நீட் கோச்சிங் செண்டர் வருமானம் ₹5,750கோடியாமே...

AK Rajan அவர்களின் ரிப்போர்ட் படி தமிழ்நாட்டில் NEET Coaching Centre வருமானம் ₹.5,750கோடி என்று குறிப்பிட்டுள்ளார். தமிழ்நாட்டில் 2021-ஆம் ஆண்டு நீட் எழுதிய மாணவர்களின் எண்ணிக்கை 1,20,000. அதில் மிக அதிகமாக பார்த்தாலும் 50% மாணவர்கள் மட்டுமே coaching எடுத்திருக்க வாய்ப்புள்ளது. 60,000 மாணவர்கள் coaching எடுத்துள்ளார்கள் என்று வைத்துக் கொண்டாலும் இவர் கூறியதுபோல் ரூ.5,750 கோடி coaching சென்டர் வருமானம் என்றால் ஒரு மாணவருக்கு coaching centre கட்டணம் சராசரியாக ரூ.9,50,000 (ரூபாய் ஒன்பது லட்சத்து ஐம்பதாயிரம்). இதெல்லாம் நம்பும்படியாகவா இருக்கிறது?

எந்த கோச்சிங் சென்டரில் ரூ.9.5 லட்சம் கட்டணம் வாங்குகிறார்கள் என்று மக்கள் நேரில் சென்று பார்க்க வேண்டும். ஒரு நீதிபதி என்னதான் ஒருசார்பாக ரிப்போர்ட் தாக்கல் செய்தாலும் அதில் ஒரு நியாயம் வேண்டாமா?பொது வெளியில் போகும் ரிப்போர்ட் அனைவரின் விமர்சனத்திற்கு உள்ளாகும் தனது பெயருக்கு களங்கம் விளைவிக்கும் என்று ஜாக்கிரதையாக இருக்க வேண்டாமா?

இப்பொழுது அரசு பள்ளிகளுக்கு வருவோம். அரசு பள்ளிகளுக்கு அரசு ஒவ்வொரு வருடமும் ஒதுக்கும் பணம் ரூ.35,000 கோடி. அதில் ரூ.10,000 கோடி மேல்நிலை கல்விக்கு மட்டுமே ஒதுக்கப்படுகிறது. ஒய்வு பெற்ற நீதிபதி AK இராஜன் அவர்களின் ரிப்போர்ட் படி மேல்நிலைக்கல்வியில் +2 வகுப்பில் 3.27 லட்சம் மாணவர்கள் படிக்கிறார்கள். அதே அளவாக +1 வகுப்பில் 3.27 லட்சம் மாணவர்கள் படிக்கிறார்கள் என்று வைத்துக்கொண்டாலும் மொத்தமாக 6.55 லட்சம் மாணவர்கள் மேல்நிலை வகுப்புகளில் அரசு பள்ளியில் படிக்கிறார்கள்.ரூ.10,000 ம் கோடி 6.55 லட்சம் மாணவர்களுக்கு என்று வைத்துக்கொண்டால் ஒரு மாணவருக்கு சராசரியாக 1.5 லட்சம் அரசு செலவு செய்கிறது. இவ்வளவு செலவு செய்து 1% மாணவர்களை கூட மருத்துவக்கல்விக்கு அரசு பள்ளிகளிலிருந்து தேர்வு செய்ய வைக்க முடியவில்லையா??

AK Rajan Committe ரிப்போர்ட் படி நீட் வருவதற்கு முன்னாலும் வெறும் 1% மாணவர்கள் மட்டுமே அரசு பள்ளிகளிலிருந்து மருத்துவ படிப்பிற்கு தேர்வானத்தை தெரிந்து கொள்ளலாம். இப்பொழுது கூறுங்கள் கோச்சிங் சென்டர்யில் மக்கள் செலுத்தும் பணம் மட்டும்தான் பணமா?

அரசு ஒரு பலனும் இல்லாமல் அரசு பள்ளிக்கல்வி என்ற பெயரில் செலவு செய்யும் பணம் மக்கள் பணம் இல்லையா?

வருடம் ₹35,000 கோடி மக்கள் பணம் செலவு செய்யப்பட்டும் ஒரு பலனும் ஏற்படாமல் மக்கள் தனியார் பள்ளிக்கும் தனியார் கோச்சிங் சென்டருக்கு செல்வதற்கு யார் காரணம்?

இதெல்லாம் உயர்திரு நீதிபதி AK ராஜன் அவர்களுக்கு தெரியாதா?

அரசு பள்ளிக்கல்வி ஒரு பலனும் இல்லை என்பதற்கு யார் பொறுப்பேற்பது? அரசு பள்ளி ஆசிரியர்களுக்கு தேர்தல் நேரத்தில் ஒருதலைப்பட்சமாக செயல்படுவதற்கு மட்டுமே ரூ.35,000 கோடி செலவு செய்யப்படுகிறதா?

மக்களின் முடிவுக்கே இதை விட்டு விடுவோம்!!!!

ஊர் கூடி தேர் இழுப்போம்

வாட்ஸப் பகிர்வு

எல்லாம் சரிதான்.ஆனால் வாட்சப் பகிர்வு .ஓய்வு பெற்ற நீதிபதி திரு AK ராஜன் அறிக்கையை மத்திய  அரசு அங்கீகரிக்கவில்லை. இது தேவை இல்லாதது / செல்லுபடியாகாது என கூறி உள்ளது .

நன்றி சிவா. ₹.5,750கோடி வருமானம் தமிழ்நாட்டில் மட்டுமா அல்லது இந்தியா பூராவுமா?

@musafir.world wrote:நன்றி சிவா. ₹.5,750கோடி வருமானம் தமிழ்நாட்டில் மட்டுமா அல்லது இந்தியா பூராவுமா?

மேற்கோள் செய்த பதிவு: 1351863

தமிழகத்தில் மட்டும் எடுக்கப்பட்ட சர்வே தானே... எனவே தமிழகத்தில் மட்டுமே இவ்வளவு தொகை.

@சிவா wrote:

@musafir.world wrote:நன்றி சிவா. ₹.5,750கோடி வருமானம் தமிழ்நாட்டில் மட்டுமா அல்லது இந்தியா பூராவுமா?

மேற்கோள் செய்த பதிவு: 1351863

தமிழகத்தில் மட்டும் எடுக்கப்பட்ட சர்வே தானே... எனவே தமிழகத்தில் மட்டுமே இவ்வளவு தொகை.

மேற்கோள் செய்த பதிவு: 1351878

எங்கேயோ உதைக்குதே?
சரி அப்பிடியே 5750 கோடி என வைத்துக்கொள்வோம்.இந்த விவரம் வருமானவரி துறைக்கு தெரியாதா? அந்தந்த பயிற்சி நிலையங்கள் முறையாக வருமானத்தை தாக்கல் செய்துள்ளதா?

கோச்சிங் சென்டர் என்றால் முறையாக பதிவு செய்யப்பட்டதாக தானே இருக்கும். 
வருமான வரித்துறை பார்த்துக்கொள்ளும்.