55 வினாடி 'யு டியூப் வீடியோ': ரூ.5.54 கோடிக்கு விற்பனை

-

லண்டன்

:'சார்லி பிட் மை பிங்கர்' என்ற 55 வினாடிகள் ஓடக்கூடிய
'யு டியூப் வீடியோ' 5.54 கோடி ரூபாய்க்கு ஏலத்தில்
விற்பனையாகி சாதனை படைத்துள்ளது.

ஐரோப்பிய நாடான பிரிட்டனை சேர்ந்த ஹாரி மற்றும்
சார்லி சகோதரர்கள் குழந்தைகளாக இருந்தபோது 2007ம்
ஆண்டு அவர்கள் வீட்டில் ஒரு சிறிய வீடியோ தற்செயலாக
எடுக்கப்பட்டது.

'நான் பன்ஜிபிள் டோக்கன்'

அதில் மூத்த சகோதரனான ஹாரி தன் தம்பி சார்லியின் தோள்
மீது கைபோட்டபடி அமர்ந்திருப்பான். அண்ணனின் விரல்களை
தன் வாயில் வைத்து சார்லி சந்தோஷமாக கடிப்பான்.

விரல்களை எடுக்கும் ஹாரி தம்பியின் வாயில் விளையாட்டாக
மீண்டும் விரல்களை வைப்பான். இந்த முறை சார்லி வெடுக்கென
விரல்களை அழுத்தமாக கடிப்பான். வலி தாங்க முடியாமல்
ஹாரி அழுவான்.

இதை காணும் சார்லி சந்தோஷத்தில் சிரிப்பான் தம்பியின்
சிரிப்பை பார்த்து அழுகையின் இடையே ஹாரி புன்னகைப்பான்.
14 ஆண்டுகளுக்கு முன் எடுக்கப்பட்ட இந்த வீடியோ யு டியூப்
சமூக வலைதளத்தில் இதுவரை 80 கோடி முறை பார்க்கப்பட்டுள்ளது

.'டிஜிட்டல்' கலைப் படைப்புகளை ஏலம் விடும் நடைமுறை
என்.எப்.டி. அதாவது 'நான் பன்ஜிபிள் டோக்கன்' என அழைக்கப்
படுகிறது.

'3எப் மியூசிக்'

இந்த முறையில் ஒரு கலைப் படைப்பை ஏலத்தில் எடுப்பவர்களுக்கே
அதன் உரிமை சென்ற சேருகிறது.

இந்த வகையில் 'சார்லி பிட் மை பிங்கர்' என்ற வீடியோ ஏலம்
விடப்பட்டது. இதில் 11 நாடுகள் பங்கேற்றன.

இறுதிகட்ட ஏலத்தில் 'மீம்மாஸ்டர்' மற்றும் '3எப் மியூசிக்' என்ற
இரு நிறுவனங்கள் மோதின. இறுதியில் '3எப் மியூசிக்' நிறுவனம்
5.54 கோடி ரூபாய்க்கு அந்த வீடியோவை ஏலத்தில் எடுத்தது.

தற்போது யு டியூப் தளத்தில் காணக்கிடைக்கும் இந்த வீடியோ
விரைவில் அதில் இருந்து நீக்கப்படும் என தெரிகிறது.இதற்கு
முன் 'டுவிட்டர்' சமூக வலைதள நிறுவனர் ஜாக் டார்சியின்
முதல் டுவிட்டர் பதிவு 21 கோடி ரூபாய்க்கு ஏலத்தில் விற்பனை
செய்யப்பட்டுள்ளது.

தினமலர்