வகைவகையாய் தோசைகள்!

சாந்தன் · சாந்தன் Wed Jan 20, 2010 1:09 pm

உளுந்து ஸ்பெஷல் தோசை

தோசைன்னாலே உளுந்தும் சேர்த்துத்தான்னு தெரியும். ஆனால் உளுந்தையே ஸ்பெஷலா வெச்சு சூப்பர் டேஸ்ட்டுல தோசை சுடலாம் தெரியுமா?!

இதுக்குத் தேவை.. புழுங்கலரிசி 3 கப், தோலுடன் முழு உளுந்து 1 கப், உப்பு 1 டீஸ்பூன், எண்ணெய் தேவையான அளவு.

இப்படிச் செய்யணும்.. அரிசியை சுத்தம் செஞ்சு, தண்ணியில மூணு மணி
நேரம் ஊற வையுங்க. அப்புறமா, உளுந்தைக் கழுவி (ஊற வைக்கக் கூடாது)
அரிசியோட சேர்த்து நைஸா அரைச்செடுங்க. உப்புப் போட்டுக் கரைச்சு அஞ்சு மணி
நேரம் வெச்சிருங்க. புளிச்சிடும்.

தோசைக்கல்லை சூடாக்கி மாவை (கொஞ்சம் கனமா) ஊத்தி, சுத்தி எண்ணெய்
ஊத்தி மூடி வையுங்க. மிதமான தீயில வார்த்தெடுங்க. இதுதான் உளுந்து ஸ்பெஷல்
தோசை. இதுக்கு மிளகாய்த் துவை யலை தொட்டுக்கிட்டா ரொம்ப சூப்பரா
இருக்கும்.

1 கப் சின்ன வெங்காயம், 2 பல் பூண்டு, 12 மிளகாய் வற்றல், சிறு
நெல்லிக்காய் அளவு புளி, தேவையான உப்பு எல்லாத்தையும் ஒண்ணாச் சேர்த்து
கொஞ்சமா தண்ணி தெளிச்சு நைஸா அரைச்தெடுத்தா மிளகாய்த் துவையல் ரெடி.

பொரி தோசை

பொரியைக் காரசாரமா தாளிச்சு சாப்பிடலாம். அதுல தோசை செஞ்சா எப்படி இருக்கும்?

இதுக்குத் தேவை.. அரிசி பொரி 2 கப், பச்சரிசி 1கப், தேங்காய்த் துறுவல் 1 டேபிள் ஸ்பூன், உப்பு, எண்ணெய் தேவையான அளவு.

இப்படிச் செய்யணும்.. பொரி, அரிசி ரெண்டையும் ரெண்டு மணி நேரம் ஊற
வெச்சு தேங்காய்த் துறுவலை சேர்த்து ஆட்டுங்க. உப்பு போட்டுக் கரைச்சு
எட்டு மணி நேரம் வையுங்க. தோசைக்கல்லை சூடாக்கி, மாவைக் கொஞ்சம் கனமா
ஊற்றி, எண்ணெய் விட்டு, மூடி, மிதமான தீயில வார்த்தெடுத்தா, பொரி தோசை
ரெடி. இதுக்கு மேட்ச் தேங்காய் காரத் துவையல்.

10 மிளகாய் வத்தலோட கொஞ்சம் உப்பு சேர்த்து நைஸா அரைங்க. ஒரு கப்
தேங்கா துறுவலை இதோட சேர்த்து கரகரப்பா அரைச்சு, 5 சின்ன வெங்காயத்தையும்
ஒண்ணு ரெண்டா அரைச்செடுத்தாஅதுதான்தேங்காய்காரத் துவையல்!

புளிப்பு கார தோசை

தோசைக்கு புளிப்பாவோ, காரமாவோ Ôதொட்டுக்கÕத் தயாரிப்போம். புளிப்பும் காரமும் கலந்தே தோசை சுடலாமா?

இதுக்குத் தேவை.. பச்சரிசி 1 கப், தேங்காய் துறுவல் அரைகப், மிளகாய் வத்தல் 6, புளி பெரிய நெல்லி அளவு, உப்பு, எண்ணெய் தேவைக்கு.

இப்படிச் செய்யணும்.. அரிசியை ரெண்டு மணி நேரம் ஊற வெச்சு, தேங்காய்,
மிளகாய், புளி, உப்பு சேர்த்து நைஸா அரைச்செடுங்க. மெல்லிசு தோசைகளா
ஊத்தி, எண்ணெய் விட்டு, ரெண்டு பக்கமும் திருப்பிப் போட்டு எடுங்க. இந்த
புளிப்பு கார தோசைக்கு வெங்காய சாலட் அருமையான காம்பினேஷன்.

2 பெரிய வெங்காயத்தை பொடியாக நறுக்கி, அதோட 2 டீஸ்பூன் எலுமிச்சை
சாறு, 1 டேபிள் ஸ்பூன் (பொடியா நறுக்கின) மல்லித்தழை, தேவையான உப்பு
கலந்தா வெங்காய சாலட் தயார்.

மோர் தோசை

ரொம்பப் புளிக்காத ஆனா, "என்னவோ டேஸ்ட் வித்தியாசமா நல்லா இருக்கேன்"னு சொல்லவைக்கற வெரைட்டி தோசை இது.

இதுக்குத் தேவை.. பச்சரிசி 3 கப், துவரம் பருப்பு 1 கப், புளிச்ச மோர்
2 கப், வெந்தயம் அரை டீஸ்பூன், தேங்காய் துறுவல் அரை கப், சமையல் சோடா 1
சிட்டிகை, உப்பு, எண்ணெய் தேவைக்கு.

இப்படிச் செய்யணும்.. அரிசி, பருப்பு, வெந்தயம் இதையெல்லாம் சுத்தம்
பண்ணி, ஒண்ணா மூணு மணி நேரம் ஊற வைச்சு, கொஞ்சம் கொஞ்சமா மோரை தெளிச்சு
ஆட்டுங்க. உப்பு சேர்த்து கரைச்சு ஆறு மணி நேரம் வையுங்க. அப்புறமா தோசைக்
கல்லுல மாவை (கொஞ்சம் மொத்தமா) ஊத்தி, எண்ணெய் விட்டு, ரெண்டு பக்கமும்
திருப்பிப் போட்டு எடுங்க. இதுக்குத்தான் மோர் தோசைன்னு பேர்.

எள்ளுத்துவையலோட இதைச் சாப்பிட்டுப் பாருங்க. சொல்ல முடியாத ருசி உங்க நாக்கை அடிமையாக்கிடும்.

அரைகப் கறுப்பு எள்ளைசுத்தம் செஞ்சு வாணலியில (எண்ணெய் சேர்க்காம)
வறுத்தெடுங்க. ஒரு டீஸ்பூன் எண்ணெய்ல சின்ன துண்டு பெருங்காயம், 1
டீஸ்பூன் உளுந்து, 5 மிளகாய் வத்தலை வறுத்தெடுங்க. ஆறினதும் தேவையான
உப்பு, நெல்லிக்காய் அளவு புளி சேர்த்து நைஸா அரைச்செடுங்க. எள்ளுத்
துவையல்னு வாசிக்கும்போதே எச்சில்ஊறுமே!