விளையாட்டு செய்திகள்

**ayyasamy ram** · **ayyasamy ram** Fri Jan 01, 2021 3:46 pm

-
* கடுமையாகப் பயிற்சி செய்து வருகிறேன்.
டோக்கியோ ஒலிம்பிக் போட்டியில் நிச்சயமாகப் பதக்கம்
வெல்வேன் என்ற நம்பிக்கை உள்ளது’
என்று இந்திய பேட்மின்டன் நட்சத்திரம் பி.வி.சிந்து
கூறியுள்ளார்.

* இங்கிலாந்து கிரிக்கெட் வாரியம் தங்களை நிறவெறியுடன்
நடத்தியதாக முன்னாள் நடுவர்கள் ஜான் ஹோல்டர்,
இஸ்மாயில் தாவூத் இருவரும் வழக்கு தொடர்ந்துள்ளது
பரபரப்பை ஏற்படுத்தி உள்ளது.

* ஆஸ்திரேலியா இந்தியா மகளிர் அணிகளிடையே இம்மாதம்
நடைபெற இருந்த 3 போட்டிகள் கொண்ட ஒருநாள் போட்டித்
தொடர் கொரோனா வைரஸ் தொற்று அச்சுறுத்தல் காரணமாக
ஒத்திவைக்கப்பட்டுள்ளது.

* மெல்போர்னில் நடந்த 2வது டெஸ்ட் போட்டியின்போது காயம்
அடைந்த வேகப் பந்துவீச்சாளர் உமேஷ் யாதவ், எஞ்சியுள்ள
2 டெஸ்டிலும் இருந்து விலகியுள்ளார்.

* பாகிஸ்தான் அணிக்கு எதிரான 2வது டெஸ்டில் நியூசி.
வேகம் நீல் வேக்னர் காயம் காரணமாக விளையாட மாட்டார்
என நியூசி. கிரிக்கெட் வாரியம் அறிவித்துள்ளது.
-
தினகரன்

**சிவா** · **சிவா** Sat Jul 17, 2021 11:23 am

உலக கோப்பை செஸ் தொடரின் 3வது சுற்றுக்கு தமிழகத்தின் பிரக்ஞானந்தா முன்னேறினார்.

ரஷ்யாவின் சோச்சி நகரில், 9வது உலக கோப்பை செஸ் தொடர் நடக்கிறது. இதில் 206 பேர் பங்கேற்கின்றனர். இதன் முதல் சுற்றில் பிலிப்பைன்சின் பாலோ பெர்சமினாவை வீழ்த்திய இந்திய கிராண்ட் மாஸ்டர் தமிழகத்தின் பிரக்ஞானந்தா, 2வது சுற்றில் ஆர்மேனியாவின் கேப்ரியல் சர்கிசியனை சந்தித்தார்.

இதன் முதல் போட்டியில் கறுப்பு நிற காய்களுடன் விளையாடிய பிரக்ஞானந்தா, 42வது நகர்த்தலின் போது வெற்றி பெற்றார். தொடர்ந்து அசத்திய இவர், 2வது போட்டியில் வெள்ளை நிற காய்களுடன் களமிறங்கினார். இதில், 41வது நகர்த்தலில் வெற்றி பெற்ற பிரக்ஞானந்தா, 3வது சுற்றுக்குள் நுழைந்தார். இதில் போலந்தின் மைக்கேல் கிராசென்கோவை எதிர்கொள்கிறார்.

**சிவா** · **சிவா** Sat Jul 17, 2021 11:25 am

துபாய்: ‘டுவென்டி–20’ உலக கோப்பையில் இந்தியா, பாகிஸ்தான் அணிகள் ஒரே பிரிவில் இடம் பிடித்துள்ளன.

இந்தியாவில், 7வது ஐ.சி.சி., ‘டுவென்டி–20’ உலக கோப்பை கிரிக்கெட் தொடர் நடக்க இருந்தது. ஆனால் கொரோனா பரவல் காரணமாக ஐக்கிய அரபு எமிரேட்ஸ் (யு.ஏ.இ.,), ஓமனில் (அக். 17 – நவ. 14) நடக்கவுள்ளது. மொத்தம் 16 அணிகள் பங்கேற்கின்றன. இவை, ‘ரவுண்டு–1’, ‘சூப்பர்–12’ என, இரண்டு சுற்றுகளாக விளையாடுகின்றன.

‘சூப்பர்–12’ சுற்றுக்கு தரவரிசை (2021, மார்ச் 20) அடிப்படையில் இந்தியா, விண்டீஸ், நியூசிலாந்து, ஆஸ்திரேலியா, பாகிஸ்தான், தென் ஆப்ரிக்கா, ஆப்கானிஸ்தான், இங்கிலாந்து என, 8 அணிகள் நேரடியாக தகுதி பெற்றன. மீதமுள்ள 4 இடத்துக்கு ‘ரவுண்டு–1’ சுற்று நடத்தப்படுகிறது. இதில் இலங்கை, வங்கதேசம் உள்ளிட்ட 8 அணிகள் இரு பிரிவுகளாக பிரிக்கப்பட்டுள்ளன. ‘குரூப்–ஏ’ பிரிவில் அயர்லாந்து, நெதர்லாந்து, நமீபியா, இலங்கை, ‘குரூப்–பி’ பிரிவில் ஆப்கானிஸ்தான், ஓமன், ஸ்காட்லாந்து, பப்புவா நியூ கினியா அணிகள் இடம் பெற்றுள்ளன. ஒவ்வொரு பிரிவிலும் முதலிரண்டு இடங்களை பிடிக்கும் அணிகள் ‘சூப்பர்–12’ சுற்றுக்கு முன்னேறும்.

இந்தியா–பாக்., மோதல்: ‘சூப்பர்–12’ சுற்றில் மொத்தமுள்ள 12 அணிகள் ‘குரூப்–1’, ‘குரூப்–2’ என இரு பிரிவுகளாக விளையாடுகின்றன. ஒவ்வொரு பிரிவிலும் தலா 6 அணிகள் இடம் பெற்றுள்ளன. ‘குரூப்–2’ பிரிவில் இந்தியா, பாகிஸ்தான், நியூசிலாந்து, ஆப்கானிஸ்தான் அணிகளுடன் ‘ரவுண்டு–1’ சுற்றுக்கான ‘குரூப்–பி’ முதலிடம், ‘குரூப்–ஏ’ 2வது இடம் பிடிக்கும் அணிகள் உள்ளன. ‘குரூப்–1’ பிரிவில் ‘நடப்பு சாம்பியன்’ விண்டீஸ், ஆஸ்திரேலியா, இங்கிலாந்து, தென் ஆப்ரிக்கா அணிகளுடன் ‘ரவுண்டு–1’ சுற்றுக்கான ‘குரூப்–ஏ’ முதலிடம், ‘குரூப்–பி’ 2வது இடம் பிடிக்கும் அணிகள் உள்ளன.

ஐந்து முறை

‘டுவென்டி–20’ உலக கோப்பை அரங்கில் இந்தியா, பாகிஸ்தான் அணிகள் 5 முறை மோதியுள்ளன. இதில் 4 முறை (2007, 2012, 2014, 2016) இந்திய அணி வெற்றி பெற்றது. ஒரு முறை (2007) போட்டி ‘டை’ ஆனது. பின், ‘பவுல் அவுட்’ முறையில் இந்தியா வென்றது.

* கடைசியாக 2016ல் கோல்கட்டாவில் நடந்த உலக கோப்பைக்கான ‘சூப்பர்–10’ போட்டியில் இந்திய அணி 6 விக்கெட் வித்தியாசத்தில் பாகிஸ்தானை வென்றது.

Sponsored content · Sponsored content

விளையாட்டு செய்திகள்

விளையாட்டு செய்திகள்

Re: விளையாட்டு செய்திகள்

Re: விளையாட்டு செய்திகள்

Re: விளையாட்டு செய்திகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக