ஆர்.டி.ஓ., வீட்டில் விடிய விடிய 'ரெய்டு'; ரூ.5.50 லட்சம், 100 சவரன், ஆவணங்கள் சிக்கியது

தஞ்சாவூர்-புதுக்கோட்டை ஆர்.டி.ஓ., வீட்டில் விடிய விடிய நடந்த லஞ்ச ஒழிப்பு சோதனையில், கணக்கில் வராத 5.50 லட்சம் ரூபாய், 100 சவரன் நகைகள், அசையும், அசையா சொத்துக்களுக்கான ஆவணங்கள் கைப்பற்றப்பட்டன.புதுக்கோட்டையில் வட்டார போக்குவரத்து அலுவலராக பணியாற்றி வருபவர் ஜெய்சங்கர், 55. இவரது வீடு தஞ்சாவூர், மருத்துவக் கல்லுாரி சாலையில், கிருஷ்ணா நகரில் உள்ளது.ரூ.3 கோடி மதிப்புவருமானத்துக்கு அதிகமாக சொத்து சேர்த்ததாக இவர் மீது புகார் எழுந்ததால், தஞ்சாவூர் மாவட்ட லஞ்ச ஒழிப்பு போலீஸ் டி.எஸ்.பி., ராஜு தலைமையிலான போலீசார், நேற்று முன்தினம் காலை முதல் ஜெய்சங்கர் வீட்டிலும், அவருக்கு சொந்தமான பெட்ரோல் பங்கிலும் சோதனை நடத்தினர்.நேற்று அதிகாலை 4:00 மணி வரை விடிய விடிய சோதனை நடந்தது. அவரது குடும்பத்தினரிடமும் விசாரணை நடந்தது. இதில், கணக்கில் வராத 5.50 லட்சம் ரூபாய், 100 சவரன் தங்க நகைகள், வைர நெக்லஸ், வைரத்தோடு, இரண்டு வங்கிகளின் லாக்கர் சாவிகள் மற்றும் அசையும், அசையா சொத்துக்களுக்கான ஆவணங்களை, லஞ்ச ஒழிப்பு போலீசார் கைப்பற்றினர். கும்பகோணம், கடலுார், நாகப்பட்டினம் ஆகிய ஊர்களில் ஆர்.டி.ஓ.,வாக பணியாற்றிய ஜெய்சங்கர், சில மாதங்களாக புதுக்கோட்டையில் பணியாற்றி வருகிறார்.தஞ்சாவூர், கிருஷ்ணா நகரில் உள்ள இவரது சொகுசு பங்களா, 3 கோடி ரூபாய் மதிப்புடையது. தஞ்சாவூரில் பெட்ரோல் பங்க், ஐந்து கார்கள் மற்றும் செங்கிப்பட்டியில் நிலம் உள்ளது.பறிமுதல் செய்யப்பட்ட ரொக்கம், அசையும் மற்றும் அசையா சொத்து மதிப்பு குறித்த அறிக்கை, வங்கி லாக்கர் சாவிகள் ஆகியவை, கும்பகோணத்தில் உள்ள கூடுதல் மாவட்ட குற்றவியல் நீதிமன்றத்தில் சமர்ப்பிக்கப்படும் என, லஞ்ச ஒழிப்பு போலீசார் தெரிவித்தனர்.பாராட்டு சான்றிதழ்இவர் மீது, 2017ல் நாகை வட்டார போக்குவரத்து அலுவலகத்தில், மேட்டார் வாகன ஆய்வாளராக பணியாற்றிய போதே லஞ்ச ஒழிப்பு போலீசார் வழக்கு பதிவு செய்துள்ளனர்.இந்நிலையில், சர்ச்சைக்குள்ளான ஆர்.டி.ஓ., ஜெய்சங்கருக்கு, ஜன., 26ல் புதுக்கோட்டையில் நடந்த குடியரசு தின விழாவில், அவரது சிறப்பான பணியை பாராட்டி கலெக்டர் பாராட்டு சான்றிதழ் வழங்கியது தற்போது கூடுதல் சர்ச்சையை ஏற்படுத்தி உள்ளது.


நன்றி தினமலர்.

வருகின்ற /சேர்க்கின்ற நம்பர் 2 பணம் பெரும்பாகம் தங்க நகையாக மாற்றப்படுகிறது.
தங்க நகைகள் எல்லாமே 18 கேரட் நகைகள்தான். அதில் சில நகைகளின் உள்ளே அரக்கு
அல்லது பித்தளை செம்பு கம்பிகள். 

இதில் பெரும் பணக்காரர்கள் ஆவது நகைக்கடைகாரர்கள் தான்

பணம் பண்ணமுடியாது என்றால் கவுன்சிலர் பதவிக்கு லக்ஷம் லக்ஷ்மாக செலவு செய்வார்களா?

மக்கள்தான் விழித்துக்கொள்ளவேண்டும்.

ஒரு தொகுதியில் கணவன் -மனைவி வெவ்வேறு கட்சி சின்னத்தில் போட்டி.

பூசாரி நடுவில் நின்றால் கடவுளுக்குக் கேட்காது.(MITM)

Dr.S.Soundarapandian wrote:இந்த ஆர்டிஓ மட்டுந்தானா ? மற்றவர்கள் செய்யட்டும் என அனுமதிக்கிறார்களா? ‘எங்கும் லஞ்சம் எதிலும் லஞ்சம்’ என மக்கள் கூப்பாடு போடுவது ஏன் உரியவர்கள் காதில் விழுவதில்லை?

மேற்கோள் செய்த பதிவு: 1357514

ஏன்  விழுவதில்லை என்று நினைக்கின்றீர்? 

நன்றாகவே விழுகிறது. அதற்கு உத்திகள் சொல்லிக்கொடுப்பதும் அவர்கள்தானே!

விடிவு காண முடியாத வைரஸ் இது.

வருங்கால இளைய தலைமுறை ஏதாவது செய்வார்கள் என நம்புவோம்.


@Dr.S.Soundarapandian

சக்தி18 wrote:பூசாரி நடுவில் நின்றால் கடவுளுக்குக் கேட்காது.(MITM)

மேற்கோள் செய்த பதிவு: 1357550


சக்தி மிக கொண்ட வருங்கால இளைஞர் சமுதாயம் சிந்தித்து 
--ஒருங்கிணைந்து சந்தித்து 
--கடவுள் என்று நினைக்கின்ற 
சக்தியின் காதிற்கு கேட்கும்படி செய்யமுடியும்.