மீனாட்சி குங்குமத்தில் காந்தம்

**ayyasamy ram** · **ayyasamy ram** Tue May 18, 2021 6:36 pm

-
மதுரை மீனாட்சி குங்குமம் காந்தசக்தி மிக்கது என்கிறார்
இங்கிலாந்து அறிஞர் சார்லஸ் டபிள்யூ லெட்பீட்டர்.
இவர் ஒரு முறை மீனாட்சியம்மன் கோயிலுக்கு வருகை
தந்தார். அங்கே அவருக்கு குங்கும பிரசாதம் கொடுத்தார்கள்.

அடுத்து சுந்தரேஸ்வரர் சன்னதிக்கு சென்ற போது விபூதி
தரப்பட்டது. இதை ஏன் இந்திய மக்கள் நெற்றியில் இட்டுக்
கொள்கிறார்கள் என்பதை அறிய அவருக்கு ஆவல்.

உடனே அதை பரிசோதனை செய்தார். அவற்றிலிருந்து
காந்த சக்தி வெளிப்பட்டதை உணர்ந்தார்.

‘இது என் வாழ்வில் நான் கண்ட அதிசயம்” என தான்
எழுதிய ‘ தி இன்னர் லைப் “ என்ற புத்தகத்தில்
எழுதினார்.

இதை விட அதிசயம் ஒன்று உண்டு என்றும் அவர்
சொல்கிறார். சில ஆண்டுகள் கழித்தபிறகு அந்த குங்குமம்
விபூதியை பரிசோதனை செய்தார். அப்போதும் முன்பு கண்ட
அதே அளவு காந்தசக்தி சற்றும் குறையாமல் வெளிப்படுவது
கண்டு அசந்து போனார்.

‘இப்படி ஓர் அதிசயத்தை நான் எந்த நாட்டிலும் கண்டதில்லை‘
என்று அவர் எழுதி வைத்திருக்கிறார். நாம் மீனாட்சி
குங்குமத்தை கோயில் தூண்களில் கொட்டிவைத்து பாழாக்கிக்
கொண்டிருக்கிறோம்.

இனிமேலாவது அன்னையின் குங்குமத்தை அளவோடு வாங்கி
பூஜையறையில் பத்திரமாக வைப்போம்.
அன்னையின் அருட்கடாட்சம் என்றும் நிலைத்திருக்கச்
செய்வோம்.

நன்றி- சின்னுஆதித்யா

**T.N.Balasubramanian** · **T.N.Balasubramanian** Tue May 18, 2021 6:39 pm

Guest · Guest Tue May 18, 2021 8:31 pm

யாராவது நல்ல சாமியார் இருந்தால்? சொன்னால் நம்பலாம். போலிச் சாமியார் சொல்வதை எப்படி நம்புவது? அதுவும் பாலியல் குற்றவாளியாக நிறுத்தப்பட்டவர் சொல்வதை...?

**T.N.Balasubramanian** · **T.N.Balasubramanian** Wed May 19, 2021 5:26 pm

சக்தி18 wrote:யாராவது நல்ல சாமியார் இருந்தால்? சொன்னால் நம்பலாம். போலிச் சாமியார் சொல்வதை எப்படி நம்புவது? அதுவும் பாலியல் குற்றவாளியாக நிறுத்தப்பட்டவர் சொல்வதை...?

மேற்கோள் செய்த பதிவு: 1345834

ஓஹோ அது வேறு உண்டா?
என்ன செய்வது? மனிதனாக பிறந்தால் சில ஆசாபாசங்கள்.
சாமியார் /மதகுருமார்கள் --என்ன செய்வார்கள் ..........கேரளாவாக இருந்தால் என்ன
வெளிநாடாக இருந்தால் என்ன. பில்லியனாராக இருந்தாலும் இம்மாதிரி விஷயங்கள்
வெளிவருகின்றன.

Guest · Guest Thu May 20, 2021 12:14 am

ஆசாபாசங்கள் இருப்பவர்கள் திருமண வாழ்வில் ஈடுபட்டு அவர்கள் விரும்பிய சுகங்களை பெறலாம். அதைவிட்டு சாமியார் வேடமிட்டு மக்களை ஏமாற்றி அவர்களை தவறான பாதையில் ஏன் அழைத்துச் செல்ல வேண்டும்.
விவேகானந்தர்..காஞ்சிப் பெரியவர்..போன்றோர் இப்படி ஆன்மீக வாழ்வில் ஈடுபட்டார்கள்.அவர்களின் மீது கறை படியவில்லையே!

**Dr.S.Soundarapandian** · **Dr.S.Soundarapandian** Thu May 20, 2021 7:48 pm

‘யாராவது நல்ல சாமியார் இருந்தால் சொன்னால் நம்பலாம். போலிச் சாமியார் சொல்வதை எப்படி நம்புவது? அதுவும் பாலியல் குற்றவாளியாக நிறுத்தப்பட்டவர் சொல்வதை...?’
- சக்தி 18 சூப்பர்!