'ஆயில் மசாஜ்' ஏன் செய்ய வேண்டும்?

**சிவா** · **சிவா** Thu Sep 23, 2021 8:16 pm

உடலுக்கு எண்ணெய் தேய்த்துக் குளிக்கும் பழக்கம் இன்று பெரும்பாலானோரிடம் மறைந்துவிட்டது. வாரத்திற்கு ஒருமுறை எண்ணெய் தேய்த்துக் குளிப்பது அவசியமாகும்.

உடல் அழகுக்கும் சரும அழகுக்கும் ஆயில் மசாஜ் செய்வது அத்தியாவசியமாகிறது. எண்ணெய் கொண்டு மசாஜ் செய்யும்போது மன அழுத்தமும் வெகுவாகக் குறைவது ஆய்வில் நிரூபிக்கப்பட்டுள்ளது.

சருமத்தின் பொலிவை அதிகரிக்கச் செய்ய ஆயில் மசாஜ் வாரத்திற்கு இருமுறை செய்யலாம். முகத்திற்கு தேங்காய் எண்ணெய், நல்லெண்ணெய், பாதாம் எண்ணெய் என இவற்றில் ஏதேனும் ஒன்றைப் பயன்படுத்தலாம்.

எண்ணெய்யை லேசாக சூடேற்றி பின்னர் ஆறவைத்து இளஞ்சூடு பதத்தில் இருக்கும்போது மசாஜ் செய்ய வேண்டும். இது ஈரப்பதமாக்குவதோடு மட்டுமல்லாமல், பளபளப்பான சருமத்தைத் தருகிறது. உடல் சூட்டைக் குறைத்து உடல் உறுப்புகளை சீராக இயங்க வைக்கிறது.

உடலில் உள்ள திரவக் கழிவுகளை வெளியேற்றுகிறது. தொடர்ந்து செய்யும்போது, அது பல ஆரோக்கிய நன்மைகளை வழங்குகிறது. உடலில் பல்வேறு கோளாறுகளை சரிசெய்து உடலை சமநிலையில் வைத்திருக்க உதவுகிறது.

இளமை மற்றும் ஆரோக்கியமான ஒளிரும் சருமத்தைப் பெற வேண்டுமெனில் அடிக்கடி ஆயில் மசாஜ் செய்யுங்கள்.

உங்கள் சருமத்திற்கு ஏற்றவாறு எண்ணெய்களை தேர்வு செய்வது பயன்படுத்துவது நல்லது.

காலை வேளையில் இளம் வெயில் நேரத்தில் எண்ணெய் மசாஜ் செய்து இளஞ்சூடான நீரில் குளிக்க வேண்டும்.

படுக்கைக்கு முன் இரண்டு நிமிட மசாஜ் கூட உங்கள் சருமத்தில் பல அற்புதங்களைச் செய்யும்.

தினமணி

**T.N.Balasubramanian** · **T.N.Balasubramanian** Thu Sep 23, 2021 9:03 pm

செவ்வாயும் வெள்ளியும் பெண்களின் எண்ணெய் குளியலும்
புதனும் சனியும் ஆண்களின் எண்ணெய் குளியலும்
முறைப்படியே முற்காலங்களில் அதாவது 1930-40 வரை நடந்ததாக
கேள்வி.

எதெல்லாம் செய்யக்கூடாதோ அதை எல்லாம்
தற்காலங்களில் முறையாக நாம் செய்கிறோம் .

**Dr.S.Soundarapandian** · **Dr.S.Soundarapandian** Fri Sep 24, 2021 12:32 pm

எண்னெய்க் குளியல் தமிழர் பழக்கம் - நல்ல பழக்கம்!
ஆனால், தமிழர்களே ஆங்கில மருத்துவர்களாக ஆகும்போது இதைப் பற்றி வாயே திறக்கமாட்டேன் என்கிறார்களே! அது ஏன்?

**T.N.Balasubramanian** · **T.N.Balasubramanian** Fri Sep 24, 2021 6:48 pm

பணத்துவம் முதன்மையாக இருக்கும் போது
இந்திய மருத்துவம் பின்னே தள்ளப்படுகிறது.

Sponsored content · Sponsored content

'ஆயில் மசாஜ்' ஏன் செய்ய வேண்டும்?

'ஆயில் மசாஜ்' ஏன் செய்ய வேண்டும்?

Re: 'ஆயில் மசாஜ்' ஏன் செய்ய வேண்டும்?

Re: 'ஆயில் மசாஜ்' ஏன் செய்ய வேண்டும்?

Re: 'ஆயில் மசாஜ்' ஏன் செய்ய வேண்டும்?

Re: 'ஆயில் மசாஜ்' ஏன் செய்ய வேண்டும்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக