சுந்தர் பிச்சையின் உண்மையான பெயர்; அட இவ்ளோ நாள் இது தெரியாம போச்சே!

**T.N.Balasubramanian** · **T.N.Balasubramanian** Thu Jun 10, 2021 5:29 pm

அட சுந்தர் பிச்சை நம்ம ஊர்க்காரடா என்று பெருமை பாடும் பலரிடமும், அவரை ஒரு இன்ஸ்ப்ரேஷனாக கொண்ட சிலரிடமும்... அவரின் உண்மையான பெயர் என்னவென்று தெரியமா என்று கேட்டால்... வாயையே திறக்க மாட்டார்கள்.

சுந்தர் பிச்சையின் உண்மையான பெயர்; அட இவ்ளோ நாள் இது தெரியாம போச்சே! Samayam-tamil

Sundar Pichai Unknown Facts

ஹைலைட்ஸ்:

இன்று, ஜூன் 10, சுந்தர் பிச்சையின் 49-வது பிறந்த நாள்!
இவரை பற்றி நிறைய தெரிந்த பலருக்கும் கூட இவரின் உண்மையான பெயர் தெரியாது!
இப்படியாக இவரை பற்றிய ரகசியங்கள் பல!

சுந்தர் பிச்சை - இந்த பெயருக்கு எந்த அறிமுகமும் தேவையில்லை!தொழில்நுட்ப நிறுவனமான கூகுள் மற்றும் அதன் தாய் நிறுவனமான ஆல்பாபெட் இன்க் ஆகியவற்றின் தலைமை நிர்வாக அதிகாரி!

"கடின உழைப்பால் மட்டுமே வெற்றிக்கான பாதையை காண முடியும்" என்ற கூற்றுக்கு பொருத்தமான எடுத்துக்காட்டு!
இப்படியாக 50 வயதிற்கு உட்பட்ட உலகின் மிக வெற்றிகரமான தொழில் வல்லுநர்களில் ஒருவரான திரு. சுந்தர் பிச்சையின் பயணம் உண்மையிலேயே வியப்பாக இருக்கிறது, மற்றும் உத்வேகம் அளிக்கிறது.
இன்று,அதாவது ஜூன் 10, 2021-இல் அவருக்கு 49 வது பிறந்த நாள்;இன்டர்நெட்டில் வாழ்த்துக்கள் மற்றும் சோஷியல் மீடியாக்களில் ஹேஷ்டேக்குகள் பறக்கிறது. ஆனால் ஒருவரை வாழ்த்துவதால், புகழ்வதால் அவரை பற்றி நமக்கு நன்றாகத்தெரியம் என்று அர்த்தம் ஆகிவிடாது.
அப்படியாக, இன்று பெர்த்டே பாய் ஆன சுந்தர் பிச்சையை பற்றி நம்மில் பெரும்பாலானோருக்கு தெரியாத 6 ரகசியங்களை பற்றித்தான் நாம் இங்கே பார்க்கப்போகிறோம்.

1) ஒன்றல்ல..இரண்டல்ல.

பல டிகிரிஉள்ளது!

சுந்தர் பிச்சை காரக்பூரில் உள்ள இந்திய தொழில்நுட்ப நிறுவனத்தில் படித்தார், அங்கு அவர் இளங்கலை தொழில்நுட்ப (பி தொழில்நுட்ப) பட்டம் பெற்றார்.

அமெரிக்காவிற்குச் சென்றபின், ஸ்டான்போர்ட் பல்கலைக்கழகத்தில் முதுகலை அறிவியல் பட்டம் பெற்றார் மற்றும் பென்சில்வேனியா பல்கலைக்கழகத்தில் வார்டன் ஸ்கூலில் எம்பிஏ பெற்றார்.

2) கால்பந்து பிடிக்கும், அதைவிட கிரிக்கெட் ரொம்ப பிடிக்கும்!

மிகவும் மென்மையாக பேசும் பழக்கம் கொண்ட சுந்தர் பிச்சை தனது ஓய்வு நேரத்தில் கால்பந்து மற்றும் கிரிக்கெட்டை விளையாடுவதை விரும்புகிறார்.
இவர் ஒருமுறை டெல்லி காலேஜ் எஸ்.ஆர்.சி.சி மாணவர்களிடம், "நான் ஒரு பெரிய கால்பந்து ரசிகன். நான் கால்பந்தை அதிகம் பின்பற்றுகிறேன், ஏனென்றால் அதை பின்தொடர்வது எளிது. நான் ஒரு பெரிய பார்சிலோனா மற்றும் லியோனல் மெஸ்ஸி ரசிகன்" என்று கூறியது இங்கே குறிப்பிடத்தக்கது.

3) முதல் வேலை கூகுளில் இல்லை!
2004 ஆம் ஆண்டில் கூகுளில் சேருவதற்கு முன்பு, சுந்தர் பிச்சை அப்ளைடு மெட்டீரியல்ஸில் தயாரிப்பு நிர்வாகத்திலும், மெக்கின்சி & கம்பெனியில் மேலாண்மை ஆலோசனையிலும் பணியாற்றினார் என்பது நிறைய பேருக்குத் தெரியாது.

4) காதல் திருமணம்!
சுந்தர் பிச்சை தனது கல்லூரி காலத்திலிருந்தே அறிந்த அஞ்சலியை மணந்தார். அவர் ராஜஸ்தானின் கோட்டாவைச் சேர்ந்த ஒரு ரசாயன பொறியாளர். இருவரும் ஐ.ஐ.டி கரக்பூரில் வகுப்பு தோழர்கள். இந்த தம்பதியருக்கு இரண்டு குழந்தைகள் உள்ளனர்.

5) மைக்ரோசாப்ட் நிறுவனத்தின் CEO பதவிக்கு இவர் ஒரு போட்டியாளராக இருந்தார்!
2014 ஆம் ஆண்டில், சுந்தர் பிச்சையின் பெயர் சத்யா நாதெல்லாவுடன் மைக்ரோசாப்ட் நிறுவனத்தின் தலைமை நிர்வாக அதிகாரி பதவிக்கு போட்டியாளராக பரிந்துரைக்கப்பட்டது. இறுதியில், சத்யா நாதெல்லா இந்த பதவிக்கு தேர்வு செய்யப்பட்டார்.

கூகுள் இணை நிறுவனர்களான லாரி பேஜ் மற்றும் செர்ஜி பிரின் ஆகியோர் தங்கள் நிர்வாக பதவிகளில் இருந்து ராஜினாமா செய்வதாக அறிவித்த பின்னர் சுந்தர் பிச்சை கடந்த 2019 டிசம்பரில் ஆல்பாபெட் இன்க் நிறுவனத்தின் தலைமை நிர்வாக அதிகாரியாக ஆனார்.

அவர்கள் தொடர்ந்து இணை நிறுவனர்களாகவும் ஆல்பாபெட் இன்க் நிறுவனத்தில் பங்குதாரர்களைக் கட்டுப்படுத்துகிறார்கள்.

6) உண்மையான முழு பெயர்!
சுந்தர் பிச்சை என்று நன்கு அறியப்படும் இவரின் பிறப்பு பெயர் (அல்லது) முழுப்பெயர் பிச்சை சுந்தரராஜன் ஆகும். ஆனாலும் இவர் பிரபலமாக சுந்தர் பிச்சை என்றே அழைக்கப்படுகிறார்.

ஜெனரல் எலக்ட்ரிக் கம்பெனியில் (ஜி.இ.சி) எலக்ட்ரிகல் இன்ஜினியராக ரகுநாத் பிச்சை மற்றும் ஸ்டெனோகிராஃபராக இருந்த லட்சுமி என்கிற ஒரு நடுத்தர வர்க்க தம்பதிக்கு மகனாக பிறந்த பிச்சை சுந்தரராஜன் எப்படி சுந்தர் பிச்சை ஆனார் என்பது உலகறிந்த விடயமே!
நன்றி சமயம்