விளம்பர மாடல் -கூலி தொழிலாளி

**T.N.Balasubramanian** · **T.N.Balasubramanian** Wed Feb 16, 2022 4:52 pm

'மாடல்' ஆன 60 வயது தொழிலாளி வாழ்வை மாற்றியது ஒரு புகைப்படம்
விளம்பர மாடல் -கூலி தொழிலாளி Tamil_News_large_2962005

திருவனந்தபுரம்:கேரளாவில், கூலி வேலை செய்து வரும், 60 வயது தொழிலாளி, 'கோட் - சூட்' விளம்பர மாடலாக மாறி, பலரையும் ஆச்சரியத்தில் ஆழ்த்தி உள்ளார்.
கேரளாவின் கோழிக்கோடு மாவட்டத்தை சேர்ந்தவர் மம்மிக்கா, 60. தினக்கூலி வேலை செய்து வருகிறார். இவரை, உள்ளூர் புகைப்படக் கலைஞர் ஷரீக் வயலில் என்பவர் புகைப்படம் எடுத்து, அதை தன் சமூக வலைதளத்தில் வெளியிட்டார். மம்மிக்கா பார்ப்பதற்கு மலையாள திரைப்பட நடிகர் விநாயகன் போல் இருப்பதாக பலரும் கருத்து தெரிவித்தனர். இந்த புகைப்படம் அதிகம் பகிரப்பட்டதை அடுத்து பரவலான பாராட்டும் கிடைத்தது.

இந்நிலையில், புகைப்பட கலைஞர் ஷரீக், திருமணத்திற்கான, 'கோட் - சூட்' தயாரிக்கும் நிறுவனம் ஒன்றையும் நடத்தி வருகிறார். அதற்கான விளம்பர புகைப்படம் எடுக்க முடிவு செய்த ஷரீக், மம்மிக்காவையே மாடலாக பயன்படுத்த முடிவு செய்தார்.மம்மிக்காவை அழகு நிலையத்துக்கு அழைத்து சென்று சிகை அலங்காரம், மீசை, தாடியை மாற்றினார். இதைஅடுத்து கூலி தொழிலாளி மம்மிக்கா ஸ்டைலாக மாறினார்.
அவருக்கு கோட் - சூட் மற்றும் கறுப்பு கண்ணாடி அணிவித்து, கையில், 'ஐ - பாட்' ஒன்றை கொடுத்து விதவிதமாக புகைப்படம் எடுத்தார்.அதில், சர்வதேச மாடல் போல மம்மிக்கா தோற்றம் அளித்தார். சமூக வலைதளங்களில் பகிரப்பட்ட இந்த புகைப்படங்கள், பரவலான பாராட்டுகளை அள்ளி வருகிறது.
'மம்மிக்கா தொடர்ந்து விளம்பர மாடலிங் செய்ய வேண்டும்' என, பலர் வலியுறுத்தி வருகின்றனர். எனவே, கூலி வேலையுடன், பகுதி நேரமாக உள்ளூர் அளவில் மாடலிங் செய்யவும் மம்மிக்கா முடிவு செய்துள்ளார்.

நன்றி

**T.N.Balasubramanian** · **T.N.Balasubramanian** Wed Feb 16, 2022 5:03 pm

ஆறிலும் வரும் அறுபதிலும் வரும் அதிர்ஷ்டம்.
காய்கறி விற்பவருக்கும் வரும் அதிர்ஷ்டம்
பஸ் கண்டக்டருக்கும் வரும் அதிர்ஷ்டம்
எப்போ வரும் எப்பிடி வரும் --ஆண்டவனுக்கே வெளிச்சம்.
வரவேண்டிய நேரத்தில் கரெக்டா வரும்.
ஹா ஹா ஹாக.............

விளம்பர மாடல் -கூலி தொழிலாளி

விளம்பர மாடல் -கூலி தொழிலாளி

Re: விளம்பர மாடல் -கூலி தொழிலாளி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக