தமிழக மக்களே உஷார்...! - வெளுத்து வாங்கப் போகும் கனமழை!

தமிழகத்தில், அரிதான நிகழ்வாக வரும் மார்ச் 3 ஆம் தேதி முதல் 6 ஆம் தேதி வரை, மழைக்கு வாய்ப்பு இருப்பதாக, தனியார் வானிலை ஆய்வாளர் பிரதீப் ஜான் தெரிவித்து உள்ளார்.

தமிழகத்தில், அக்டோபர் மாதம் முதல் டிசம்பர் மாதம் வரை, வடகிழக்கு பருவமழைக் காலம். வழக்கமாக, இந்த வடகிழக்கு பருவமழையே தமிழகத்திற்கு அதி மழைப் பொழிவைத் தரும். இதன் காரணமாக, தமிழகம் முழுவதும் நீர்நிலைகளான ஏரிகள், ஆறுகள், குளங்கள் உள்ளிட்டவற்றுக்கு நீர்வரத்து இருக்கும். தற்போது தமிழகத்தில் கோடைக் காலம் நெருங்கி விட்டது எனலாம். வழக்கமாக ஏப்ரல் மாதத்தில் தான் வெயில் சுட்டெரிக்கும். ஆனால் தலைநகர் சென்னை உள்ளிட்ட பல்வேறு இடங்களில் தற்போதே வெயில் வாட்டி வதைக்கத் தொடங்கி விட்டது.
இந்நிலையில், தமிழகத்தில், அரிதான நிகழ்வாக வரும் மார்ச் 3 ஆம் தேதி முதல் 6 ஆம் தேதி வரை மழைக்கு வாய்ப்பு இருப்பதாக தனியார் வானிலை ஆய்வாளர் பிரதீப் ஜான் தெரிவித்து உள்ளார். இது தொடர்பாக சமூக வலைதளமான ட்விட்டர் பக்கத்தில், பிரதீப் ஜான் வெளியிட்டுள்ள பதிவில் தெரிவித்து உள்ளதாவது:

நீண்ட காலத்திற்குப் பிறகு ஒரு குறிப்பிடத்தக்க வானிலை நிகழ்வு. தமிழகத்தில் அரிதான நிகழ்வாக வரும் மார்ச் 3 ஆம் தேதி முதல் 6 ஆம் தேதி வரை மழைக்கு வாய்ப்பு உள்ளது. மார்ச் மாதத்தில் தமிழகத்தில் அதிக மழை பொழிவது அரிது, மார்ச் மாதம் தமிழகத்திற்கு வறட்சியான காலம். கடந்த 150 ஆண்டுகளில் 2008 மற்றும் 1984 ஆகிய இரண்டு ஆண்டுகளில் மட்டுமே குறிப்பிடத்தக்க அளவுக்கு மழை பொழிந்து உள்ளது.
இவ்வாறு அதில் குறிப்பிட்டு உள்ளார்.
நன்றி சமயம்.

ஆய்வாளருக்கு மதிப்பளிப்போம்!

எப்பொழுது வேண்டுமானாலும் வரட்டும், வரவேற்போம் மழையை .....