வெவ்வேறு ஆண்டில் பிறந்த இரட்டை குழந்தைகள்

**T.N.Balasubramanian** · **T.N.Balasubramanian** Tue 4 Jan 2022 - 16:02

கிரீன்பீல்டு :அமெரிக்காவில் இரட்டைக் குழந்தைகள், 15 நிமிட இடைவெளியில் வெவ்வேறு ஆண்டில் பிறந்து உள்ளன.அமெரிக்காவின் கலிபோர்னியா மாகாணம் கிரீன்பீல்டு நகரில் வசிக்கும் ராபர்ட் ட்ரூஜில்லோ - பாத்திமா மேட்ரிகல் தம்பதிக்கு ஏற்கனவே மூன்று குழந்தைகள் உள்ளனர்.இந்நிலையில் மீண்டும் கர்ப்பம் தரித்த பாத்திமா, டிசம்பர் 31ல் பிரசவத்துக்காக மருத்துவமனையில் அனுமதிக்கப்பட்டார்.
வெவ்வேறு ஆண்டில் பிறந்த இரட்டை குழந்தைகள் Tamil_News_large_2928924

வெவ்வேறு ஆண்டில் பிறந்த இரட்டை குழந்தைகள் Tamil_News_large_2928924

பாத்திமாவுக்கு 2021 டிசம்பர் 31 நள்ளிரவு 11:45 மணிக்கு ஆண் குழந்தை பிறந்தது.அடுத்த 15 நிமிடங்களில் 2022 ஜனவரி 1ல் பெண் குழந்தை பிறந்தது. டாக்டர்கள் மற்றும் குடும்பத்தினருடன் மகிழ்ச்சியை பகிர்ந்து கொண்ட பாத்திமா, “இரட்டைக் குழந்தைகள் பிறந்தது மிகவும் சந்தோஷமாக உள்ளது; ஆனால் இருவருக்கும் வெவ்வேறு ஆண்டில் பிறந்த நாள் என்பதுதான் ஆச்சர்யம் கலந்த மகிழ்ச்சியை ஏற்படுத்தியுள்ளது,” என்றார்.ஆண் குழந்தைக்கு ஆல்பிரெடோ ஆண்டோனியோ என்றும், பெண் குழந்தைக்கு அய்லின் யோலாண்டா என்றும் பெயர் சூட்டியுள்ளனர்.

நன்றி தினமலர்

**T.N.Balasubramanian** · **T.N.Balasubramanian** Tue 4 Jan 2022 - 16:06

இதே குழந்தைகள் 31/12/2000இல் இரவு 1145 மணிக்கும் 1200 மணிக்கும்
பிறந்து இருந்தால், வெவ்வேறு நூற்றாண்டுகளில் பிறந்த குழந்தைகள் என பெயர் பெற்றிருக்கும். சரிதானே?