அனைவருக்கும் ஓரே கடவுள்: கிருஷ்ணன் கோவிலை கட்டி தந்தார் முஸ்லிம் பக்தர்

-
ஜார்கண்ட் மாநிலம் தும்கா பகுதியை சேர்ந்தவர் நவுஷாத் ஷேக்.
இவர் தான் வசிக்கும் பகுதியில் உள்ள இந்து கடவுளான கிருஷ்ணருக்கு
தன்னுடைய சொந்த செலவில் கிருஷ்ணன் கோவில் கட்டி தந்துள்ளார்.

தன்னுடைய சொந்த செலவாக ரூ.42 லட்சம் ரூபாய் செலவில் கோவில்
கட்டியது குறித்து அவர் கூறுகையில் தனக்கு அனைத்து மதங்களின் மீது
மரியாதை இருக்கிறது. அதிலும் குறிப்பாக கிருஷ்ணன் மீது கூடுதல்
மரியாதை உள்ளது என்றார்.

முஸ்லிம் மதமாக இருந்து கொண்டு கோவிலை ஏன் கட்டினர் என கேட்டதற்கு
அனைவருக்கும் ஒரே கடவுள். ஒருவர் கோவிலிலோ மசூதியிலோ,
தேவாலயத்திலோ வழிபடுகிறாரா என்பது முக்கியமல்ல என்றார்.

கடந்த சில வருடங்களுக்கு முன்னர் மேற்கு வங்க மாநிலத்தில் உள்ள மாயாபூரில்
உள்ள கிருஷ்ணன் கோவிலுக்கு சென்றிருந்தேன். அன்றைய தினம் கிருஷ்ணன்
என்னுடைய கனவில் வந்து தான் தன் சொந்த ஊரிலேயே குடி இருந்து வருவதாக
தன்னிடம் தெரிவித்ததாக கூறினார்.

மேலும் அவர் கூறுகையில் தன்னுடைய கிராம மக்கள் கோவில் கட்டாமல் திறந்த
வெளியில் கிருஷ்ணனை வழிபட்டு வந்தது தனக்கு வருத்தத்தை அளித்தது.
தொடர்ந்து கடந்த 2019 ம் ஆண்டில் கோவில் கட்டுமான பணியை துவங்கப்பட்டு
கடந்த திங்கட்கிழமைஅன்று சிலை பிரதிஷ்டை செய்யப்பட்டது.

கோவில் கட்டி தந்ததை அடுத்து அப்பகுதியினர் மகிழ்ச்சி அடைந்தனர்.
மேலும் திறந்த வெளியில் பூஜை செய்த இடத்தில்நவுஷத் ஷேக் கோவில் கட்டி
இருப்பது பாராட்டுக்குரியது என உள்ளூர் மக்களில் ஒருவரான ஹமீத் அன்சாரி
கூறி உள்ளார்.
சங்கீதா குமாரி என்பவர் கூறுகையில் இது கிராமத்திற்கு பெருமையான தருணம்
என்றார்.

தினமலர்

நல்லதோர் மத இணக்கத்திற்கு சான்று.

அடிப்படை மக்களிடையே என்றுமே மதக் காழ்ப்பு இருப்பதில்லை! அதிகார வெறி கொண்டவர்களும் , சொத்தைக் காப்பாற்ற நினைப்பவர்களுமே மத அடிப்படையில் மக்களைப் பிரிக்க நினைக்கிறார்கள்!