தமிழகத்தில் 2 நாட்களுக்கு மட்டுமே தடுப்பூசிகள் கையிருப்பு: அமைச்சர்

**ayyasamy ram** · **ayyasamy ram** Mon May 31, 2021 8:47 pm

சென்னை:
தமிழகத்தில் கோவிட் தடுப்பூசிகள் இன்னும் 2 நாட்களுக்கு
மட்டும் போதுமான அளவிலேயே கையிருப்பில் உள்ளதாக
சுகாதாரத்துறை அமைச்சர் மா.சுப்பிரமணியன் தெரிவித்துள்ளார்.

தமிழகத்தில் கோவிட் 2வது அலையின் தாக்கம் ஓரளவு குறைந்து
வரும் சூழலில், 18 வயதுக்கு மேற்பட்டவர்களுக்கு தடுப்பூசி
செலுத்தும் பணிகள் முடுக்கிவிடப்பட்டுள்ளன.
சில மாவட்டங்களில் தடுப்பூசி பற்றாக்குறை நிலவுவதாக செய்திகள்
வெளிவந்துள்ளன.

இந்நிலையில், சென்னை நந்தம்பாக்கத்தில் அமைக்கப்பட்டுள்ள
கோவிட் கவனிப்பு மையத்தில் ஆய்வு செய்த தமிழக சுகாதாரத்துறை
அமைச்சர் மா.சுப்பிரமணியன் செய்தியாளர்களிடம் கூறியதாவது:

தமிழகத்தில் இருக்கிற மருத்துவர்களுக்கும், செவிலியர்களுக்கும்
உற்சாகத்தை கொடுக்கும் வகையில் ஊக்கத் தொகையை தந்து
மிகப்பெரிய அளவிலான மகிழ்ச்சியை முதல்வர் ஸ்டாலின் ஏற்படுத்தி
உள்ளார்.

நானும், சுகாதாரத்துறை செயலாளரும் போகிற இடங்களிலெல்லாம்
மருத்துவர்களும், செவிலியர்களும் அரசுக்கு நன்றி தெரிவித்துக்
கொண்டிருக்கிறார்கள். அவர்கள் மட்டுமின்றி நோயாளிகளை மேலும்
ஊக்கப்படுத்தவும், நம்பிக்கையை ஏற்படுத்தவும்தான் கோவையில்
உள்ள மருத்துவமனையில் தீவிர சிகிச்சை பிரிவுக்கு முதல்வர் சென்று
நோயாளிகளிடம் நலம் விசாரித்தார்.

தமிழகத்தில் கோவிட் தடுப்பூசிகள் இன்னும் 2 நாட்களுக்கு மட்டும்
போதுமான அளவிலேயே கையிருப்பில் உள்ளது.

தமிழகத்திற்கு மத்தியஅரசு 25 லட்சம் தடுப்பூசிகள் தர வேண்டிய
நிலையில் 13 லட்சம் தடுப்பூசிகள் மட்டுமே தந்துள்ளன. இவ்வாறு அவர்
கூறினார்.
-
தினமலர்

**ayyasamy ram** · **ayyasamy ram** Mon May 31, 2021 8:54 pm

தமிழகத்திற்கு ஜூனில் 42 லட்சம் டோஸ் தடுப்பூசிகள் கிடைக்கும்:
சுகாதார செயலர்
--
சென்னை:
தமிழகத்திற்கு வரும் ஜூன் மாதம் 42 லட்சம் டோஸ் தடுப்பூசிகள்
வழங்கப்படும் என மத்திய அரசு தெரிவித்து உள்ளதாக சுகாதார
செயலர் ராதாகிருஷ்ணன் தெரிவித்து உள்ளார்.

தமிழக சுகாதாரத்துறை செயலர் ராதாகிருஷ்ணன் நிருபர்களிடம்
கூறியதாவது: தற்போது கையிருப்பில் உள்ள தடுப்பூசிகள்
நாளையுடன்(ஜூன் 01) தீர்ந்து விடும். இந்த மாதத்திற்கு 1.74 லட்சம்
டோஸ் மத்திய அரசு தர வேண்டி உள்ளது. 42.58 லட்சம் டோஸ்
தடுப்பூசிகள் கிடைக்கும்

ஜூன் மாதத்தில் வழங்கப்படும் என மத்திய அரசு கூறியுள்ளது.
முதல்கட்டமாக வரும் 6ம் தேதி 3 லட்சம் தடுப்பூசிகள் வர உள்ளது.
ஒதுக்கப்படும் தடுப்பூசிகளை வீணக்காமல் முழுமையாக பயன்
படுத்த முடிவு செய்யப்பட்டு உள்ளது.

தற்போது, தடுப்பூசி போட மக்கள் ஆர்வம் காட்டுகின்றனர்.
பல இடங்களில் தடுப்பூசி பற்றாக்குறை உள்ளது. சப்ளை செய்ய
கையிருப்பில் தடுப்பூசி இல்லை. தற்போது கையிருப்பில் உள்ள
தடுப்பூசிகளை கலெக்டர்கள் முறையாக பயன்படுத்தி கொள்ள
வேண்டும்.

பற்றாக்குறை காரணமாக வரும் 3ம் தேதி முதல் 5ம் தேதி வரை
தடுப்பூசி போடப்படாது. இவ்வாறு அவர் கூறினார்.

தினமலர்

தமிழகத்தில் 2 நாட்களுக்கு மட்டுமே தடுப்பூசிகள் கையிருப்பு: அமைச்சர்

தமிழகத்தில் 2 நாட்களுக்கு மட்டுமே தடுப்பூசிகள் கையிருப்பு: அமைச்சர்

Re: தமிழகத்தில் 2 நாட்களுக்கு மட்டுமே தடுப்பூசிகள் கையிருப்பு: அமைச்சர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக