சரீர இடைவெளியை கடைபிடித்ததால் கொரோனாவை பரப்பி விட்ட மாமியாரின் செயல்

தெலுங்கானாவில் மருமகள் சரீர இடைவெளியை கடைபிடித்ததால் கொரோனாவை பரப்பி விட்ட மாமியாரின் செயல் அதிர்ச்சியை ஏற்படுத்தியுள்ளது.


தெலுங்கானா மாநிலம் ராஜண்ண சிறிசில்லா மாவட்டத்தைச் சேர்ந்த பெண்ணுக்கு மூன்று ஆண்டுகளுக்கு முன்பு திருமணம் நடந்து இரு பிள்ளைகள் உள்ளனர். இளம்பெண்ணின் கணவர் ஒடிசாவில் ஆட்டோ ஓட்டி வரும் நிலையில் இளம்பெண் தனது பிள்ளைகள் மற்றும் மாமியாருடன் ஹைதராபாத்தில் வசித்து வருகிறார்.

இந்த நிலையில், பெண்ணின் மாமியாருக்கு கொரோனா தொற்று உறுதி செய்யப்பட்டு வீட்டறையில் தனிமைப்படுத்திக்கொண்டார். இந்த சூழலில், மாமியார் இருக்கும் அறைக்குள் செல்லாமல்

மருமகள் சரீர இடைவெளியை கடைபிடித்து வந்துள்ளார். மேலும், பிள்ளைகள் இருவரையும் பாட்டியிடம் செல்லக்கூடாது என்றும் அறிவுறுத்தியுள்ளார்.

உணவு பொருட்களை தூரத்தில் இருந்தே கொடுத்து வந்துள்ளார். மருமகளின் இந்த நடவடிக்கையால் ஆத்திரமடைந்த மாமியாருக்கு பழி வாங்கும் எண்ணம் ஏற்பட்டுள்ளது. ஆகையால், கொரோனாவை மருமகளுக்கும் பரவ வேண்டும் என்று நினைத்தவர் அடிக்கடி மருமகளை கட்டிப்பிடித்து கடுப்பேற்றியுள்ளார்

அதன் விளைவாக மருமகளுக்கும் அவரது இரு பிள்ளைகளுக்கும் கொரோனா தொற்று பரவியுள்ளது. இதையடுத்து, மருமகளையும், இரு பேரக்குழந்தைகளையும் அந்த மாமியார் வீட்டை விட்டு வெளியேற்றியுள்ளார். இதை அறிந்த அப்பகுதியினர், மருமகளையும், இரண்டு குழந்தைகளையும் வெளியேற்றியதற்காக மட்டுமல்லாமல், வேண்டுமென்றே கொரோனா தொற்றை பரப்பிய பெண் மீது நடவடிக்கை எடுக்க வேண்டும் என்று உள்ளூர் அதிகாரிகளை வலியுறுத்தியுள்ளனர்.

வீட்டை விட்டு வெளியேற்றப்பட்ட பெண் தற்போது திம்மபூர் கிராமத்தில் உள்ள தனது தாய் வீட்டுக்கு கொண்டு செல்லப்பட்டுள்ளார்.

நன்றி சமயம்.

Dr.S.Soundarapandian wrote:

மேற்கோள் செய்த பதிவு: 1346533தலையில் போடுவதற்கு மாமியார் படம் கிடைக்கவில்லை.

@Dr.S.Soundarapandian

-

இந்த படத்தை நானும் பார்த்தேன்.
வயதானவர் மாமியார் - மற்றவர் மருமகள். எனக்கொள்வோம்.
மாமியாரே மருமகள் போலும் சிறிய வயதில் தோற்றமளிக்கிறார்.
மருமகளை பார்க்கையில் வேடிக்கை பார்க்கவந்த பெண் என்று எண்ணிவிட்டேன்.