கடினம்

முனைவர் ப. குணசுந்தரி · 07/02/2021

அவளின்
அந்தரங்கத்தைத்
திறந்து காட்டியபோது
என்னால் பதுங்கவே முடிந்தது.

அவர்களின் குழைவான பேச்சில்
வழிகிற எண்ணங்களில்
பயந்து போயிருக்கிறேன்.

அசட்டுத் துணிச்சல்களில்
இரக்கம் சலனப்படாமல்
சிராய்த்துச் செல்கின்றது.

எண்ணம் ஒருமுகப்படுவதில்
தூங்கிப்போறத கவனிச்சிருக்கேன்
அறியாமல் நிகழ்கிற
மாற்றங்களுக்கான
முடிச்சுகளைத் தேடறேன்.

உயிர்நாடிவரை
ஊறும் வெறுப்பை
சுருங்கி விரித்து
காட்டுகிறது விலா.

அடுத்தவர் பார்வைக்கு
ஏற்ற இரக்கம் காட்டும்
நுரையீரலை
அழுத்திப் பிடிக்கிறது வெறுமை.

கால்அகட்டி
பெருவிரலைப் பிடிக்க
மெல்ல அழுந்தும்
அடிவயிற்றிலிருந்து’
சுரீரென கிளம்புகிறது வெம்மை.

மூக்கிற்குக் கீழ்
துளிர்க்கும் வியர்வையை
பாதத்தின் எரிவு
வெகுவாய் அதிகரிக்கிறது

கடினம் உண்மையைக் கண்டறிவது

முனைவர் ப. குணசுந்தரி தர்மலிங்கம்

**சிவா** · **சிவா** Thu Jul 29, 2021 10:07 pm

கடினம் உண்மையைக் கண்டறிவது மட்டுமல்ல, உங்கள் கவிதையின் பொருள் அறிவது கூடத்தான்...!

கடினம்

கடினம்

Re: கடினம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக