நிதர்சனமான உண்மை !!! - தவறாமல் படிக்கவும்! :)

**krishnaamma** · **krishnaamma** Thu Jul 08, 2021 9:31 pm

நிதர்சனமான உண்மை !!!

அன்றாட வீட்டு வேலைகளில் உதவிடும் குழந்தைகள் தாம் வாழ்வில் மிகச்சிறந்த வெற்றியடைய முடியும் !!!!

சமீப காலங்களில் என்னுடைய மருத்துவமனைக்கு வரும் பெரும்பாலான குழந்தைகளின் பெற்றோர் தரும் செய்தி ,

அதில் இன்று வந்த ஒரு பெண்மணி ,

சார் என் குழந்தைக்கு ஷு லேஸ் கூட கட்ட தெரியாது சார் !!

தலை சீவ மாட்டான் ,

நான் தான் இன்றும் உணவு கூட ஊட்டி விடுகிறேன் ..

வயசென்னமா ஆச்சு ??

10 வயசு சார்

சரி !!!

என்ன படிக்கறார் மா ?

6 ம் வகுப்பு சார் .

சூப்பர்

எப்படி படிப்பார் ?

நல்லா படிக்கறான சார் ,

ஆனா

க்ரேட் தான் நெனச்ச மாதிரி வரல

கணக்குல ரொம்ப வீக் ,
ஸ்போர்ட்ஸ் இண்ட்ரெஸ்ட் இல்ல ,
செஸ் வரமாட்டேங்குது
கராத்தே போக மாட்டேங்கறான் ,
ஸ்விம்மிங் க்ளாஸ் போறான் ஆனா சளி பிடிக்குது வேண்டாம்னு வெச்சுட்டோம்.!!
வெஸ்டெர்ன் மியூசிக் படிக்கறான் ,

ஒகெ
ஒகெ..!

வீட்டு வேலைகளில் அக்கரை இருக்காமா ??

வீட்டு வேலனா என்ன சார் ?

அவன் உங்களுக்கும் உங்கள் அன்றாட தேவைக்கும் செய்யும் உதவிகள் மா ..!

அட நீங்க வேற சார் ,

தண்ணீர் குடிக்க கூட எந்திரிக்க மாட்டான் !! அழுகை

இது நல்லதாம்மா?

நல்ல படிச்சா போதும் சார் !!/

அப்படியானால் எதுக்கு கராத்தே ,நீச்சல் எல்லாம் அனுப்பறீங்க ..!?

எல்லாம் தெரிஞ்சிருக்கனும் இல்ல சார் ,
நாளைக்கு அவன் தனி ஆளா இந்த உலகத்தை சமாளிக்கனுமே !!

ஓஹோ...!

ரைட்டு.
வீட்டில் உள்ள விஷயங்களை சமாளிக்க தெரியாமல் எப்படிமா ஊரிலும் ,நாட்டிலும் , வெளி நாட்டிலும் உள்ள விடயத்தினை சமாளித்திட முடியும் !!

அதில்ல சார் ,
ஒரே பையன் ??

இது இன்னும் மோசம் ,

அப்ப , நீங்க மேலும் எச்சரிக்கையாக இருக்கணுமே மா !!

தொடரும்....

**krishnaamma** · **krishnaamma** Thu Jul 08, 2021 9:32 pm

அவரிடம் விபரங்களை கூறி , அந்த சிறுவனிடமும் அவனது பழக்க வழக்கங்களில் இருந்த சாதக பாதகங்களை எடுத்து கூறி ,
அன்றாடம் அவன் செய்ய வேண்டிய விடயங்களை ஓர் அட்டவணை போட்டு கொடுத்து அனுப்பிவிட்டேன் !!

தற்போது கதை சுருக்கம் ..!

#ஹார்வார்ட்_பல்கலைக்கழகம் நடத்தும் மானுடர்களுக்கான மிகப்பெரிய ஆய்வுகளில் ஒன்றான
#Harvard_Grant_study எனும் ஆய்வில் ,

குழந்தைகளை அன்றாட வீட்டு பணிகளில் இருந்து விலக்கி வைப்பது பெரும் அபத்தம் எனவும் ,
இதனால் அவர்களது பலவகையான ஆற்றல்களின் ஆக்கங்கள் குறைபடும்.எனவும் அறிவுறுத்துறது ,

மேலும் ,

படிப்பு ,
கற்றல் ,
போட்டி தேர்வு ,
தரவரிசை ,
மதிப்பெண் ,
மதிப்பீடு ,
பல்வேறு கலை கற்றல்

இவை அனைத்திற்கும் தேவைப்படும்
ஆக்கமும்,
ஊக்கமும்,
மன தைரியமும்,
நம்பிக்கை தூண்டலும் ,
வெற்றி ,தோல்விகளை பகுத்தறியும் பக்குவமும் ,
உடனிருப்போருடன் உறவாடும் உளவியலும் ,

நிச்சயமாக வீட்டில் நடத்திடும் நடத்தைகளே தீர்மானிக்கும் என்கிறது இந்த ஆய்வு .!

மாறாக ,

சிறு வேலகளை கூட செய்திட முடியாமல் இருக்க செய்ய செய்திட அனுமதிக்காத பெற்றோர்களை இந்த ஆய்வு எச்சரிக்கிறது ,

சார் ..
என்ன சார் இது குழந்தையை எல்லாம் வேலை வாங்க சொல்றீங்க ,
குழந்தை தொழிலாளர் ஒழிக்க பாடுபடும் தேசம் சார் இது ??

உண்மை .!/

நான் அவர்களை வேலை வாங்க சொல்லவில்லை ,

உங்கள் அன்றாட வேலைகளில் அவர்களை சேர்த்துக்கொள்ள தான் சொல்கிறேன்

தினமும் பள்ளி செல்லும் குழந்தைகளானால்

அவர்களது தண்ணீர் பாட்டிலை அவர்களே நிறைக்க செய்யுங்கள் ,
அவர்களின் உணவு தட்டினை அவர்களை எடுத்து வந்து உணவை வாங்கி , தானாக் உண்ண செய்யுங்கள்
அவர்கள்
தலை சீவுவது,
காலணி அணிவது ,
அதற்கான பாலிஷ் போடுவது ,

வார விடுமுறைகளில் ,

வீட்டின் சுற்றங்களை சுத்தம் செய்தல்,
செடிகளுக்கு நீர் பாய்ச்சுதல் ,
கார் (அ) பைக் கழுவ உதவுதல் ,
படுக்கை உறை மாற்றுதல் ,
வாஷிங் மெசினில் அவர்கள் துணிகளை எடுத்து போடுதல் ,
வெயிலில் காய்ந்த துணிகளை மடித்து வைத்தல் ,
சமையலுக்கு காய்கறி கழுவுதல் ,
குளிர்சாதன பெட்டியை சுத்தம் செய்தல் ,
சமையலறை பொருட்களை அடுக்குதல் ,

என சின்ன சின்ன வேலைகளை வார கடமையக்கிடுங்கள் ,

அவர்களை அன்றாட வாழ்வியலிலிருந்து அன்னியப்படுத்திடாதீர்கள் ,

இவ்வனைத்திற்கும் ஒரு அழகான சன்மானம் வாராவாரம் வழங்கிடுங்கள் - லஞ்சம் அல்ல அவர்களை ஊக்குவிக்க இன்செண்டிவ் போல புன்னகை

தொடரும்....

**krishnaamma** · **krishnaamma** Thu Jul 08, 2021 9:32 pm

அவர்கள் விரும்பும்படி ஏதேனும் ஓர் ஹாபி அமைத்துகொடுத்தல் ,

மீன் தொட்டி
பறவை ,
நாய்குட்டி ,
புறாக்கள் ,
பூச்செடி கொடிகள் ,

அவைகளை பராமரித்திட செய்யுங்கள் ,

முடிந்தவரை

வீட்டில் இருக்கும் நேரங்களில்

தொலைக்காட்சி

கணினி விளையாட்டுக்கள்,
திரைப்படங்கள்
உணவக உணவுகள் என அவர்களின் எண்ணங்களை செயற்கையான விடயத்திலிருந்து ,இயல்பான நம் அன்றாட தினசரி வேலைகளில் ஈடுபட செய்யுங்கள்

இன்று பல கல்லூரி மாணவர்கள் , அதிலும் முக்கியமாக மருத்துவம் பயிலும் மாணாக்கர் கூட தற்கொலை வரை சுலபமாக முடிவெடுத்து சென்றிடும் மிக முக்கிய காரணம் ,

தம்மையும் தம் சுற்றத்தினையும் பேணிட அறியாததால் மட்டுமே !!!

குழந்தைகள் ஒன்றும்.வீட்டில் வளர்க்கும் ஆர்க்கிட் பூச்செடி அல்ல பொத்தி , பொத்தி , உரம் போட்டி , நீர் ஊற்றி வளர்க்க ,

சிறு வெப்ப நிலை மாறினாலும் அது .வாடிப்போய் இறந்துவிடும்

மாறாக

அவர்கள் காட்டு மரங்கள் போல் வளர்ந்திட வேண்டும் ,

முறையான வழிகாட்டுதலும் ,அரவணைப்பும் , அக்கறையும் மட்டுமே இருத்தல் வேண்டும்

அதீத ஆர்வமும் ,
தேவையற்ற கரிசனையும் ,
எல்லை மீறிய அன்புபாராட்டுதலும் அவர்களுக்கு நிச்சயமாக நன்மை இல்லை ,

வாழ்க நல் ஆரோக்கிய வளமுடன்.

படித்ததில் பிடித்தது புன்னகை

**T.N.Balasubramanian** · **T.N.Balasubramanian** Thu Jul 08, 2021 10:05 pm

அருமை.

**krishnaamma** · **krishnaamma** Thu Jul 08, 2021 11:05 pm

நன்றி ஐயா ! புன்னகை

**சிவா** · **சிவா** Fri Jul 09, 2021 12:22 pm

மிக அருமையான, அவசியத் தேவையான பதிவு...

அனைத்து பெற்றோரும், குறிப்பாக இன்றைய பெற்றோர்கள் அறிந்து கொள்ள வேண்டிய கருத்து.

பதிவுக்கு மிக்க நன்றி அக்கா.

இந்த பதிவைத் துவங்கியவர் நன்றி கூறியுள்ளார் சிவா

**krishnaamma** · **krishnaamma** Fri Jul 09, 2021 7:41 pm

சிவா wrote:மிக அருமையான, அவசியத் தேவையான பதிவு...

அனைத்து பெற்றோரும், குறிப்பாக இன்றைய பெற்றோர்கள் அறிந்து கொள்ள வேண்டிய கருத்து.

பதிவுக்கு மிக்க நன்றி அக்கா.

மேற்கோள் செய்த பதிவு: 1348122

நன்றி சிவா புன்னகை