ஒரே காரை நாடு முழுதும் பயன்படுத்த ‛பி.எச்., சீரிஸ்' எண்: மத்திய அரசு அறிமுகம்

**ayyasamy ram** · **ayyasamy ram** Sun Aug 29, 2021 6:37 am

-
ராணுவ அதிகாரிகள், மத்திய, மாநில அரசு ஊழியர்கள்,
பொதுத் துறை நிறுவனங்கள் மற்றும் தனியார் நிறுவனங்களில்
பணியாற்றும் ஊழியர்கள் அடிக்கடி பணியிட மாற்றம்
செய்யப்படுவதால், அவர்கள் வேறு மாநிலத்திற்கு செல்லவேண்டி
உள்ளது.

இவர்கள் பயன்படுத்தும் வாகனங்களும், அந்த மாநிலத்திற்கு எடுத்துச்
செல்லப்படும்போது, அவற்றின் பதிவு எண்ணை மாற்றப்பட வேண்டிய
நிலையும் இருந்து வந்தது.

அப்படி பணியிடமாற்றம் செய்யப்படும் ஊழியர்களுக்காக மத்திய
போக்குவரத்துத் துறை ஒரு புதிய திட்டத்தை தற்போது அறிமுகம்
செய்துள்ளது.இது குறித்து, நேற்று வெளியிடப்பட்ட அறிக்கை யில்
கூறப்பட்டுள்ளதாவது:

வேறு மாநிலங்களுக்கு பணியிடம் மாற்றம் செய்யப்படும்
ஊழியர்களுக்காக, பி.எச்., சீரிஸ் எனப்படும் பாரத் சீரிஸ் பதிவு எண்
அறிமுகம் செய்யப்பட்டுள்ளது.

இந்த எண், 'YY BH #### XX' என்ற முறையில் இருக்கும். இதில்,
'YY' என்பது முதலில் பதிவு செய்த ஆண்டை குறிக்கும். 'BH' என்பது,
பாரத் சீரிஸ் குறியீடு. '####' என்ற இடத்தில் நான்கு எண்களும்; 'XX' என்ற
இடத்தில் இரண்டு எழுத்துக்களும் இருக்கும்.

இந்த சீரிஸ் எண்ணை ஒரு முறை பதிவு செய்தால் போதுமானது.
எந்த மாநிலத்திற்கு சென்றாலும் இதே எண்ணுடன் வாகனத்தை பயன்
படுத்தலாம்.

இந்த பி.எச்., எண் பதிவு செய்ய மோட்டார் வாகன வரி செலுத்தப்பட
வேண்டும். 10 லட்சம் ரூபாய் மதிப்பிலான வாகனங்களுக்கு 8 சதவீத
வரியும்; 10 முதல், 20 லட்சம் ரூபாய் மதிப்பிலான வாகனங்களுக்கு,
10 சதவீத வரியும்; 20 லட்சம் ரூபாய்க்கு மேல் மதிப்பிலான வாகனங்களுக்கு
12 சதவீத வரியும் விதிக்கப்படும்.இவ்வாறு அதில் கூறப்பட்டுள்ளது.

தினமலர்

**T.N.Balasubramanian** · **T.N.Balasubramanian** Sun Aug 29, 2021 6:33 pm

அரசு அந்த கார்களை சில வருடங்களுக்கு பிறகு உபயோகமற்றது /இனிமேல் இதை பழுது
பார்ப்பதற்கு ஆகும் செலவிற்கு பதிலாக ஏலத்தில் பொது மக்களுக்கு விற்றுவிடுவர்.அவை முறையே
ஏலத்தில் விடும்போது புதிய எண்ணை உபயோகிக்க உத்தரவிடவேண்டும்..இல்லையெனில் சமூக விரோதிகள் இதை தங்களுக்கு பயன்படும் வகையில் தவறாக உபயோகிக்க தயங்கமாட்டார்கள்.

ஒரே காரை நாடு முழுதும் பயன்படுத்த ‛பி.எச்., சீரிஸ்' எண்: மத்திய அரசு அறிமுகம்

ஒரே காரை நாடு முழுதும் பயன்படுத்த ‛பி.எச்., சீரிஸ்' எண்: மத்திய அரசு அறிமுகம்

Re: ஒரே காரை நாடு முழுதும் பயன்படுத்த ‛பி.எச்., சீரிஸ்' எண்: மத்திய அரசு அறிமுகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக