நீராவி பிடிப்பதால் மூச்சுக்குழாய் பாதிக்குமா?

**ayyasamy ram** · **ayyasamy ram** Mon May 17, 2021 7:34 am

நீராவி பிடிப்பதால் மூச்சுக்குழாய் பாதிக்குமா?

பதில் சொல்கிறார் அரசு சித்த மருத்துவர் வரலட்சுமி.

`நீராவி பிடிப்பதால் மூச்சுக்குழாய் பாதிக்குமா என்ற பயம் தேவையற்றது.

ஆனால், அதே நேரம்நான் மணிக்கணக்கில்
நீராவி பிடித்தே கொரோனாவை விரட்டி விடுவேன்’ என
நினைப்பது தவறு.

அளவுக்கு மிஞ்சினால் எல்லாமே ஆபத்துதான். இதையே சித்த
மருத்துவமும் வலியுறுத்துகிறது.

அதன்படி 2 முதல் 3 நிமிடங்கள் ஆவி பிடித்தால் போதுமானது.
இன்னும் எளிமையாகச் சொல்ல வேண்டுமானால், ஆவி
பிடிக்கும்போது நன்கு வியர்ப்பதே அது போதுமானது
என்பதற்கான அர்த்தம். ஆவி பிடிக்கும்போது உடலிலுள்ள
தேவையற்ற நீர் வெளியேறுவது மிக நல்ல விஷயம்.

இதன் மூலம் தலைபாரம், நீரேற்றம், கப சுரம், விஷ சுரம், குளிர்
சுரம் போன்ற உபாதைகள் நீங்கி, தொண்டையில் உள்ள
கிருமிகள் நீங்கும், காதுவலி, உடல்வலி நீங்கும் என்கிறது சித்த
மருத்துவம்.

ஆவி பிடிப்பதன் மூலம் கப ஆதிக்கம் குறையும். அப்போது
ஒருவித வறட்சி ஏற்படும். அதிக நேரம் ஆவிபிடிக்கும்போது அந்த
வறட்சியானது தொண்டை, மூக்குப் பகுதிகளைப் பாதிக்கும். அந்த
இடங்களில் எரிச்சல், கொப்புளங்கள் தோன்றுவதெல்லாம் நடக்கும்.
அதனால்தான் நீண்ட நேரம் ஆவி பிடிக்கக் கூடாதென
வலியுறுத்தப்படுகிறது.

-நாகலட்சுமி
நன்றி-விகடன்

Guest · Guest Mon May 17, 2021 12:57 pm

முதல் விஷயம், கொரோனா வைரஸ் என்பது, சாதாரண சளித்தொந்தரவல்ல. சாதாரண சளியும் கொரோனா வைரஸ் தொற்றும் உடலுக்குள் ஏற்படுத்தும் தாக்கமும், பாதிப்பும் வெவ்வேறாக இருக்கும். சொல்லப்போனால், இரண்டுக்கும் அறிகுறிகளேகூட வேறுபடும்.
நீராவி பிடித்தல் சிகிச்சை, சாதாரண சளித் தொந்தரவுக்கு சொல்லப்படும் பாட்டி வைத்தியம் மட்டுமே. கொரோனா வைரஸ் அழிப்புக்கான வழிமுறையாக அது நிச்சயம் இருக்காது. அறிவியல்பூர்வமாக நிரூபிக்கப்படாத நீராவி பரிந்துரை, தவறான பரப்புரை மட்டுமே.
நுரையீரல் மருத்துவர் பிரசன்ன குமார் தாமஸ்.

``ஆவி பிடித்தலால் ஏற்பட்ட காயங்களுடன் மருத்துவமனைக்கு வருவோர்களின் எண்ணிக்கை சமீபகாலத்தில் அதிகரித்துள்ளதைக் காண முடிகிறது. கொரோனா வைரஸ் தொற்றிக்கொள்ளாமல் இருக்க `ஆவி பிடித்தலும்' ஒரு தற்காப்பு முறை என்று மக்கள் தங்கள் மனதில் பதிய வைத்துள்ளனர். உண்மையில், ஆவி பிடிப்பதன் மூலம் எந்தவொரு வைரஸ் அல்லது பாக்டீரியாவையும் அழிக்க முடியாது. நமக்கு ஜலதோஷம் அல்லது சளியின் காரணமாக ஏற்பட்டுள்ள மூக்கடைப்பிலிருந்து உடனடியாக விடுபட மட்டுமே `ஆவி பிடித்தல்' உதவுகிறது. தவிர நோய்க்கிருமிகளால் நமக்கு ஏற்படும் காய்ச்சலைத் தடுக்கவோ, குணப்படுத்தவோ இதனால் முடியாது. சொல்லப்போனால் `ஆவி பிடித்தல்' என்பது ஒரு மருத்துவ முறையே அல்ல. மூக்கடைப்பிலிருந்து விடுபட உதவும் ஒரு எளிய வழி. அவ்வளவே. ..அவசர சிகிச்சை மருத்துவர் முகமது ஹக்கீம்.

இயந்திர ஆவி பிடிப்பு

நீராவி பிடிப்பதால் மூச்சுக்குழாய் பாதிக்குமா? Vikatan%2F2021-05%2F8f7a662f-2a1a-45cc-980c-51825fd1b172%2F0fa0bcf7_782d_459a_8270_e5b7a97b77b9.jpg?rect=0%2C18%2C1156%2C650&auto=format%2Ccompress&w=640&dpr=1

நீராவி பிடிப்பதால் மூச்சுக்குழாய் பாதிக்குமா? Vikatan%2F2021-05%2F8f7a662f-2a1a-45cc-980c-51825fd1b172%2F0fa0bcf7_782d_459a_8270_e5b7a97b77b9.jpg?rect=0%2C18%2C1156%2C650&auto=format%2Ccompress&w=640&dpr=1

(விகடன்)

**Dr.S.Soundarapandian** · **Dr.S.Soundarapandian** Mon May 17, 2021 3:22 pm

நீராவி பிடிப்பதால் மூச்சுக்குழாய் பாதிக்குமா? 1571444738

Sponsored content · Sponsored content

நீராவி பிடிப்பதால் மூச்சுக்குழாய் பாதிக்குமா?

நீராவி பிடிப்பதால் மூச்சுக்குழாய் பாதிக்குமா?

Re: நீராவி பிடிப்பதால் மூச்சுக்குழாய் பாதிக்குமா?

Re: நீராவி பிடிப்பதால் மூச்சுக்குழாய் பாதிக்குமா?

Re: நீராவி பிடிப்பதால் மூச்சுக்குழாய் பாதிக்குமா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக