வேலை கிடைச்சது by சுஶ்ரீ

வேலை கிடைச்சது
சுஶ்ரீ

                ரமேஷ் பாட்கர் ஒரு திறமையான தச்சு வேலைக்காரன், ஆனால் இந்த சின்ன கிராமம் சிக்கல்தாராவுக்கு பக்கத்தில இங்கே மொத்தமே 30 குடும்பம்தான்.
வேலை தெரிஞ்சு என்ன பிரயோஜனம், எப்பவாவது அமராவதி நகரத்துல இருந்து மேஸ்திரி பல்ராம் பய்யா கூப்பிட்டு அனுப்புவார், 15 நாள் வேலை, அதிர்ஷ்டம் இருந்தா சில சமயம் மாதக் கணக்கில் வேலை இருக்கும்.
இந்த லக்ஷணத்தில 23 வயசுலயே கல்யாணம்,இப்ப ஒண்ணரை வயசுல பப்லு .
மனைவி ரூபாவதி பேருக்கேத்த மாதிரி கொள்ளை அழகு. ஆனா முட்டாக்கு நழுவாது. அவ முகத்தை பார்த்தவர்கள் மிக கம்மி, யாராவது பக்கத்துல நடமாடற சத்தம் கேட்டாலே முக்காட்டுல முகம் மறைஞ்சுடும்.
ரமேஷ் வெளிச்சத்தில முகத்தை பாத்ததே இல்லை.பப்லு கூட அந்த ரெண்டைத் தவிர வேற எதையும்பாத்திருக்க மாட்டான்.
அன்று விடியக் காலையில் பய்யா கிட்ட இருந்து ஃபோன்.பம்பாய்ல ரெண்டு மாச வேலை நல்ல கான்ட்ராக்ட் உடனே வா அவ்வளவுதான்.
உடனே ரமேஷ் கத்தினான் பப்லுவோட அம்மா துணி எடுத்து வை பாம்பே போறேன்.
உடனே பயணத் தேவைகளை கவனித்தாள் ரூபவதி. மறுநாள் காலை 6 மணி பஸ் குழந்தையையும் மனைவியையும் பிரிய மனதின்றி கிளம்பினான்.
தம்பி தேவேந்தர் சைக்கிளில் அண்ணனை டபுள்ஸ் வைத்து பஸ் ஏற்றி விட்டு வந்தான் அண்ணன் 10 ரூபாய் கொடுப்பானே.
அமராவதி நகர் 3 மணி நேரத்தில் அடைந்த ரமேஷ் நேராக பல்ராம் பய்யா வீட்டை அடைந்தான்.
அவனை பாத்த பய்யா, ஊரெல்லாம் தடைடா கொரானால ஒரு மாசம் கழிச்சு ஆரம்பிக்கலாம், இந்தா 500 ரூபாய் அட்வான்ஸ் அடுத்த மாசம் 6ம் தேதி வந்துரு 2 லட்சம் கான்ட்ராக்ட் செலவு போக உனக்கு ஐம்பாதாயிரம் போயிட்டு கரெக்டா வந்தடு.
கொஞ்சம் ஏமாற்றம், நிறைய மனைவியிடம் திரும்பற சந்தோஷம். ஒரு ஷாருக் கான் படம் பாத்துட்டு,மனைவி, பப்லு, தேவேந்தருக்கு சாமான்களை வாங்கிக் கொண்டு 4 மணி பஸ் பிடிச்சாச்சு 7.30 , 8.00 க்குள்ளே கிராமத்துக்கு போயிடலாம்.
விசில் அடித்துக்கொண்டே வீட்டை அடைந்தான்.
பப்லு வாசலில் ஒரு கேரட்டை சப்பிக் கொண்டு மண்ணில் விளையாடிக் கொண்டிருந்தான்.
அவனை இடுப்பில் தூக்கிக் கொண்டு வீட்டில் நுழைந்து மனைவியை தேடி அறையில் நுழைய, அதிர்ந்து கட்டிலிலிருந்து ஆடைகளை சரி செய்து கொண்டு எழுந்தாள்.முதல் முறையாக வெளிச்சத்தில் ரூபவதியின் முழு முகம் பார்த்தான்.
தேவேந்தர் நடுக்கத்துடன் அறையை விட்டு வெளியேறினான்.கையிலிருந்து பை நழுவி சாமான்கள் சிதறின.
பப்லு கலகலவென சிரித்தான்.

நன்றி

அருமை