பறக்கும் பட்டம் !

பறக்கும் பட்டம் !

ஒருநாள் மாலை தந்தை மகனை மொட்டை மாடிக்கு அழைத்துச் சென்று பட்டம் விட்டுக் கொண்டிருந்தார். மகனும் பட்டம் உயரப் பறப்பதைப் பார்த்து உற்சாகமாகக் கூச்சலிட்டான். பட்டம் பறப்பதை கவனித்தவன் அது ஒரு நிலைக்கு மேல் பறக்கவில்லை என்றுணர்ந்தான்... தந்தையைப் பார்த்து "அப்பா இந்தப் பட்டத்தின் கயிற்றை அறுத்து விடுங்களேன், கயிறுதானே பட்டத்தை மேலும் பறக்கவிடாமல் தடுக்கிறது" என்றான். மகனைக் கண்டு புன்னகைய்தார் தந்தை. கயிற்றையும் அறுததுவிட்டார். விரு விருவென மேலே பறந்த பட்டம், சிறிது நேரத்தில் வேகம் குறைந்து காணாமல் போனது... இதைக் கண்டு மிகவும் வருத்தத்துடன் இருந்தான் மகன். மகனை அன்பாக அழைத்த தந்தை அவனிடன் ஆறுதலாக பேசலானார் "கண்ணா பட்டம் பறப்பதை கயிறு கட்டுப்படுத்துகிறது என்பது உண்மையே, ஆயினும் அந்தப் பட்டத்தை ஒரு உயரம் வரை கொண்டு சென்றதும் அந்தக் கயிறுதான். அது போல் தான் நம் வாழ்க்கையும். நாம் பட்டம் என்றால் நமது கலாச்சாரம், பண்பாடு, குடும்பம், பெற்றோர் மற்றும் உறவினர்கள் முதலானவை அந்தக் கயிறு போல. நாம் ஓர் உயரத்திற்கு மேல் செல்லும் போது இவை அனைத்தும் நம்மை மேலும் பறக்க விடாத கயிறாக இருக்கின்றன என்கிற எண்ணம் தோன்றலாம். இவைகளின் தொடர்பை அறுத்துக் கொண்டால் உயர்ந்து கொண்டே இருக்கலாம் என்ற எண்ணத்துடன் அவைகளை விட்டு விலகினால், சிறிது காலம் உயர்வது போல் தெரியும். ஆனால் அந்தப் பட்டம் போல் நாமும் வேகமாக காணாமல் காற்றில் கரைந்து விடுவோம்" என்று சொல்லி அந்த மகனை பண்படுத்தினார் தந்தை.

படித்ததில் பிடித்தது