ரூ.15,500 கோடி கடன் 3 மாதத்தில் வாங்கும் தமிழகம்

**ayyasamy ram** · **ayyasamy ram** Tue Jul 13, 2021 6:08 am

-
தமிழ்நாடு அரசு, 2,500 கோடி ரூபாயில், சென்னையில், நான்கு
பூங்காக்களை உருவாக்க உள்ளதாக, நகர்ப்புற வளர்ச்சித் துறை
அமைச்சர் நேரு தெரிவித்த தகவல் பலரையும் ஆச்சரியப்படுத்தியது.

'பக்கிங்ஹாம் கால்வாய், எண்ணுார், முட்டுக்காடு, கோவளம்
ஆகிய பகுதிகளில், 2,500 கோடி ரூபாய் மதிப்பீட்டில், நான்கு புதிய
பூங்காக்கள் அமைக்க நடவடிக்கை எடுக்கப்படும். அது மட்டுமன்றி,
சென்னை மாநகராட்சியில், பராமரிப்பு இல்லாத பூங்காக்கள்
ஆய்வு செய்யப்பட்டு, மறுசீரமைப்பு செய்து, பொது மக்கள்
பயன்பாட்டுக்கு அனுமதிக்கப்படும்' என்றும் தெரிவித்திருந்தார்.

மோசமான கொரோனா பேரிடர் காலத்தில், மருத்துவ கருவிகள்
வாங்கவும், மக்களின் வாழ்வாதாரத்துக்கு தேவையான உதவிகளை
செய்யவுமே, மாநில அரசிடம் போதிய நிதி இல்லை. பட்ஜெட்டில்
எவ்வளவு துண்டு விழப் போகிறதோ என்ற, அச்சமும் நிலவிவரும்
சூழல் இது.இதில், நான்கு பூங்காக்கள் எதற்கு; அவை என்ன
செய்யப் போகின்றன;

கொரோனாவை விட, இவை முக்கியமா என்றெல்லாம் கேள்விகள்
எழுகின்றன. இதற்கு விளக்கம் அளிக்கும் விதமாக, திருச்சியில்
நேரு, '2,500 கோடி ரூபாய்க்கு பூங்காக்கள் மட்டும் அமைக்கப்
படவில்லை.

அடையாறு, கூவம், பக்கிங்காம் கால்வாய்களை துாய்மைப்படுத்தி,
அவற்றின் நீரை மறுசுழற்சிக்கு உட்படுத்தி, தொழிற்சாலைகளுக்கு
பயன்படுத்தவும் திட்டமிட்டு உள்ளோம்' என்று தெரிவித்தார்
அமைச்சர் நேரு. இந்நிலையில், ரிசர்வ் வங்கி ஜூலை, 9ம் தேதி
வெளியிட்டுள்ள தகவல் ஒன்று கவனம் பெறுகிறது.

அதில், பல்வேறு மாநிலங்கள், வெளிச்சந்தையில் இருந்து கடன்
பெறவுள்ள தொகைகளுக்கான அனுமதி விபரங்கள் அடங்கியுள்ளன.
தமிழகம் இன்றும், வரும், 19, ௨௭ம் தேதிகளிலும், தலா, 1,500 கோடி
ரூபாய் கடன் வாங்கவிருக்கிறது.

ஏற்கனவே ஜூலை, 6ம் தேதி, 2,000 கோடி ரூபாய் கடன்
வாங்கியிருக்கிறது. ஆக மொத்தம், இந்த மாதம் மட்டும், 6,500 கோடி
ரூபாய் கடன் வாங்கவுள்ளது.ஆகஸ்ட் மாதத்தில், 5,000 கோடி
ரூபாயும், செப்டம்பர் மாதம், 4,000 கோடி ரூபாயும் கடன் வாங்கத்
திட்டமிட்டுள்ளது.

தினமலர்
- நமது நிருபர் --

SK · SK Tue Jul 13, 2021 9:37 am

அதான் விடியல் வந்துரிச்சு

**T.N.Balasubramanian** · **T.N.Balasubramanian** Tue Jul 13, 2021 11:54 am

2500 கோடி /1500 கோடி பூங்காக்கள் கட்ட.15500 கோடி கடன் 3 மாதத்தில்.
ஓடி ஓடி முயற்சித்தாலும் கோடி கோடியாக சம்பாதிக்கமுடியுமோ இல்லையோ
தேடி தேடியே வந்திடும் கோடிகள் அரசியலில் மட்டுமே.
இதுமாதிரி செலவுகள் பூங்கா கட்டுதல் /நதி சுத்திகரிப்பு செலவழித்தால்
நாளையே இவைகளுக்கு பராமரிப்பு செலவு என்றும்/இயற்கை பேரழிவில்
சேதம் என்றும் கூற பலமுனை வாய்ப்புகள் (வருவாய்க்கு /ஒரு சிலருக்கு) உண்டு.
1500/2500 கோடியில் பெரிய பெரிய கட்டிடங்கள் மாளிகைகள் கட்டினால்
அவைகள் சீக்கிரத்தில் அழியாது.

**T.N.Balasubramanian** · **T.N.Balasubramanian** Tue Jul 13, 2021 12:19 pm

SK wrote:அதான் விடியல் வந்துரிச்சு

மேற்கோள் செய்த பதிவு: 1348387

என்னது ? விடியல் வந்துருச்சா?
SK தான் வந்திருச்சு!!!!
புதியவர்கள் அறிமுகம் படுத்திக்கொண்டு வரவும். புன்னகை

நலம்தானே?
ஆஸ்திரேலியன் ப்ராஜெக்ட் எப்பிடி இருக்கிறது?

@SK

Sponsored content · Sponsored content

ரூ.15,500 கோடி கடன் 3 மாதத்தில் வாங்கும் தமிழகம்

ரூ.15,500 கோடி கடன் 3 மாதத்தில் வாங்கும் தமிழகம்

Re: ரூ.15,500 கோடி கடன் 3 மாதத்தில் வாங்கும் தமிழகம்

Re: ரூ.15,500 கோடி கடன் 3 மாதத்தில் வாங்கும் தமிழகம்

Re: ரூ.15,500 கோடி கடன் 3 மாதத்தில் வாங்கும் தமிழகம்

Re: ரூ.15,500 கோடி கடன் 3 மாதத்தில் வாங்கும் தமிழகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக