மனவளக்கலையே யோகம்

Letchoumanane · Letchoumanane Tue Feb 02, 2010 11:28 am

இயற்கை, தான், சமுதாயம் ஆகிய மூன்றின் இணைப்பை உணர்ந்து இயற்கை நியதிகளுக்கு முரண்படாது, இசைவாக வாழ்தலே யோகமாகும்.
மனித செயல்பாடுகள் அனைத்தும் மனதை அடிப்படையாக வைத்தே அமைகின்றன. நல்ல விளைவை தரத்தக்க செயல்களை மட்டும் செய்யக்கூடிய அளவில் மனம் பக்குவம் பெற வேண்டும்.

ஒரு செயல் செய்தால் அதற்கு விளைவு உண்டு. இது இறைநீதி. இதனை மறுக்க முடியாது, மறக்கவும் கூடாது.

இதனை மனதிற்கொண்டு நல்ல விளைவுகளை தரக்கூடிய செயல்களை மட்டும் செய்யக்கூடிய வகையில் நாம் தெளிவு பெற்று விட வேண்டும். அதற்காக ஆக்கப்பட்ட பயிற்சிகளே மனவளக்கலை எனும் யோகக்கலையாகும்.

கால ஓட்டத்தில் மனப்பக்குவத்திற்கான பயிற்சிகளை (தவம், தத்துவவிளக்கம், தற்சோதனை) விட்டுவிட்டு வெறும் உடற்பயிற்சிகளையே (ஆசனம், பிராணாயாமம்) யோகம் என்ற பெயரிலே உலகம் முழுதும் பரப்பி விட்டுவிட்டோம்.

உடல்நலத்தோடு மனதையும் வளப்படுத்தும் அவசியத்தை உணர்ந்தே தத்துவஞானி வேதாத்திரி மகரிஷி அவர்கள் மனவளக்கலையை எளிதாக்கி எல்லோருக்கும் வழங்கி வருகிறார்கள். இக்கருத்தினை வெளிப்படுத்தும் கவியையே கீழ் காண்கிறோம்.

உடற்பயிற்சி மாத்திரமே யோக மல்ல,
உளப்பயிற்சி, அற்புதங்கள், வேத பாடம்,
கடற்கரையில் மலைகாட்டில் உடல் வருத்தும்
கடும்மூச்சுப் பயிற்சி மட்டும் யோகமல்ல.
படர்க்கையினால் மனம் அலையா விழிப்பில் நிற்கப்
பண்படுத்தும் பயிற்சிகளாம் இவை பிறவித்
தொடர் அறுக்கும் தூயவினை ஆற்றும் பண்பாம்
துயர்களைந்து நிறைவளிக்கும் வாழ்வே யோகம்.

- வேதாத்திரி மகரிஷி அவர்கள்

வாழ்க வளமுடன்.

குருவின் அருட்பணியில்,
முனைவர். சு. இலக்குமணன்,

மனவளக்கலையே யோகம்

மனவளக்கலையே யோகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக