உரிமைக்காக போராடிய குதிராம் போஸ் என்ற சிறுவன்...

**ayyasamy ram** · **ayyasamy ram** Sun Jun 13, 2021 4:10 pm

இந்திய நாடு, ஆங்கிலேயர்களிடம் அடிமைப்பட்டுக்
கிடந்த காலம், அது. குதிராம் போஸ் என்ற சிறுவன்,
தன் சித்தியுடன் சந்தைக்கு சென்றான்.

ஆங்கிலேயர்கள் வசிக்கும் வீதியை கடந்து தான்,
அவர்கள் செல்ல வேண்டும்.

அத்தெருவில், மனிதர்களை போல சாதாரணமாக
நடந்து செல்ல முடியாது. விலங்குகளை போல,
முட்டிப் போட்டு தவழ்ந்து தான் அந்தப் பகுதியை
கடந்து செல்ல வேண்டும்.

கர்ப்பிணி சித்தியும் அதுபோல சென்றதைக் கண்ட,
குதிராம் போஸ், அதற்கு எதிராக மேடை போட்டு
முழங்கினான். அரசுக்கு எதிராக சதி செய்ததாக
கூறி, அவனுக்கு துாக்கு தண்டனை விதித்தது,
ஆங்கிலேய அரசு.

துாக்கு மேடையிலிருந்தபோது, தன் சித்திக்கு,
கடைசியாக ஒரு கடிதம் எழுதினான், போஸ்.

அதில், 'உனக்கு பிறக்கும் குழந்தையின் கழுத்தை
தடவிப்பார். கழுத்தில் துாக்கு கயிற்றின் தழும்பு
இருக்கும். மீண்டும் நான் பிறப்பேன்; மறுபடியும்
விடுதலைக்காக போராடுவேன்...' என்று, எழுதி இருந்தான்.
அப்போது, குதிராம் போஸின் வயது, 16.
-
-----------------------
-நடுத்தெரு நாராயணன்
திண்ணை- வாரமலர்