நல்ல பேச்சு பேசுவது கூட தர்மச் செயலே

**சிவா** · **சிவா** Fri Sep 24, 2021 12:37 pm

ஒரு அரசனுக்கு அவனுடைய எல்லா பற்களும் விழுந்து, பொக்கை வாயுடன் இருப்பதாக ஒரு கனவு வந்தது. இதனால் காலையில் பீதியுடன் எழுந்த அவன், அந்தக் கனவால் என்ன விளைவுகள் நேருமோ என்று பயந்துபோய் முதல் வேலையாக ஒரு நாடி ஜோதிடரை வரவழைத்தான்.

அந்த நாடி ஜோதிடர் தனது ஓலைச்சுவடியை எடுத்து, அதில் பொக்கை வாய் கனவு பற்றி விளக்கியிருந்த ஒரு ஓலையை வாசித்துவிட்டு, "அரசே! உங்கள் மனைவி, குழந்தைகள், சொந்த பந்தங்கள் எல்லோரும் உங்களுக்கு முன்பே இறந்து விடுவார்கள்" என்று பலன் சொன்னார்.

உடனே அந்த அரசன் மிகவும் கோபமுற்று, "இவனைப் பிடித்து சிறையில் தள்ளுங்கள்" என்று உத்தரவிட்டான்.அதன் பிறகும் மன்னனின் மனம் சமாதானமடையவில்லை. இன்னொரு நாடி ஜோதிடரை வரவழைத்து,அவரிடம் தன் பொக்கை வாய் கனவின் அர்த்தம் என்ன என்று வினவினான்.

அந்த ஜோதிடரும் அதே மாதிரியான ஓலைச்சுவடியைத்தான் வைத்திருந்தார்.அவரும் அதைப் பார்த்துவிட்டு, "மன்னா! உங்கள் சொந்த, பந்தங்களையெல்லாம்விட நீங்கள் நீண்ட காலம் நீடூடி வாழ்வீர்கள்"என்று பலன் கூறினார். இதனால் மனம் குளிர்ந்த அரசன்,அந்த ஜோதிடருக்கு தகுந்த பரிசுகள் வழங்கி அனுப்பி வைத்தான்.

இருவரும் அதே ஓலையைத்தான் படித்தார்கள்.அதே விஷயத்தைத்தான் சொன்னார்கள். ஒருவர் எல்லோரும் இறந்துவிடுவார்கள் என்றார்.இன்னொருவர் எல்லோரையும் கடந்து வாழ்வீர்கள் என்றார். அவ்வளவுதான் வித்தியாசம்.

பேசும் வார்த்தைகளை கவனமுடன் உபயோகித்தால், வாழ்வில் ஜெயிக்கலாம். நாம் பேசும் வார்த்தைகள் மற்றவரை சந்தோஷப்படுத்த வேண்டுமே தவிர, எந்த வித மனக்கசப்பும் ஏற்படாமல் பார்த்துக் கொள்ள வேண்டும்.

**T.N.Balasubramanian** · **T.N.Balasubramanian** Fri Sep 24, 2021 4:35 pm

பேசும் வார்த்தையில் இனிமை வேண்டும்.

"நீ கூறியது சுத்த மடத்தனம்." என்பதும்
"நீ கூறியது அவ்வளவு புத்திசாலித்தனமாக தெரியவில்லை"

என்று கூறுவதும் ஒரே அர்த்தத்தைத்தான் வெளிப்படுத்துகிறது.
இருப்பினும் வன்மை ஓரிடத்திலும் இனிமை ஓரிடத்திலும் உள்ளது.

நல்ல பகிர்வு.

இந்த பதிவைத் துவங்கியவர் நன்றி கூறியுள்ளார் T.N.Balasubramanian

**Dr.S.Soundarapandian** · **Dr.S.Soundarapandian** Fri Sep 24, 2021 7:12 pm

நல்ல பேச்சு பேசுவது கூட தர்மச் செயலே 3838410834

நல்ல பேச்சு பேசுவது கூட தர்மச் செயலே 1571444738

Sponsored content · Sponsored content

நல்ல பேச்சு பேசுவது கூட தர்மச் செயலே

நல்ல பேச்சு பேசுவது கூட தர்மச் செயலே

Re: நல்ல பேச்சு பேசுவது கூட தர்மச் செயலே

Re: நல்ல பேச்சு பேசுவது கூட தர்மச் செயலே

Re: நல்ல பேச்சு பேசுவது கூட தர்மச் செயலே

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக