காற்றில் கலந்தவன் by சுஶ்ரீ

காற்றில் கலந்தவன்
சுஶ்ரீ

2021,மே மாதம் 10ம் தேதி, R-2 போலிஸ்ஸ்டேஷன், அந்த காலை நேரத்தில் அதி சுறுசுறுப்பாய் இயங்கியது.
காவலர்கள், அதிகாரிகள், முக்க் கவசம் அணிந்து பணிக்கு வந்தார்கள். கைகளை சானிடைசரால் சுத்தம் செய்து கொண்டனர்.
அன்னிக்கு தலைமை காவலர் கனகலிங்கம் வீட்டிலிருந்து பறப்படும் போதே தாமதம்.இத்தனைக்கும் அவர் வீடு போலிஸ் நிலையத்திலிருந்து பக்கம்தான்,வடபழனி பஸ் நிலையத்தை ஒட்டி உள்ள குமரன் காலனி, வீட்ல ஏதோ காலைல இருந்து தகறாரு,.
ஆர்காட் ரோட் திரும்பற இடத்திலிருந்த ‘வசந்த பவனில்’ பொங்கல்,வடை, காபி.
நேரா சைக்கிளை மிதிச்சிட்டு போலிஸ் ஸ்டேஷன் வரப்ப 5 நிமிஷம் லேட்.
இன்ஸ்பெக்டர் ஜீவநாதனும் தன் ஜீப்பில் பின்னாலேயே கனகலிங்கத்தை கேட்டுக் கொண்டே நுழைந்தார்.
என்ன கனகலிங்கம் ,10 மணிக்கு மேல ஒரு வண்டி வேலையில்லாம ரோட்ல தெரியக் கூடாது, ஆட்களை சரியா நிப்பாட்டும், பேரிகேட் வைச்சு சமாளிங்க, 12 கான்ஸ்டபிள்சை எடுத்துக்கங்க விருகம்பாக்கம் வரை உம்ம ஏரியா சரியா?
ஸ்டேஷனில் நுழைந்தார் ஜீவநாதன். கனகலிங்கம் 12 ஜவான்களை எங்கெங்கு அனுப்புவதென்று பதிவேட்டில் பதிந்து விட்டு எல்லோரையும் அனுப்பினார். தானும் தன் சைக்கிளிலேயே ஏ.வி.எம. பக்கத்தில கேரளா சிப்ஸ் கடைக்கு பக்கத்தில் சைக்கிளை நிறுத்தி விட்டு, எதிரில் சாய்ந்து கிடந்த டிராபிக் குடை பக்கம் நின்று கொண்டார்.
சரியா 10 மணிக்கு எல்லாம் ஸ்டாப்.மெதுவாக ஒவ்வொரு கடையாக மூடத் தொடங்கியது. ஆட்டோ ஆங்காங்கே சாலை ஓரம், நிறுத்தங்கள்ல,காலி பஸ்கள் வட பழனி பஸ் நிலையத்துக்குள் தஞ்சம். கார், மோட்டார் சைக்கிள் டிராபிக் மெலிவடைந்தது.
12.30 வரை கண்கொத்தி பாம்பாய் பணியாற்றி வாகனங்களை மிரட்டி, அறிவுரை செய்து கட்டுப் படுத்தினார் கனகலிங்கம் ,
திடீரென இருட்டிக் கொண்டு வந்தது, ஏ.வி.எம் ஸ்டுடியோ குளோப் மங்கலாயிற்று, துருத்தி அடிப்பது போல ஒரு திணறல், கால் புதைந்து கொண்டே போனது.என்ன ஆச்சு எனக்கு?
கண் விழித்த போது அட இது சூர்யா ஆஸ்பத்திரி. படுக்கையிலிருந்து எழுந்தார் கனகலிங்கம்,தொப்பியை சரி செய்த படி வெளியே வந்தார்.
எதிர் பட்ட டாக்டர், நர்ஸ் ஒன்றும் சொல்லவில்லை. அட சைக்கிளை காணோமே, ஒரு பைக்கில் 3 பேர் தலை தெறிக்க வந்தார்கள் கை காட்டியும் மதிக்கவில்லை.
பஸ் ஏறி ஸ்டேஷனுக்கு வந்தார், இவரை பாத்த ரைட்டர் மாதவன் கண்டு கொள்ளாத மாதிரி ஃபைலை பார்த்தார்.
தினசரி காலண்டரை ஏன் இப்படி கிழித்தார்கள், அட எதுக்கு என் ஃபோட்டோ , கதம்ப மாலை.ஏய் நான் உயிரோட இருக்கேண்டா, ஏண்டா ஒத்தரும் பேச மாட்டேன்றீங்க.
கோபத்தோட வீட்டுக்கு விரைந்தார், வீட்டு வாசலில் போலிஸ் ஜீப். இன்ஸ்பெக்டர் ஜீவநாதன் பாக்யத்து கிட்ட பேசறார்?
இந்தாங்கம்மா முதல் தவணை 6 லக்ஷத்துக்கான செக் இது நமக்கு பேரிழப்பு தைரியமா இருங்க.
என்னை பாக்காத மாதிரி வெளியே நடந்தார். என்னடி பாக்யம் உனக்குமா தெரியலை ஏண்டி ஸ்டேஷன் போல இங்கேயும் காலண்டர்ல 19ம் தேதி, என்ன நடக்குது?
தடுப்பூசி போட்டுக்கறேன் பயப்படாம இரு பாக்யம், தேவையில்லாம சண்டை போட்டயே காலைல, இன்னிக்கே கோவிஷீல்டு சூர்யால போடறேன் சரியா?
எனக்கு ஒண்ணும் ஆகாது. அவர் பேச்சை கேக்காமல் பாக்யம் ஏன் இப்படி அழுகிறாள்.


“எங்கள் தலை தாழ்நத வணக்கம் எங்கள் சேவையில் உயிர்தியாகம் செய்த எல்லாருக்கும்”

:

Code:

தலை தாழ்நத வணக்கம்

நன்றி