சிகிச்சை செலவு முழுவதையும் பெறுவது எப்படி?

**T.N.Balasubramanian** · **T.N.Balasubramanian** Wed 16 Jun 2021 - 19:10

நன்றி தினமலர்.
தனியார் மருத்துவமனைகளில் கொரோனா சிகிச்சை பெற்றவர்களுக்கு, மருத்துவ காப்பீடு கோரும் போது, முழு அளவிலான தொகை கிடைக்க என்ன செய்ய வேண்டும் என விளக்குகிறார், முதலீட்டு ஆலோசகர் முரளிதரன்: கொரோனா சிகிச்சைக்காக பலர், தனியார் மருத்துவமனைகளில் சிகிச்சை பெறுகின்றனர்.மருத்துவ காப்பீடு பெற்றுள்ள அவர்கள், மருத்துவமனை செலவிட்ட தொகையை பெற, மருத்துவமனை விண்ணப்பிக்கும் போது, 40 - 80 சதவீதம் தான் பெற முடிகிறது.அதிலும், மருத்துவமனையில் நோயாளியே செலவு செய்து, அந்த தொகையை பெற விண்ணப்பித்தால், 40 - 60 சதவீதம் மட்டுமே கிடைப்பதாகவும் புகார்கள் வருகின்றன.இந்த குளறுபடியிலிருந்து தப்பிக்க, மருத்துவமனையிலிருந்து சில ஆவணங்களை தவறாமல் கேட்டு பெற்று, விண்ணப்பிக்க வேண்டும்; அப்போது தான் சரியான, 'கிளைம்' தொகை கிடைக்கும்.மருத்துவமனையிலிருந்து, 'டிஸ்சார்ஜ்' ஆகி செல்லும் போது, அனைத்து நோய்களையும் கண்டறிதல் அறிக்கைகள் மற்றும் அதற்கு பணம் செலுத்திய ரசீது என, அனைத்தையும் பெற்றுக் கொள்ள வேண்டும்.மேலும், இதர செலவுகள் என போட்டிருந்தால், அது என்னென்ன செலவு என்பதை விளக்கமாக குறிப்பிட வேண்டும்.சிகிச்சை பெற்ற மருத்துவமனை மற்றும் மருத்துவரின் சீல் மற்றும் கையொப்பத்தை கேட்டு பெற வேண்டும். ஒருவேளை நோயாளி இறந்திருந்தால், அவர் சிகிச்சை பெறும் போது எடுத்த, 'சி.டி., ஸ்கேன்' பிலிமை கேட்டு பெற வேண்டும்.சில காப்பீடு நிறுவனங்கள் இதில் கறாராக இருக்கின்றன. சி.டி., ஸ்கேன் எடுத்துள்ள பில் இருந்தாலும், அதற்கான பிலிமுடன், ரிப்போர்டும் சேர்க்கப்பட வேண்டும் என்கின்றன.எனவே, சி.டி., ஸ்கேன் பிலிம், அதற்கு பணம் செலுத்திய ரசீது, அதன் ரிப்போர்ட்டை 'கிளைம்' செய்யும் போது, அவசியம் தாக்கல் செய்ய வேண்டும்.நோயாளி உயிருடன் இருக்கும் போதும், இந்த முறையை பின்பற்ற வேண்டும்.

சிகிச்சையின் போது நோயாளி இறந்து, அதற்கான செலவு தொகையை கிளைம் செய்யும் போது, அந்த நோயாளியின் அடையாள அட்டை நகல், இறப்பு சான்றிதழ் நகலை, விண்ணப்ப படிவத்துடன் கட்டாயம் இணைக்க வேண்டும்.மேலும், மருத்துவமனையில் பணம் செலுத்தியதற்கான அல்லது மருத்துவமனை கொடுத்த ஒவ்வொரு மருந்து பில்லையும், போட்டோ காப்பி நகல் எடுத்து வைத்துக் கொள்ள வேண்டும். சிறிய தொகை தானே என விடக் கூடாது.உரிய முறையில் சிகிச்சை அளிக்கப்பட்டுள்ளதா என்பதை, அந்த மருத்துவ பில் வைத்து தான் வல்லுனர்கள் ஆய்வு செய்வர்.முக்கியமாக, ஒவ்வொரு மருத்துவமனையிலும் இருக்கும் கிளைம் வல்லுனருடன் கலந்தாலோசித்து, அதற்கேற்ப விண்ணப்பித்தால், எந்த பிரச்னையும் இன்றி, நாம் செலவழித்த முழு பணமும் நமக்கு அல்லது மருத்துவமனைக்கு கிடைத்து விடும்!

சிகிச்சை செலவு முழுவதையும் பெறுவது எப்படி?

சிகிச்சை செலவு முழுவதையும் பெறுவது எப்படி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக