன் மிக அதிகமான தைரியத்தையும் சேர்க்க வேண்டும். புத்தகத்திலிருந்து நான் எதையும் எடுத்துக்காட்டப் போவதில்லை. நீங்களே புத்தகத்தை வாசியுங்கள்: மேலே சொன்னதன் உண்மையை அறிவீர்கள்.

- எம். ஜி. ஹல்லேட்

மனிதர்களை உண்ணும் புலிகளை ஜிம் கார்பெட் வேட்டையாடிய உண்மை அனுபவங்களே இந்தக் கதைகள். சாகசக் கதைகளை விரும்பும் அனைவருக்கும் நான் இந்தக் கதைகளை மகிழ்வுடன் பரிந்துரை செய்வேன்.

இந்தப் புத்தகத்தில் ஜிம் கார்பெட் இயற்கையை நேசித்ததன் பல உதாரணங்களை வாசகர்கள் உணரலாம். இந்தியாவில் மேஜர் கார்பெட்டுடன் என்னுடைய சில விடுமுறைகளில் நேரம் செலவழித்தவன் என்ற முறையில் அவரைப் போல கானகத்தை நேசிப்பவர்களை எந்தக் கண்டத்திலும் நான் கண்டதில்லை. காட்டுயிர்களின் வாழ்க்கையைப் கவனிப்பதில் தனக்குக் கிடைக்கும் மகிழ்ச்சியை அவர் பல முறை என்னுடன் பகிர்ந்துள்ளார். அவர் தன் கண்களால் கண்டவற்றை எழுதியிருக்கும் இந்தப் புத்தகத்தின் முதல் பதிப்பை போரினால் கண்களை இழந்த வீரர்களுக்கு அர்ப்பணித்துள்ளார் . இந்தப் புத்தகத்தின் மூலம் கிடைக்கும் லாபத்தை நாட்டிற்காக தங்கள் கண்களைத் தந்தவர்களுக்கு உதவி செய்து, அவர்கள் நல்ல முறையில் வாழ உதவும் புனித டன்ஸ்டன் நிறுவனத்திற்குக் கொடுத்திருக்கிறார்.

- லின்லித்கோ

***
ஆங்கில மூலத்தில் இருக்கும், நூல் அறிமுக உரையும் முன்னுரையும் முதல் முறையாக இந்தப் பதிப்பில் இடம்பெறுகின்றன. மேலும், ஆங்கிலப் பதிப்பிலிருந்து ஏழு படங்களும் ஒரு வரைபடமும் முதல் பதிப்பில் ஜிம் கார்பெட் எழுதியிருந்த முக்கியத்துவம் வாய்ந்த சர்ப்பணக் குறிப்பும் இந்தப் பதிப்பை அணி செய்கின்றன.

டவுன்லோடு

shall we get any decent print (pdf) version of this book? Please.

Thanks in advance.