ஒரு வரம் தர வேண்டும்

israth · israth Wed 20 Jan 2010 - 11:34

பிறந்தது மண்ணில் ஒரு தரம்

இறந்தது இங்கு பல தரம்

இது சுவர்க்கமா? நரகமா?

இல்லை இன்னும் உலகிலா?

பிறந்தேன்

வளர்ந்தேன்

எத்தனை இலட்சியங்கள்

எத்தனை கனவுகள்

இன்று இருபதுதான்

இருபது பத்தின் அரை மாசியில்

இருபத்தொன்று ஆகிவிடும்

இருபது வருடம்

சாதனைகள் பூச்சியம்

தோற்று விடுவோம் என்று பயம்

அழுகிறேன்,

அழைக்கிறேன்- இறைவா

உன்னிடம் இருந்து

ஒரு வரம் வேண்டும்

விழுகின்றேன்

எழுந்து நிற்கின்றேன்

தடையா? தலை விதியா?

பிறந்தது சாதாரண குடும்பம்

படித்தது உயிரியல்

அரங்கில் மறதி

வேறு எந்த காரணமும் இல்லை

ஒன்றுக்கு இரு முறை சோதித்தேன்

இலங்கை பிரஜை

என்பதாலோ என்னவோ

உயர்கல்வியில் தோற்றதால்

புறக்கணிப்புகள் ஆயிரம்

வேறு படிப்பு என்றால்????

ஏழைக்கு எதற்கு

காசா? பணமா?

முடவனுக்கு ஏன்

கொம்புத்தேன் ஆசை

தடுக்கிறது உலகம்

எனக்குள் இருக்கும்

என்னை கண்டுகொள்ள

ஒரு வரம் தருவாயோ?

இறைவா !

ஒரு வரம் தருவாயோ?

நுண்ணுயிரியல் துறை

என் தனிப்பட்ட தேர்வு

தவறாய் தோனுகிறது

உச்சம் தொட

உறைவிடம் அடகு வைக்க

வேண்டுமாம்.

எது என் இலக்கு

கண்டுகொள்ள

ஒரு வரம் தருவாயோ?

இறைவா !

ஒரு வரம் தருவாயோ?

**Manik** · **Manik** Wed 20 Jan 2010 - 11:38

அருமையான கவிதை இதை யார் நண்பா எழுதியது படிக்க எனக்கே 2 நாள் ஆகும் போல இதை எழுதுவதற்கு 1 மாதம் ஆகியிருக்கும்னு நினைக்கிறேன்

**ரிபாஸ்** · **ரிபாஸ்** Wed 20 Jan 2010 - 11:40

அருமையான கவிதை இஸ்ரத் வாழ்த்துக்கள் உங்கள் பதிவு மேலும் தொடர

rikniz · rikniz Wed 20 Jan 2010 - 11:46

வாங்க இஸ்ராத் ஈகரை உங்களை அன்புடன் வரவேற்கி்ன்றது! மேலும் உங்கள் பதிவுகளை எதிர் பார்க்கின்றோம்! உங்கள் பதிவிற்கு நன்றி அத்துடன் உங்களை அறிமுகம் செய்து வையுங்கள். நன்றி

இந்த பதிவைத் துவங்கியவர் நன்றி கூறியுள்ளார் rikniz

israth · israth Wed 20 Jan 2010 - 11:54

Manik wrote:அருமையான கவிதை இதை யார் நண்பா எழுதியது படிக்க எனக்கே 2 நாள் ஆகும் போல இதை எழுதுவதற்கு 1 மாதம் ஆகியிருக்கும்னு நினைக்கிறேன்

இல்லை, அரை மணி நேரம் தான் எடுத்தது எனக்கு, இது என் நிஜ வாழ்வு Friends

**Manik** · **Manik** Wed 20 Jan 2010 - 11:57

அப்படியா ரொம்ப நல்லா இருக்கு நண்பா

nandhtiha · nandhtiha Wed 20 Jan 2010 - 12:05

திரு இஸ்ராத் அவர்களுக்கு வணக்கம்
கவிதை என்பது இருவகைப் படும். ஒன்று கற்பனையில் உதிப்பது. மற்றது வாழ்க்கை அனுபவத்தில் ஏற்படுவது. இரண்டாவதை கவிதையில் வடிக்கத் திறன் அதிகம் வேண்டும். காரணம் அது உண்மையின் பிரதிபலிப்பாக இருப்பதால். உங்கள் ஏக்கம் எங்களுக்கே புரிகிறது, எல்லாம் அறிந்த இறைவனுக்கு நிச்சயம் கேட்டிருக்கும். இறைவன் கருணை உள்ளவன். உறுதியாக உங்களுக்கு இறைவன் வழிகாட்டுவான்
அன்புடன்
நந்திதா