இரவு முழுவதும் திறந்தே கிடந்த தேசிய மயமாக்கப்பட்ட வங்கி

பாலாஜி · பாலாஜி Mon Jan 18, 2010 12:35 pm

சாரமூடு:அலுவலகப் பணி முடிந்ததும், வங்கியை பூட்டாமல் அப்படியே விட்டு விட்டுச் சென்றதால், இரவு முழுவதும் வங்கி திறந்தே கிடந்தது. அதிர்ஷ்டவசமாக கொள்ளை ஏதும் நடக்கவில்லை.கேரள மாநிலம், கொல்லம் மாவட்டம் சாரமூடு அருகே பாற்றூர் பகுதியில், தேசிய மயமாக்கப்பட்ட வங்கி கிளை செயல்பட்டு வருகிறது. 12ம் தேதி மாலை, பணி நேரம் முடிந்ததும், வங்கியை பூட்ட மறந்து விட்டு பணியாளர்கள் சென்று விட்டனர். இதனால், இரவு முழுவதும், வங்கி பூட்டப்படாமல் திறந்தே கிடந்தது.

மறுநாள் (13ம் தேதி) காலை, அவ்வழியே சென்ற கிராம மக்கள், வங்கி திறந்து கிடப்பதை பார்த்து, வங்கி மேலாளருக்கு தகவல் கொடுத்தனர்.அவரும், வங்கியில் பணியாற்றும் அலுவலர் மற்றும் பணியாளர்கள் விரைந்து வந்தனர். அவர்களை கிராம மக்கள் தடுத்து நிறுத்தினர். பின், போலீசார் தலையிட்டதால், அவர்கள் வங்கிக்குள் சென்று பார்த்தனர்.அங்கு, வங்கியின் பணம் பட்டுவாடா கவுன்டரும், நகை மற்றும் ஆவணங்கள் பாதுகாக்கப்பட்டிருக்கும் லாக்கர்கள் இருக்கும் அறையும் திறந்தே கிடந்தன. அதிர்ஷ்டவசமாக, வங்கியில் கொள்ளை ஏதும் நடக்கவில்லை என்று கூறப்படுகிறது.இதுகுறித்து, எர்ணாகுளத்தில் உள்ள வங்கியின் மண்டல அலுவலகத்திற்கும், போலீசாருக்கும் கிராம மக்கள் தகவல் தெரிவித்துள்ளனர். இரவு முழுவதும் தேசிய மயமாக்கப்பட்ட வங்கி கிளை திறந்தே கிடந்தது, அப்பகுதியில் பரபரப்பை ஏற்படுத்தியது.

- Dinamalar

mdkhan · mdkhan Mon Jan 18, 2010 12:42 pm

இரவு முழுவதும் திறந்தே கிடந்த தேசிய மயமாக்கப்பட்ட வங்கி 102564

அப்போ இந்த பேக்குல செக்யூரிட்டியும் கிடையாதா இல்லை அவரும் பூட்ட மறந்து போயிட்டாரா..........

என்ன கொடுமை பாலாஜி இது ........ இரவு முழுவதும் திறந்தே கிடந்த தேசிய மயமாக்கப்பட்ட வங்கி 838572