இந்த வார சினி செய்தகள்- தொடர் பதிவு

வானளந்த கீர்த்தி!

-
கீர்த்தி வேண்டியே, பிரபலங்கள் தத்தம் புகைப்படங்கள்
மற்றும் வீடியோக்களை இன்ஸ்டாகிராமில் வலையேற்றி
வருகிறார்கள்.

அப்படி கீர்த்தி பாண்டியனும் இந்த வாரம் ஒரு வீடியோ
வெளியிட்டு அது வைரலான பிறகே, அவரது இன்ஸ்டா ஐடி
அதிகம் பேரைச் சென்றடைந்தது.

சற்றும் பயரேகை காணாத முகமும், குழந்தையின் குதூகலமுமாய்,
பறக்கும் விமானத்திலிருந்து பாய்ந்த கீர்த்தி பாண்டியனின் ஸ்கை
டைவிங் வீடியோ பலரையும் கொள்ளை கொண்டது.

ஆனால், வலைத்தொடர் மற்றும் திரைப்படங்களில் பக்கத்து வீட்டுப்
பெண் போல பாந்தம் பாவிக்கும் கீர்த்தி பாண்டியன், இன்ஸ்டாவில்
இன்னொரு முகம் கொண்டிருப்பதும் அதன் பின்னரே அநேகருக்கு
தெரியவந்தது.

பாலிவுட் நட்சத்திரங்களுக்குப் போட்டியிடும் வகையில், புல்லட் ரைடு
முதல் நீச்சல்குள படங்கள் வரை துணிச்சலின் உருவாகத் தன்னை
வெளிப்படுத்தி இருக்கிறார்.

அப்பா அருண் பாண்டியன் உயரமும், ஹோம்லி லுக்கும் கொண்ட
கீர்த்தி பாண்டியன், தனது கீர்த்திக்கென அடுத்தகட்டமாக என்ன ரிஸ்க்
எடுப்பாரோ தெரியவில்லை.

-காமதேனு

சமந்தா: ‘நம்பர் 1 என்பதில் நம்பிக்கை இல்லை!’

-

-
நடிகை சமந்தா தனது இன்ஸ்டாகிராம் பக்கத்தில் ரசிகர்களின்
கேள்விக்கு பதிலளித்துள்ளார்.

ரசிகர்களின் கேள்விகளுக்கு பதிலளிக்கும் வகையில், தனது
இன்ஸ்டாகிராம் பக்கத்தில் அவ்வப்போது நடிகை சமந்தா
கலந்துரையாடுவது வழக்கம். அந்த வகையில் நேற்றும்
ரசிகர்களின் கேள்விகளுக்கு சமந்தா பதிலளித்துள்ளார்.

என்னிடம் எது வேண்டுமானாலும் கேட்கலாம் என்று தலைப்பிட்ட
அந்த நிகழ்வில், ’நான் விரும்பும் கேள்வி மட்டுக்குமே பதிலளிப்பேன்’
என்ற நிபந்தனையுடன் உரையாடலை ஆரம்பித்தார்.

அதில் ஒருவர் உங்கள் வாழ்வின் லட்சியம் என்றால் எதைக்
குறிப்பிடுவீர்கள் என்ற கேள்வியை கேட்டார்.
அதற்கு சமந்தா, ‘சமந்தா என்ற ஒருவர் இருந்தார் என்று பின்னாளில்
அனைவராலும் நினைவுப்படுத்த வேண்டும். அதுவே என்னுடைய
விருப்பம்’ என்று பதிலளித்தார்.

’சினிமாவில் நம்பர் 1 நடிகை என்ற நம்பர் கேமில் நம்பிக்கை
இருக்கிறதா?’ என்று இன்னொருவர் கேட்டுள்ளார். அதற்கு சமந்தா,
‘நிச்சயமாக இல்லை. நம்பர் 1 நடிகை என்ற அந்தஸ்தைவிட, நான்
தொடர்ச்சியாக நல்ல படங்களில் நடித்து என்னுடைய நடிப்புத் திறனை
வெளிப்படுத்துகிறேனா என்பதுதான் எனக்கு முக்கியம்’ என்று
கூறியுள்ளார்.

அதே போல, இன்னொரு ரசிகரின் கேள்விக்கு தனக்கு பிடித்த ஜானர்
காமெடி என கூறியுள்ளார் சமந்தா.

தன் உடல் மற்றும் மனநலனை பேணுவதில் சமந்தா தீவிர ஆர்வம்
உடையவர் என்பது அனைவரும் அறிந்தது. அந்த வகையில் தான்
உடற்பயிற்சி செய்யும் வீடியோக்களை தொடர்ச்சியாக தனது சமூக
வலைதள பக்கத்தில் சமந்தா பகிர்ந்து வருகிறார்.

அதேபோல, தியானம், பயணம் ஆகியவற்றிலும் சமந்தாவுக்கு ஆர்வம்
உண்டு. இது தொடர்பாக, ‘உங்கள் வாழ்வில் தியானம் செய்வதன்
முக்கியத்துவம் என்ன என்பதை சொல்லுங்கள்?’ என்று மற்றொரு ரசிகர்
கேட்டுள்ளார்.

இதற்கு சமந்தா, ‘ஜிம் செல்வது எப்படி உங்கள் உடல் நலனுக்கு
முக்கியமோ, அதுபோல தியானம் செய்வது உங்கள் மனநலனுக்கு
முக்கியமானது’ என்று குறிப்பிட்டுள்ளார்.

சமந்தாவின் நடிப்பில் தற்போது ‘காத்துவாக்குல ரெண்டு காதல்’
திரைப்படம் வெளியாகவுள்ளது. அதேபோல, ‘சகுந்தலம்’ திரைப்படத்தின்
ஃபர்ஸ்ட் லுக் போஸ்டரும் நேற்று வெளியாகி ரசிகர்களிடையே வரவேற்பை
பெற்றது.

-ஆதிரா
நன்றி-காமதேனு

-

ராம்சரணுடன் இணைந்த ஷங்கர்

-
இந்தியன் 2 படத்தின் படப்பிடிப்பு நிறுத்தப்பட்டதையடுத்து ராம்சரணின்
இந்தப் படத்தில் டைரக்டர் ஷங்கர் இணைந்துள்ளார். படத்தில்
கியாரா அத்வானி, ஜெயராம், ரகுமான் உள்ளிட்டவர்கள் இணைந்துள்ளனர்.

படத்தின் படப்பிடிப்பு புனேவில் துவங்கி பல இடங்களில் நடைபெற்று
வருகிறது. முக்கிய கேரக்டரில் அஞ்சலி இந்தப் படத்தில் நடிகை அஞ்சலியும்
முக்கியமான கேரக்டரில் நடித்து வருகிறார்.

படத்தின் தொடக்கவிழாவை முன்னிட்டு வெளியிடப்பட்ட போஸ்டரில்
ஷங்கர், ராம்சரண், ரகுமான் உள்ளிட்டவர்களுடன் அஞ்சலியையும் பார்க்க
முடிந்தது. தெலுங்கு, தமிழ், இந்தி, மலையாளம் மற்றும் கன்னடம் என
பான் இந்தியா படமாக ஆர்சி15 உருவாகி வருகிறது.
-
தமிழ் பிஃல்மிபீட்

பிரபல நடிகருக்கு பிறந்த நாள் வாழ்த்து கூறிய நடிகை நஸ்ரியா

தெலுங்கில் முன்னணி நடிகராக உள்ள நானியின் பிறந்த
நாளையொட்டி (பிப்.24) மலையாள நடிகை நஸ்ரியா
வாழ்த்து தெரிவித்துள்ளார்.

தெலுங்கில் நானி நடித்துள்ள ஷியாம் சிங்கா ராய் படம்
கடந்த டிசம்பரில் வெளியானது.

அதை தொடர்ந்து விவேக் ஆத்ரேயா இயக்கத்தில் தற்போது
நானி நடித்துள்ள படம் அன்டே சுந்தரானிகி.. இந்தப் படமும்
விரைவில் வெளியாகவுள்ளது.

நடிகை நஸ்ரியா இந்தப் படத்தில் கதாநாயகியாக நடிப்பதன்
மூலம் முதன்முறையாக தெலுங்கிலும் அடியெடுத்து
வைத்துள்ளார்.

இந்தநிலையில் நேற்று நானியின் பிறந்தநாளை முன்னிட்டு
அவருக்கு வாழ்த்து தெரிவித்துள்ள நஸ்ரியா, தாங்கள்
இருவரும் படப்பிடிப்பில் எடுத்துக்கொண்ட புகைப்படத்தையும்
சமூக வலைதளமான இன்ஸ்டாகிராமில் பகிர்ந்துள்ளார்.

இந்தியன் எக்ஸ்பிரஸ்

புதிய படத்தின் ஷூட்டிங்கை தொடங்கிய பிரபல இயக்குநர்

மலையாளத்தில் மிகவும் முன்னணி இயக்குநரான
ஜீத்து ஜோசப் கூமன் என்ற படத்தை இயக்கி வருகிறார்.

இந்தப் படத்துக்கான பூஜை சமீபத்தில் நடைபெற்றது.
ஜீத்து ஜோசப் திரிஷ்யம், திரிஷ்யம் 2, மெமரீஸ் ஆகிய
படங்களை இயக்கியவர். தமிழில் நடிகர் கமல்ஹாசனை
வைத்து பாபநாசம் படத்தை இயக்கியவரும் இவரே.

திரிஷ்யம் படத்தின் ரீமேக் தான் பாபநாசம். இந்நிலையில்
கூமன் படத்தை தற்போது அவர் இயக்கி வருகிறார்.
இந்தப் படத்தில் ஆசிஃப் அலி கதாநாயகனாக நடித்துள்ளார்.

இந்தியன் எக்ஸ்பிரஸ்