பொது அறிவு தகவல்...

சிப்பாய்களைக் காக்கும் கார்பன் கவசம்

குண்டு துளைக்காத உடைக்கு பயன்படுத்தப்படும் 'கெவ்லார்' இழைகள், மனிதனால் உருவாக்கப்பட்டவை. இதற்கு போட்டியாக பல ஆண்டுகள் கழித்து ஒரு இழை வந்திருக்கிறது. அமெரிக்காவிலுள்ள 'மாசாசூசெட்ஸ்' தொழில்நுட்ப நிலைய ஆராய்ச்சியாளர்கள் உருவாக்கிய புதிய வகை இழை, நேனோ பொறியியல் முறையால் விளைந்தது.

மாசாசூசெட்ஸ் விஞ்ஞானிகள், ஒளியால் பாதிப்புக்குள்ளாகும் பாலிமர் பிசின்களை, லேசர் கதிர் மூலம் மிக நுண் இழைகளாக வடிவமைத்து, அந்த துணி போன்ற அமைப்பை, மிக உயர் வெப்பத்தில் வைத்தனர். இதனால், அந்த இழைகள் கார்பன் இழைகள் போல மாறி மிகவும் இலகுவாகவும், அதே சமயம் பல மடங்கு உறுதி வாய்ந்தவையாகவும் மாறின.

இந்த இழை துணியின் மீது துப்பாக்கி தோட்டாவை செலுத்தும்போது, அதிகம் சிதையாமல், தோட்டாவை தடுத்தன. இதன் பலம், கெவ்லார் மற்றும் எக்கு ஆகிய பொருட்களைவிட கூடுத லானது என, இதை உருவாக்கிய விஞ்ஞானிகள் தெரிவித்துள்ளனர். இந்த ஆய்வு, 'நேச்சர்மெட்டீரியல்ஸ்' இதழில் வெளியாகியுள்ளது.
-
பொது அறிவு உலகம்

சூழலைக் காக்கும் அட்டைப் பெட்டிகள்

ஆப்பிளின் வருகைக்கு பின், சற்று பின் தங்கினாலும், சோனி இன்றும் கருவிகள் உலகில் கெத்தான போட்டியாளர் தான். எனவே, ஜப்பானின் சோனி, ஆண்டுதோறும் பல லட்சம் கருவிகளை பெட்டிகளில் அடைத்து நுகர்வோரிடம் கொண்டு சேர்க்கிறது. பல்லாயிரம் டன் எடை கொண்ட ஸ்டைரோபோம், அட்டை மற்றும் காகித பெட்டிகள், சுற்றுச்சூழலுக்கு சேதம் விளைவிக்காதவையாக இருக்க வேண்டும் என்று சோனியின் தலைமை கருதுகிறது.

அதற்கென தனி பிரிவை அமைத்து, முழுதும் சுற்றுச்சூழலுக்கு ஏற்றதாகவும், மறுசுழற்சி செய்யப்பட்டதாகவும் இருக்கும்படி புதிய 'பேக்கேஜிங்' முறையை சோனியே உருவாக்கி இருக்கிறது. மறுசுழற்சி செய்த காகித கூழுடன், கரும்பு சக்கை மற்றும் மூங்கில் நார் போன்றவற்றை கலந்து சோனியின் ஆராய்ச்சியாளர்கள் புதுவிதமான பேக்கேஜிங் பெட்டிகளை உருவாக்கிஉள்ளனர்.

இந்த முறையில் உருவான வெளி அட்டைகள் மற்றும் கருவிகளை சுற்றிலும் அடிபடாமல் தடுக்கும் உள் அட்டைகள் மிகவும் இலகுவாக, அதே சமயம் வலுவாக இருப்பதாக சோனியின் அதிகாரிகள் தெரிவித்துள்ளனர். இப்படி ஒவ்வொரு பெரிய நுகர்பொருள் நிறுவனங்களும் சுற்றுச்சூழலை காக்க தொழில்நுட்பத்தை பயன்படுத்தினால், பூமி அழிவில் இருந்து பிழைத்து கொள்ளும்.

உலகின் மிக உயரமான மணற்கோட்டை

கொரோனா முடக்கம் என ஒரு மன அழுத்ததில் சிலர் இருந்தாலும் மறுபக்கம் மனதிற்கு மகிழ்ச்சியை தரும் ஆற்றல்களில் ஒருசிலர் ஈடுபட்டு வருகின்றனர்.

அவ்வாறான ஒன்று தான் டென்மார்க்கில் உள்ள மணற் கோட்டை.

உலகின் மிகவும் உயரமான இந்த மணற் கோட்டை டென்மார்க்கின் ப்ளொக்குஸ் நகரில் அமைக்கப்பட்டுள்ளது.

இதன் உயரம் 21 மீற்றர்களாகும்.

குளிர் ,வெப்பம் மற்றும் காற்றுக்கு ஈடுகொடுக்கும் வகையில் இதனை நிர்மாணிக்க பசையும் களிமண்ணும் தேவைக்கப்பட்டுள்ளது.இதற்காக 4860 தொன் மணலும் தேவைப்பட்டுள்ளது.

இது பார்வையாளர்களுக்காக திறக்கப்பட்டுள்ளதுடன் குளிர்கால பருவம் வரை இதனை பார்வையிட முடியும் என்றும் அறிவிக்கப்பட்டுள்ளது.

2019 ஆம் ஆண்டு ஜேர்மனில் நிர்மாணிக்கப்பட்ட மணற்கோபுரத்தையும் விட இது உயரமானது.

கொரோனா வைரஸ் தொற்று ஆரம்பித்ததிலிருந்து உலகெங்கிலும் அதன் தாக்கம் எவ்வாறிருந்தது என்பதை பிரதிபலிப்பதாக இந்த நிர்மாணம் இருக்க வேண்டும் என எண்ணியதாக வடிவமைப்பாளர் குறிப்பிட்டுள்ளார்.

அதேபோன்று இந்த கோட்டையின் உச்சியில் கிரீடம் அணிந்த ஒரு வைரஸ் போன்றும் வடிவமைத்துள்ளார்.

விலகியிருங்கள்இவெளியிடங்களுக்கு செல்லாதீர்கள்.வீட்டினுள் இருங்கள் என்பதையே இந்த வடிவமைப்பு கூறுவதாகவும் அவர் மேலும் தெரிவித்துள்ளார்.இதில் சிறிய வீடுகளும் மக்கள் நடமாடுவதை போன்றும் வடிவமைக்கப்பட்டுள்ளது.

சிறுவர்கள் முதல் பெரியோர் வரை அனைவரையும் இந்த நிர்மாணம் கவர்ந்துள்ளமை குறிப்பிடத்தக்கது.

புதிய சிலந்தி இனங்கள்

-

-
பொது அறிவு உலகம்

தர்மபுரியில் ஒரு லண்டன்

-

-

ஒற்றைக்கல் மந்து!

-