டோக்கியோ ஒலிம்பிக் 2020

**சிவா** · **சிவா** Wed Jul 21, 2021 12:36 am

First topic message reminder :

டோக்கியோ ஒலிம்பிக் 2020 - Page 9 A00359426932fa5f820d426b519ec29e

ஒலிம்பிக் போட்டிகளில் இந்தியா சாதித்தது என்ன?

120 கோடிக்கும் அதிகமான மக்கள் தொகையைக் கொண்ட இந்தியா, ஒலிம்பிக்ஸ் போட்டிகளில்
இருக்கும் இடம் தெரியாது. பதக்கப் பட்டியலில் கடைசி வரிசையில்தான் இடம்பிடிக்கும். திறமைக்குப்
பஞ்சமில்லை என்றாலும் ஏனோ இந்திய வீரர்களுக்கு எப்போதும் ஒலிம்பிக் பதக்கம் என்பது
எட்டாக்கனிதான். இதையும் தாண்டி, ஒலிம்பிக்ஸில் இந்திய வீரர்கள் அங்கொன்றும்
இங்கொன்றுமாக முத்திரை பதித்திருக்கிறார்கள்.

இந்தியாவின் முதல் ஒலிம்பிக்ஸ் பதக்கமே சர்ச்சைக்குரியது. இந்தியா, 1900 பாரிஸ் ஒலிம்பிஸில்,
நார்மன் பிச்சர்ட் என்கிற ஆங்கிலே ய வீரரை அனுப்பியது. அவரும் அத்லெடிக்கில் இரண்டு
வெள்ளிப் பதக்கங்களைப் பெற்றார். ஆனால், நார்மன் இங்கிலாந்து சார்பாக கலந்துகொண்டதாக
ஒரு சர்ச்சை பின்னால் கிளம்பியது. 1908க்குப் பிறகுதான் விளையாட்டு வீரர்கள், ஒரு நாட்டின்
சார்பாக ஒலிம்பிக்ஸூக்கு அனுப்பப்பட்டார்கள். அதற்கு முன்புவரை, வீரர்கள் தங்கள் விருப்பத்துடன்
கலந்துகொண்டதால், நார்மனின் சாதனைக்கு இங்கிலாந்தும் உரிமை கோருகிறது. ஆனால்,
ஒலிம்பிக் ஆவணங்களில், நார்மன் இந்தியராகவே குறிப்பிடப்பட்டுள்ளார். அதன்பிறகு 1920
பெல்ஜியம் ஒலிம்பிக்ஸில்தான், ஒரு குழுவை அனுப்பியது இந்தியா. 5 இந்திய வீரர்கள்
கலந்துகொண்ட அந்த ஒலிம்பிக்ஸில் இந்தியா ஒரு பதக்கமும் பெறவில்லை.
1928 ஆம்ஸ்டர்டம் ஒலிம்பிக்ஸில், இந்திய ஹாக்கி அணி தம் முதல் தங்கப் பதக்கத்தை வென்றது.
அதற்குப் பிறகு, அடுத்த ஆறு ஒலிம்பிக்ஸிலும் இந்திய ஹாக்கி அணி தங்கத்தை மட்டுமே வென்றது.
அதற்குப் பிறகு, இரண்டு ஒலிம்பி க்ஸ்களில் தங்கம் வென்று, எட்டு முறை முதலிடம் பிடித்தது.

கடைசியாக 1980 மாஸ்கோ ஒலிம்பிக்ஸில் இந்திய ஹாக்கி அணி தங்கம் வென்றது. அதற்குப் பிறகு
28 வருடங்கள் கழித்து, முதல்முறையாக தனி நபராக இந்தியாவுக்குத் தங்கம் வாங்கித் தந்தார்
அபினவ் பிந்திரா.

1980க்கு முன்னால், ஹாக்கி அணி பெற்றுக்கொடுத்த பதக்கங்களைத் தவிர இந்தியாவுக்கு 1952
ஒலிம்பிக்ஸில் மல்யுத்தத்தில் கே.டி. ஜாதவ் ஒரு வெண்கலப் பதக்கத்தைப் பெற்றுத் தந்தார்.
ஒலிம்பிக்ஸில், முதல் பதக்கம் பெற்ற இந்தியர் என்கிற பெருமையை அடைந்தார். 1980க்குப் பிறகு
அடுத்த மூன்று ஒலிம்பிக்ஸ்களில் இந்தியா ஒரு பதக்கமும் பெறவில்லை. இந்திய ஹாக்கி
அணியின் தரமும் இந்தக் காலகட்டத்தில் குறைந்து, மற்ற அணிகளோடு போட்டி போடமுடியாத நிலை
ஏற்பட்டது.

1996, 2000 ஒலிம்பிக்களில் லியாண்டர் பெயஸ், கர்ணம் மல்லேஸ்வரி ஆகியோர் வெண்கலப்
பதக்கங்களையும் 2004ல் ரதோர் வெள்ளிப் பதக்கத்தையும் பெற்றார்கள். 2008 பீஜிங்
ஒலிம்பிக்ஸில்தான் இந்திய அணி அதிக பதக்கங்களைப் பெற்றது. ஒரு தங்கமும் இரண்டு
வெண்கலப் பதக்கங்களும் கிடைத்தன. இந்திய அணி வேறு எந்த ஒலிம்பிக்ஸிலும் 3
பதக்கங்களைப் பெற்றது கிடையாது என்பதால் நாடே அதைக் கொண்டாடியது. அதிலும் ஆடவர் 10 மீ. ஏர் ரைபிள் பிரிவில் அபினவ் பிந்த்ரா தங்கம் வென்று சாதனை படைத்தார். ஒலிம்பிக் போட்டியில்
தனிநபர் போட்டியில் தங்கம் வென்ற முதல் இந்தியர் என்கிற பெருமையைப் பெற்றார்.
குத்துச்சண்டைப் போட்டியில் இந்தியாவுக்கு முதல் பதக்கத்தைப் (வெண்கலம்) பெற்றுத் தந்தார்
விஜேந்தர் சிங்.

2012 லண்டன் ஒலிம்பிக்ஸ் மேலும் அமர்க்களமாக அமைந்தது. மல்யுத்த வீரர் சுஷில் குமார்
வெள்ளிப் பதக்கம் வென்றார். துப்பாக்கிச் சுடுதலில் விஜய் குமாருக்கு வெள்ளி கிடைத்தது.
ஒலிம்பிக்ஸில் பாட்மிண்டன் போட்டியில் பதக்கம் (வெண்கலம்) வென்ற முதல் இந்திய வீராங்கனை
என்கிற பெருமையைப் பெற்றார் சானியா நெவால். இதனால் இந்தியாவில் ஒரு பாட்மிண்டன் அலையை உண்டாக்கினார். அதேபோல குத்துச்சண்டையிலும் வெண்கலம் வென்று
சாதனை படைத்தார் மேரி கோம். துப்பாக்கிச் சுடுதலில் ககன் நரங்கும் மல்யுத்தத்தில் யோகேஸ்வர்
தத்தும் வெண்கலப் பதக்கங்களை வென்றார்கள். லண்டன் ஒலிம்பிக்ஸில் இந்தியாவுக்கு 2 வெள்ளி
4 வெண்கலப் பதக்கங்கள் என மொ த்தமாக 6 பதக்கங்கள் கிடைத்தன. அதற்கு முன்பு இந்தியா
இத்தனை பதக்கங்களைப் பெற்றதில்லை.

ஆனால் 2016 ரியோ ஒலிம்பிக் போட்டியில் இந்தியாவின் பதக்க எண்ணிக்கை 2-ஆக சுருங்கியது.
மல்யுத்தத்தில் சாக்ஷி மாலிக் வெண்கலம் வென்றார். பாட்மிண்டனில் பி.வி. சிந்து வெள்ளிப்
பதக்கம் வென்று இந்திய ரசிகர்களைக் குஷிப்படுத்தினார்.

டோக்கியோவில் இந்தியாவுக்கு எப்படியும் 10 பதக்கங்கள் கிடைக்கும் என எதிர்பார்க்கப்படுகிறது.
பி.வி. சிந்து (பாட்மிண்டன்), செளரப் செளத்ரி, மானு பாக்கர், திவ்யான்ஸ் பன்வார், இளவேனில்,
யாஷாஸ்வினி தேஸ்வால், அபிஷேக் வர்மா, (துப்பாக்கிச் சுடுதல்), நீரஜ் சோப்ரா (ஈட்டி எறிதல்),
மீராபாய் சானு (எடை தூக்குதல்), ரவி தாஹியா, பஜ்ரங் பூனியா, வினேஷ் போகத் (மல்யுத்தம்), அமித்
பங்கால் (குத்துச்சண்டை) போன்ற வீரர்கள் பதக்கங்களை வெல்வார்கள் என்கிற நம்பிக்கையை
ஏற்படுத்தியுள்ளார்கள். இந்திய ரசிகர்களின் நம்பிக்கை பலிக்கட்டும்.

**ayyasamy ram** · **ayyasamy ram** Fri Aug 13, 2021 12:34 pm

``ஒலிம்பிக் ரேவதி இளைய சமுதாயத்துக்கு நம்பிக்கையை
விதைத்திருக்கிறார்’’ - நிதியமைச்சர் பேச்சு
-
டோக்கியோ ஒலிம்பிக் 2020 - Page 9 Vikatan%2F2021-08%2F1dee4311-075d-4be6-94f0-70acb1e176d7%2FIMG_20210812_WA0262.jpg?rect=0%2C30%2C1128%2C635&auto=format%2Ccompress&format=webp&w=700&dpr=0

டோக்கியோ ஒலிம்பிக் 2020 - Page 9 Vikatan%2F2021-08%2F1dee4311-075d-4be6-94f0-70acb1e176d7%2FIMG_20210812_WA0262.jpg?rect=0%2C30%2C1128%2C635&auto=format%2Ccompress&format=webp&w=700&dpr=0

-
ரேவதி, தனக்கான புதிய பாதையை வகுத்துக்கொண்டவர்.
மிகச் சாதாரண பின்புலத்தில் பிறந்து, தற்போது அவர்
அடைந்திருக்கும் உச்சம் என்பது ஒப்பீட்டளவில் உயர்ந்த
இடத்தில் தோன்றி அதைவிட உயர்வான இடத்தை
அடைவதைக் காட்டிலும் மிகக் கடினமானது.

டோக்கியோ ஒலிம்பிக் போட்டியில் பங்கேற்று தமிழகத்துக்கு
குறிப்பாக, மதுரைக்குப் பெருமை சேர்த்த தடகள வீராங்கனை
ரேவதி வீரமணிக்கு அவர் கல்வி பயின்ற டோக் பெருமாட்டி
கல்லூரியில் நடைபெற்ற பாராட்டுவிழாவில் அமைச்சர்கள்
பி.மூர்த்தி, பி.டி.ஆர்.பழனிவேல் தியாகாரஜன் ஆகியோர்
கலந்து கொண்டார்கள்.

நிதியமைச்சர் பழனிவேல் தியாகராஜன் பேசும்போது,
``ஒலிம்பிக் போட்டி என்பது உலக அளவில் விளையாட்டுத்
துறையின் உச்சத்தைக் குறிக்கிறது. அதனடிப்படையில் ஒருவர்
அந்தப் போட்டியில் கலந்துகொள்ளத் தகுதி பெறுவது என்பதே
அவரைப் பலருக்கு முன்னுதாரணம் ஆக்குகிறது.

எனவே, ரேவதி தன் மிகப்பெரிய பங்களிப்பின் மூலமாக,
தமிழ்நாட்டிலுள்ள பல பெண்களுக்கு, இளைஞர்களுக்கு அவர்
நம்பிக்கையை விதைத்திருக்கிறார். தவிர ரேவதியிடம் சில
தனித்துவங்கள் உள்ளன. பெரும்பாலும் வாழ்வு ஒருவருக்கு
எங்கிருந்து தொடங்குகிறது என்பது அவரது எல்லையை
நிர்ணயிக்கிறது.

எனவே, என்னைப் போன்ற நல்ல கல்வி, பொருளாதாரச் சூழல்,
முன்னோர்களின் பின்புலமுள்ள வெகு சிலருக்கு நான் இன்று
இருக்கும் நிலையை அடைவது என்பது பெரிய விஷயம் இல்லை.

ஆனால் ரேவதி தனக்கான புதிய பாதையை வகுத்துக்கொண்டவர்,
மிகச் சாதாரண பின்புலத்தில் பிறந்து தற்போது அவர்
அடைந்திருக்கும் உச்சம் என்பது ஒப்பீட்டளவில் உயர்ந்த இடத்தில்
தோன்றி அதைவிட உயர்வான இடத்தை அடைவதைக் காட்டிலும்
மிகக் கடினமானது.
அதற்காக நான் அவரை வாழ்த்துகிறேன். அவரை இந்தநிலைக்கு
உயர்த்தப் பாடுபட்ட அவருடைய பயிற்சியாளர், அவருடைய
குடும்பத்தினர், நண்பர்கள் என அனைவரும் பாராட்டுக்குரியவர்கள்.

நம்மைப்போல மிகப்பெரிய மக்கள்தொகை உள்ள நாட்டில் மிகச்
சிலரே இதுபோல விளையாட்டுத்துறையைத் தேர்வு செய்வது என்பது
நமது சமூகத்தின் சரியான பிரதிபலிப்பு இல்லை.

ஆனால் நல்வாய்ப்பாக, தமிழகத்திலிருந்து ஒலிம்பிக்கில்
பங்கேற்பாளர்களின் எண்ணிக்கை அதிகரித்துவருகிறது.
-
டோக்கியோ ஒலிம்பிக் 2020 - Page 9 Vikatan%2F2021-08%2Fd64778bc-18bc-4e65-a1a6-42794bbf2a39%2FIMG_20210812_WA0257.jpg?auto=format%2Ccompress&format=webp&w=700&dpr=0

டோக்கியோ ஒலிம்பிக் 2020 - Page 9 Vikatan%2F2021-08%2Fd64778bc-18bc-4e65-a1a6-42794bbf2a39%2FIMG_20210812_WA0257.jpg?auto=format%2Ccompress&format=webp&w=700&dpr=0

-
வீராங்கனை ரேவதி மற்றவர்களுக்கும் முன்னுதாரணமாகத் திகழ்வார்
என நம்புகிறோம். நமது முதல்வர் முந்தைய அரசாங்கங்களைவிட
ஒலிம்பிக்கில் பங்கேற்ற வீரர்களுக்கு அதிகமான நிதி உதவி, பரிசுகள்,
அரசு வேலைவாய்ப்புகளை வழங்கியிருக்கிறார்.

தொடர்ந்து நமது இளைஞர்கள் தங்களின் திறமையை வளர்த்துக்
கொள்வதற்கான அனைத்து வாய்ப்புகளும் கிடைக்கும் அளவுக்கு நாம்
பணியாற்ற வேண்டும்" என்றார்.
-
-விகடன்

**சிவா** · **சிவா** Sat Aug 14, 2021 2:33 am

ஒலிம்பிக்கில் வெண்கலம் வென்ற லவ்லினாவை அசாம் மாநில முதல்வர் நேரில் சென்று வரவேற்றுள்ளார்.

டோக்கியோவில் நடந்து முடிந்த ஒலிம்பிக் போட்டிகளில் இந்தியா 1 தங்கம் உள்ளிட்ட 7 விருதுகளை பெற்றுள்ளது. இந்த போட்டிகளில் குத்துச்சண்டை பிரிவில் போட்டியிட்ட அசாம் மாநிலத்தை சேர்ந்த லவ்லினா வெண்கல பதக்கத்தை வென்றார்.

இந்நிலையில் டோக்கியோவிலிருந்து அவர் இந்தியா திரும்பிய நிலையில், அசாம் மாநில விமான நிலையத்தில் அவருக்கு பலத்த வரவேற்பு அளிக்கப்பட்டது. இதற்காக நேரடியாக விமான நிலையம் சென்ற அசாம் மாநில முதல்வர் ஹிமந்தா பி சர்மா அவரை வரவேற்றுள்ளார். இந்த புகைப்படம் சமூக வலைதளங்களில் வைரலாகியுள்ளது.

**Dr.S.Soundarapandian** · **Dr.S.Soundarapandian** Sun Aug 15, 2021 11:23 am

இந்திய மக்களை உதாசீனப்படுத்தும் அரசாங்கங்கள் , விளையாட்டு வீரர்களைப் புறக்கணிப்பதில் வியப்பில்லை! ஆட்சியில் அமர்வதையே இலட்சியமாகக் கொள்ளும் நம் ‘பெருமக்கள்’ , கொஞ்சம் மக்களையும் , அதில் ஒரு பிரிவான விளையாட்டு வீரர்களையும் கவனத்தில் கொள்ளவேண்டும்!
எந்த விதத்திலும் உலக விளையாட்டு வீரர்களுக்குச் சளைத்தவர்கல் அல்ல நம் தமிழக வீரர்கள் உள்ளிட்ட இந்திய வீரர்கள்! தமிழகத்தில் உள்ள அனுபவமிக்க விளையாட்டு வீரர்கள், ‘ அரசாங்க ஆதரவு இல்லாததாலும், விளையாட்டுத்துறையில் பாலிடிக்ஸ் இருப்பதுமே நாம் ஒலிம்பிக்கில் சோபிக்காததன் காரணம்’ என்று அடிக்கடி சொல்வதை யாரு காதில் வாங்குவதே இல்லை!

**T.N.Balasubramanian** · **T.N.Balasubramanian** Sun Aug 15, 2021 5:02 pm

Dr.S.Soundarapandian wrote:இந்திய மக்களை உதாசீனப்படுத்தும் அரசாங்கங்கள் , விளையாட்டு வீரர்களைப் புறக்கணிப்பதில் வியப்பில்லை! ஆட்சியில் அமர்வதையே இலட்சியமாகக் கொள்ளும் நம் ‘பெருமக்கள்’ , கொஞ்சம் மக்களையும் , அதில் ஒரு பிரிவான விளையாட்டு வீரர்களையும் கவனத்தில் கொள்ளவேண்டும்!
எந்த விதத்திலும் உலக விளையாட்டு வீரர்களுக்குச் சளைத்தவர்கல் அல்ல நம் தமிழக வீரர்கள் உள்ளிட்ட இந்திய வீரர்கள்! தமிழகத்தில் உள்ள அனுபவமிக்க விளையாட்டு வீரர்கள், ‘ அரசாங்க ஆதரவு இல்லாததாலும், விளையாட்டுத்துறையில் பாலிடிக்ஸ் இருப்பதுமே நாம் ஒலிம்பிக்கில் சோபிக்காததன் காரணம்’ என்று அடிக்கடி சொல்வதை யாரு காதில் வாங்குவதே இல்லை!

மேற்கோள் செய்த பதிவு: 1349984

உங்களுடைய மேற்கண்ட பதிவு மேலும் 5 முறை !!.26 மணிக்கு பதிவாகி இருப்பதால்
அவைகள் நீக்கப்படுகின்றன.

அய்யா, முனைவர் நீங்கள். ஒரு முறை சொன்னாலே 10 முறை சொன்னதின் அழுத்தம் இருக்கும்
(நகைச்சுவைக்காக மட்டுமே புன்னகை

)

@Dr.S.Soundarapandian

Sponsored content · Sponsored content

டோக்கியோ ஒலிம்பிக் 2020

டோக்கியோ ஒலிம்பிக் 2020

Re: டோக்கியோ ஒலிம்பிக் 2020

Re: டோக்கியோ ஒலிம்பிக் 2020

Re: டோக்கியோ ஒலிம்பிக் 2020

Re: டோக்கியோ ஒலிம்பிக் 2020

Re: டோக்கியோ ஒலிம்பிக் 2020

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக