எதிர்க்கட்சி துணைத்தலைவரானார் ஓ.பன்னீர்செல்வம்; சசியுடன் பேசிய 15 பேர் அதிமுகவில் இருந்து நீக்கம்

சென்னை: தமிழக சட்டசபை எதிர்க்கட்சி துணைத் தலைவராக ஓ.பன்னீர்செல்வம் அதிமுக சட்டசபை உறுப்பினர்கள் கூட்டத்தில் தேர்வு செய்யப்பட்டார். மேலும் சசிகலாவுடன் போனில் பேசியதாக மாஜி அமைச்சர் ஆனந்தன், 15 பேர் கட்சியில் இருந்த நீக்கப்பட்டனர்.

அதிமுக எம்எல்ஏ.,க்கள் கூட்டம் சென்னை அதிமுக தலைமை அலுவலகத்தில் இன்று (ஜூன் 14) நடைபெற்றது. இதில் அதிமுக சார்பில், சட்டசபை எதிர்க்கட்சி துணைத் தலைவர், கொறடா, துணை கொறடா, பொருளாளர், செயலாளர் மற்றும் துணைச் செயலாளர்கள் தேர்ந்தெடுக்கப்பட்டனர். அதன்படி, எதிர்க்கட்சி துணைத் தலைவராக அதிமுக ஒருங்கிணைப்பாளர் ஓ.பன்னீர்செல்வம் தேர்ந்தெடுக்கப்பட்டார். எதிர்க்கட்சி தலைவராக முன்னாள் முதல்வர் பழனிசாமி சமீபத்தில் தேர்ந்தெடுக்கப்பட்டது குறிப்பிடத்தக்கது.







எதிர்க்கட்சி துணைத் தலைவர் மற்றும் கொறடாவை தேர்வு செய்வதற்காக அ.தி.மு.க எம்.எல்.ஏ.க்கள் கூட்டம் சென்னை, ராயப்பேட்டையில் உள்ள அ.தி.மு.க தலைமை அலுவலகத்தில் நடந்தது. கூட்டத்தில் பங்கேற்பதற்காக வந்த அ.தி.மு.க. இணை ஒருங்கிணைப்பாளர் இ.பி.எஸ்.
தொடர்ந்து, கொறடாவாக தொண்டாமுத்தூர் எம்எல்ஏ எஸ்.பி.வேலுமணி, துணை கொறடாவாக அரக்கோணம் எம்எல்ஏ சு.ரவி, பொருளாளராக கோவில்பட்டி எம்எல்ஏ கடம்பூர் ராஜூ, செயலாளராக பாலக்கோடு எம்எல்ஏ கே.பி.அன்பழகன், துணைச் செயலாளராக ஆலங்குளம் எம்எல்ஏ பி.ஹெச்.மனோஜ் பாண்டியன் ஆகியோர் தேர்ந்தெடுக்கப்பட்டுள்ளனர்.



சசிகலாவுடன் பேசியவர்கள் மீது நடவடிக்கை


இதற்கிடையில் சசிகலாவுடன் தொலைபேசியில் பேசிய 15 பேர் மீது நடவடிக்கை எடுக்கவும் தீர்மானம் நிறைவேற்றப்பட்டது. இதன்படி மாஜி அமைச்சர் ஆனந்தன், அதிமுக செய்தி தொடர்பாளர் புகழேந்தி, முன்னாள் எம்.பி., சி்ன்னசாமி உள்பட 15 பேரை கட்சியில் இருந்து நீக்க முடிவு செய்யப்பட்டது.

நன்றி தினமலர்

இவர் கூட மரியாதை நிமித்தம் சசிகலாவை சிறையில் இருந்து வந்தவுடன்  சந்தித்ததாக தகவல் உண்டு.