திரைத்துளிகள் - தொடர் பதிவு

பசுபதி: மனதுக்கு நெருக்கமான பாத்திரம்
-

-
வில்­ல­னாக மிரட்டி, குணச்­சித்­திர வேடங்­களில் கவ­னம் ஈர்த்து, தமிழ் சினிமா ரசி­கர்­க­ளுக்கு நன்கு அறி­மு­க­மாகி இருப்­ப­வர் பசு­பதி.

ஆனால் ‘சார்­பட்டா பரம்­பரை’ படத்­தில் ஏற்று நடித்த ரங்­கன் கதா­பாத்­தி­ரம் தனது திரை வாழ்க்­கை­யில் மிக முக்­கி­ய­மா­னது என்­றும் தன் மன­துக்கு நெருக்­க­மா­னது என்­றும் கூறி­யுள்­ளார்.

இந்­தப் படத்­தில் குத்­துச்­சண்டை பயிற்­சி­யா­ள­ராக முக்­கிய கதா­பாத்­தி­ரத்­தில் நடித்­துள்­ளார் பசு­பதி. அவ­ரு­டைய நடிப்பு மிக இயல்­பா­க­வும் கச்­சி­த­மா­க­வும் இருந்­த­தாக விமர்­ச­கர்­களும் ரசி­கர்­களும் வெகு­வா­கப் பாராட்டி உள்­ள­னர்.

இந்­நி­லை­யில், தாம் சமூக வலைத்­த­ளத்­தில் இயங்­க­வில்லை என்­ப­தைக் குறிப்­பிட்டு, அறிக்கை ஒன்றை வெளி­யிட்­டுள்ள பசு­பதி, தம்மை பாராட்­டிய அனை­வ­ருக்­கும் நன்றி தெரி­வித்­துள்­ளார்.

தமிழ் ரசி­கர்­கள் மட்­டு­மல்­லாது உல­கம் முழு­வ­தும் இருக்­கின்ற திரை ரசி­கர்­கள் கொண்­டா­டு­கிற பட­மாக ‘சார்­பட்டா பரம்­பரை’ வெற்­றி­பெற்­றுள்­ள­தாக அவர் குறிப்­பிட்­டுள்­ளார்.

“சென்­னை­யின் வாழ்­வி­ய­லை­யும் குத்­துச்­சண்­டை­யை­யும் கள­மா­கக் கொண்ட யதார்த்­த­மான படைப்­பைப் பார்த்து அனை­வ­ரும் வியந்து பாராட்­டு­கி­றார்­கள். தான் எடுத்­துக்­கொண்ட கதையை, சொல் நேர்த்தி, செயல் நேர்த்­தி­யு­டன் படைப்­ப­தில் வித்­த­கர் ரஞ்­சித். ரங்­கன் வாத்­தி­யா­ராக என்­னைச் செதுக்­கி­ய­தற்கு அவ­ருக்கு என் நன்­றி­கள் பல. என் திரை வாழ்க்­கை­யில் ரங்­கன் முக்­கி­ய­மா­ன­வன், நெருக்­க­மா­ன­வன்.

“நண்­பர் ஆர்­யா­வு­டன் நடித்­த­தில் என்­னி­டம் மேலும் பெருமை சேர்ந்­து­கொள்­கிறது. என்­னு­டன் நடித்த அனைத்­துக் கலை­ஞர்­க­ளுக்­கும் தொழில்­நுட்­பக் கலை­ஞர்­க­ளுக்­கும் என் நன்­றி­கள். 22 ஆண்­டு­கள் என்­னு­டைய திரைப் பய­ணத்­தில் என்­னு­டன் பய­ணம் செய்த அனை­வ­ருக்­கும் நன்றி,” என்று பசு­பதி கூறியுள்ளார்.

தமிழ்முரசு-sg

‘அந்தகன்’ படப்பிடிப்பு நிறைவு
-

-
பிர­சாந்த் நடிப்­பில் உரு­வாகி வரும் ‘அந்­த­கன்’ படத்­தின் படப்­பி­டிப்பு முடி­வுக்கு வந்­துள்­ளது. இது இந்­தி­யில் வெளி­யாகி பெரும் வெற்றி பெற்ற ‘அந்­தா­தூன்’ படத்­தின் மறு­பதிப்­பா­கும்.

பிர­சாந்­தும் சிம்­ர­னும் முதன்­மைக் கதா­பாத்­தி­ரங்­களில் நடித்­துள்­ள­னர். மேலும், பிரியா ஆனந்த், கே.எஸ்.ரவிக்­கு­மார் உள்­ளிட்­டோ­ரும் முக்­கிய கதா­பாத்­தி­ரங்­களை ஏற்­றுள்­ள­னர். பிர­சாந்­தின் தந்தை தியா­க­ரா­ஜன் இயக்­கு­கி­றார்.

இதில் கண்­பார்­வை­யற்ற இசைக்­ க­லை­ஞ­ராக சவாலான பாத்திரத்தில் நடித்­துள்­ளார் பிர­சாந்த்.

தமிழ்முரசு-sg

சோடா கம்பெனி நடத்தும் ஆனந்தி
-

-

-
மாலைமலர்

நடிகை ஷகீலா வாழ்க்கை படமாகிறது!
-

-
தினத்தந்தி

மாற்றுத்திறனாளியாக பிரபுதேவா
-

-
தினத்தந்தி

நடிகை மீரா மிதுன் மீது வழக்குப்பதிவு
-

-
மதுரை;
நடிகை மீரா மிதுன் டுவிட்டரில் ஒரு சமூகத்தினர் குறித்து
வெளியிட்ட வீடியோவால் சைபர் கிரைம் போலீசார்
7 பிரிவுகளில் வழக்குபதிவு செய்துள்ளனர்.

மீராமிதுன் தனது டுவிட்டரில் வெளியிட்டுள்ள வீடியோவில் ,
"திரைப்படத்துறையில் ஒரு சமூகத்தைச் சேர்ந்தவர்கள்
மலிவான விசயங்களை செய்கிறார்கள். அவர்களை
திரைப்படத்துறையில் இருந்து வெளியேற்ற வேண்டிய நேரம்
இது". இவ்வாறு அவர் பேசியிருந்தார்.

இந்த வீடியோ சமூக வலைதளத்தில் வேகமாக பரவியது.

இந்நிலையில், மதுரை மாநகர காவல் ஆணையர்
பிரேம் ஆனந்த் சின்ஹாவிடம் தமிழகத்தைச் சேர்ந்த சில
அமைப்புகள் புகார் அளித்தனர். இப்புகாரின் அடிப்படையில்
சைபர் கிரைம் போலீசார், வன்கொடுமை தடுப்புச்சட்டம்,
அவதூறாக பேசுவது உள்ளிட்ட சட்டப்பிரிவுகளில் மீரா மிதுன்
மீது 7 வழக்குகள் பதிவு செய்துள்ளனர்.

-தினமலர்

-
தினத்தந்தி

மக்கள் பிரச்சினைக்காக களத்தில் இறங்கும் 4 கதாநாயகிகள்
-

-
திரிஷா நடிப்பில் உருவாகியிருக்கும் ‘கர்ஜனை’ படத்தை
இயக்கியவர், சுந்தர்பாலு. இவர் அடுத்து இயக்கிய படத்துக்கு,
‘கன்னித்தீவு’ என்று பெயர் சூட்டியிருக்கிறார்.

இதில் வரலட்சுமி, ஐஸ்வர்யா தத்தா, ஆஷ்னாசவேரி, சுபிக்‌ஷா
ஆகிய 4 கதாநாயகிகள் நடித்துள்ளனர்.

படத்தை பற்றி டைரக்டர் சுந்தர்பாலு கூறிய தாவது:-

‘‘கன்னித்தீவு என்ற பெயர் பொதுமக்கள் மத்தியில், மிகவும்
பிரபலமானது. ‘கன்னித்தீவு’ என்றாலே துணிச்சல் என்பதால்,
படத்துக்கு இந்த பெயரை வைத்தோம். படத்தில் 4 கதாநாயகிகள்
இருப்பதால், பெயர் பொருத்தமாக இருக்கும் என்று நினைத்தேன்.

படத்தின் உச்சக்கட்ட காட்சியை ஒரு தீவில் படம்பிடித்து
இருக்கிறோம். வடசென்னையில் உள்ள ஒரு வீட்டு வசதி
குடியிருப்பில் வசிக்கும் 4 பெண்களை பற்றிய கதை, இது.

சின்ன வயதில் இருந்தே தோழிகளாக இருக்கும் அவர்கள் 4 பேரும்
சமூக அக்கறை உள்ளவர்கள். அந்தப் பகுதியில் நீண்டகாலமாக
இருந்து வரும் ஒரு பிரச்சினையை தீர்க்க போராட்டத்தில்
குதிக்கிறார்கள். அதில் வெற்றியும் பெறுகிறார்கள்.

அந்த வெற்றியே அவர்களுக்கு பெரும் பிரச்சினையாக மாறுகிறது.
அதை தோழிகள் 4 பேரும் எப்படி எதிர்கொள்கிறார்கள்? என்பதே
கதை. இந்தப் படத்தை கிருத்திகா புரொடக்‌ஷன் தயாரித்துள்ளது.’’

தினத்தந்தி

கேரளாவில் வசிக்கும் கன்னியாகுமரி கதாநாயகி!
-

-
நடிகர் திலீப்பை விட்டு பிரிந்த பின், மஞ்சுவாரியர் தனது
இரண்டாவது ரவுண்டை மலையாள பட உலகில் எதிர்பார்ப்புடன்
தொடங்கினார்.

அவர் நடித்த ‘ஹவ் ஓல்ட் ஆர் யூ’ படம் மிகப்பெரிய வெற்றியை
பெற்றது. அதைத்தொடர்ந்து நம்பிக்கையுடன் தனது நடிப்பை
தொடர்ந்தார்.

அவர் நடித்த படங்கள் அனைத்தும் வெற்றி பெற்றன.
இந்த வெற்றிகள், அவருக்கு ‘ராசியான கதாநாயகி’ என்ற
பெயரை பெற்றுக்கொடுத்தது. ‘அசுரன்’ (தமிழ்) படத்தில்
நடிக்கும் வாய்ப்பையும் வாங்கிக்கொடுத்தது.

‘‘அந்த படத்தின் அமோக வெற்றியை தொடர்ந்து நிறைய
தமிழ் பட வாய்ப்புகள் வந்தன. எல்லாமே ஒரே மாதிரியான
கிராமத்து கதைகளாக இருந்ததால், நடிக்க சம்மதிக்கவில்லை’’
என்று கூறும் மஞ்சுவாரியர் தன்னை கேரளாவில் வசிக்கும்
தமிழ் பெண் என்கிறார்.
அவருடைய சொந்த ஊர், கன்னியாகுமரியாம்!

தினத்தந்தி

உடல்நிலை வதந்தி: நடிகை சாரதா விளக்கம்
-

-
தமிழ், தெலுங்கு திரையுலகில் 1960 முதல் 1990 வரை
முன்னணி நடிகையாக வலம் வந்தவர் சாரதா.

இவர் எம்.ஜி.ஆர்., சிவாஜி கணேசனுடன் இணைந்து பல
படங்களில் நடித்துள்ளார்.

குங்குமம், வாழ்க்கை, ஞான ஒளி, துலாபாரம்,
என்னைப்போல் ஒருவன், நினைத்ததை முடிப்பவன்
போன்றவை சாரதா நடிப்பில் வந்த முக்கிய படங்கள்.
மிஸ்டர் பாரத் படத்தில் ரஜினிகாந்தின் அம்மாவாக
நடித்தார்.

சாரதாவுக்கு தற்போது 76 வயது ஆகிறது. இந்த நிலையில்
சாரதா உடல்நிலை குறித்து சமூக வலைத்தளத்தில் திடீர்
வதந்தி பரவியது. இதனால் அதிர்ச்சியான பலரும் சாரதாவின்
மொபைல் நம்பருக்கு போன் செய்து விசாரிக்க ஆரம்பித்தனர்.
இதற்கு சாரதா விளக்கம் அளித்துள்ளார்.

அவர் கூறும்போது, “நான் உயிருடன் நலமாக இருக்கிறேன்.
எனக்கு எந்த நோயும் இல்லை. எனவே வதந்திகளை யாரும்
நம்ப வேண்டாம். வதந்தி பரப்ப இதுபோன்ற கீழ்த்தரமான
செயலில் ஈடுபட வேண்டாம்” என்று கூறியுள்ளார்.

தினத்தந்தி

உடல் தோற்ற கேலிக்கு இளம் நடிகை எதிர்ப்பு
-

-
அர்ஜுன் ரெட்டி தெலுங்கு படத்தில் விஜய்தேவரகொண்டா
ஜோடியாக அறிமுகமாகி முன்னணி கதாநாயகியாக உயர்ந்த
இளம் நடிகை ஷாலினி பாண்டே தமிழில் ஜி.வி.பிரகாசுடன்
100 சதவீத காதல், ஜீவாவுடன் கொரில்லா ஆகிய படங்களில்
நடித்துள்ளார். தற்போது 2 இந்தி படங்களில் நடித்து வருகிறார்.

ஷாலினி பாண்டே அளித்துள்ள பேட்டியில், “அர்ஜுன் ரெட்டி
படத்தில் நான் குண்டாக நடித்து இருந்தேன். உடல் பருமன்
காரணமாக எனக்கு அடுத்தடுத்த படங்கள் வரவில்லை என்று
விமர்சனங்கள் வந்தன.

குண்டாக இருக்கிறார், வயிறு சரியில்ல. கால் ஒரு மாதிரி
இருக்கிறது என்றெல்லாம் சினிமாவில் நடிக்கும் கதாநாயகிகளை
அதிகமாக கேலி செய்கிறார்கள். இதை கேட்டு நிறைய நடிகைகள்
வருந்துகின்றனர்.

ஆனால் நான் வருத்தப்படுவது இல்லை. நடிகைகளை இப்படி உருவ
கேலி செய்வது சரியல்ல. உடல் வாகு எப்படி இருக்கிறதோ அதை
அப்படியே ஏற்றுக்கொள்ள வேண்டும். என்னை பொறுத்தவரை
கதைக்கு தேவை என்றால் உடம்பை கூட்டவும், குறைக்கவும்
செய்வேன்.

இப்போதுகூட இந்தி படத்தில் டான்சராக நடிக்க உடம்பை குறைத்து
இருக்கிறேன். மற்றவர்கள் என்னை கேலி செய்ததற்காக உடம்பை
குறைக்கவில்லை’’ என்றார்.

தினத்தந்தி