போதை by சுஶ்ரீ

போதை
                                                   சுஶ்ரீ

                            நைட்ல இருந்தே ஒரே பரபரப்பு கிட்டத்தட்ட ரெண்டரை மாசத்துக்கு அப்பறம் திறக்கப் போறாங்கனு நியூஸ்ல சொன்னதிலிருந்து மனசுக்குள்ளே ஒரு
படபடப்பு.ஏன்தான் இந்த கொரோனா வந்ததோ, எல்லோருக்கும் கஷ்டம்.15 நாள் அடைப்பு, ஒரு வாரம் அடைப்புனு, ரெண்டு மாசத்துக்கு மேல இழுத்துட்டா என்னை மாதிரி ஆளுங்க என்ன செய்யறது.,
                  முத தடவை 15 நாள் அடைப்புன்ற போதே திக்னு இருந்தது,அதுக்கப்பறம் ஒரு வாரம், இன்னும் ஒரு வாரம்னு இழுத்தடிச்சிட்டாங்களே.
                 நைட்ல மனசு மாறி திரும்ப அடைப்புனு சொல்லாம இருக்கணுமே கடவுளே.கொரோனா பாதிப்பு எண்ணிக்கை கூடாம இருந்தா ஒண்ணும் ஆகாது, கொஞ்சம் கூடினாலும் மறு பரிசீலனைனு மூடிடுவாங்க.
                 இந்த போதை இருக்கே இதை மட்டும் கட்டுப் படுத்தறது ரொம்ப கஷ்டம்.சும்மாவா, 13 வருஷ பழக்கம்.
                 செங்கல்பட்டுல இருந்து மருவத்தூர் போற வழில சின்ன கிராமம் அப்பன்,ஆத்தாவுக்கு வயக்காட்டில வேலை. ஆனா நாங்க அஞ்சு பசங்க, யாரோ சொன்ன மாதிரி ஏழைகளின் பொழுது போக்கு அவங்க என்ன செய்வாங்க.
                   அங்கே ஒரு சின்ன பள்ளிக்கூடம் அதுலயே 8 வகுப்பு வரைதான், மேல படிக்கணும்னா செங்கல்பட்டுதான் சைக்கிள்ல போவாங்க பசங்க.
                 நமக்கு 8 வரை படிக்கவே இஷ்டம் இல்லை, அப்பறம் செங்கல்பட்டு என்ன சைக்கிள் என்ன. என் 15வது வயசுல கிராமத்து அரச மரத்து கீழே முத தடவை ஆரம்பமாச்சு,
                ஒரு வயசான பெரியவர் ஏலே குப்பணன் பயலாடா நீ வா இங்கேன்னார், பக்கத்துல போனாலே நாத்தம் குடலை பிடுங்கியது.உக்காருடா இஸ்கூல் பிடிக்கலையானு ஆரம்பிச்சு தினம் ஒண்ணுனு அப்பறம் பழகிடுச்சு.
                18 வயசுல சென்னைக்கு ஓடி வந்தாச்சு. என் முகத்தை பாத்திருக்கீங்களா? கருகருன்டு ஒரு முகம், அடங்காம நெட்டுக்கு நிக்கற தலை முடி, முகம் பூரா மூக்குதான், இத்துனூண்டு கண்ணு சரியான குடிகாரன் முகம் எவன் வேலை கொடுப்பான்.
                 எப்படியோ 10 வருஷத்துக்கு மேல ஆச்சு இங்கே வந்து. இந்த 2021தான் ரொம்ப சிரமம், கொரோனா அடைப்புனால
                 நாளைக்கு கடை திறந்துடுவாங்களாம். காலைல ஆறு மணிக்கே ஓடிடணும்,.
                 இப்பவே கை பரபரத்தது, முத நாள் கூட்டம் எக்குமில்லை அதுவும் நம்ம சிங்கப்பூர் சலூன் ரொம்ப ஃபேமஸ் .

புதியவர் --
ஈகரை உங்களை அன்புடன் வரவேற்கிறது. 

அறிமுகப்பகுதிக்கு சென்று உங்களை அறிமுகப்படுத்திக்கொள்ளுங்கள்.

கதை சஸ்பென்ஸ் ..