கொரோனா பவுடர் மருந்து இம்மாத இறுதியில் கிடைக்கும்: அரசு மருத்துவர் தகவல்

**ayyasamy ram** · **ayyasamy ram** Thu May 13, 2021 3:13 am

சென்னை:
டி.ஆர்.டி.ஓ., மற்றும் ரெட்டிஸ் நிறுவனம் தயாரித்துள்ள
கொரோனாவின் வீரியம் குறைக்கும் மருந்தான
'2-டிஜி' இம்மாத இறுதியில் தமிழகத்துக்கு கிடைக்கும்
என சென்னை அரசு மருத்துவர் ஆனந்த குமார்
கூறியுள்ளார்.
-
கொரோனா பவுடர் மருந்து இம்மாத இறுதியில் கிடைக்கும்: அரசு மருத்துவர் தகவல் Tamil_News_large_2766214

கொரோனா பவுடர் மருந்து இம்மாத இறுதியில் கிடைக்கும்: அரசு மருத்துவர் தகவல் Tamil_News_large_2766214

-
கொரோனா தொற்று ஏற்பட்டு பாதிப்படைபவர்களுக்கு
டி.ஆர்.டி.ஓ., விஞ்ஞானிகள் '2டிஜி' எனப்படும், '2 டி ஆக்சி
டி குளுக்கோஸ்' என்ற பவுடர் மருந்தை தயாரித்துள்ளனர்.

இந்த மருந்து மூன்று கட்டங்களாக பரிசோதிக்கப்பட்டுள்ளது.
இதை அவசர தேவைக்கு பயன்படுத்த, இந்திய மருந்து
கட்டுப்பாட்டாளர் அனுமதி அளித்துள்ளார்.

இந்த பவுடர் மருந்தை தண்ணீரில் கரைத்து கொடுக்க
வேண்டும். இந்த மருந்து, வைரசால் பாதிக்கப்பட்ட செல்களில்
செயல்பட துவங்கும்.

**ayyasamy ram** · **ayyasamy ram** Thu May 13, 2021 3:15 am

கொரோனா பவுடர் மருந்து இம்மாத இறுதியில் கிடைக்கும்: அரசு மருத்துவர் தகவல் Gallerye_211029479_2766214

-

இம்மருந்து மருத்துவமனையில் இருக்க வேண்டிய காலத்தையும், உயிரிழப்புகளையும் குறைக்கிறது என ராணுவ அமைச்சகம் தெரிவித்திருக்கிறது. சென்னை ஓமந்தூரார் அரசு பல்நோக்கு உயர் சிறப்பு மருத்துவமனையின் கதிரியக்கவியல் துறை தலைவரும், கொரோனா வீட்டு சிகிச்சை பிரிவின் ஒருங்கிணைப்பாளருமான மருத்துவர் ஆனந்த குமார் இது பற்றி கூறுகையில், " ஐவர்மெக்டின் மருந்தை போன்றது தான் இது. 2டிஜியை சிறிய பாக்கெட்டுகளாக அதிகளவு பெற்று அறிகுறியுடன் உள்ள அனைவருக்கும் பரிசோதனை முடிவு வரும் முன்னரே வழங்க வேண்டும். அது வைரஸ் பாதிப்பை முடிவுக்கு கொண்டு வரலாம்" என்றார்.

மேலும், "இதன் மூலம் நோயின் வளர்ச்சி, ஆக்சிஜன் தேவை, ரெம்டெசிவிர் தேவைகளும் குறையும். கொரோனா அறிகுறி ஏற்பட்டவுடன் உதவி எண்கள், அதிகாரிகள், மருத்துவர்களுக்கு மக்கள் தெரியப்படுத்த வேண்டும். குறிப்பிட்ட அளவிலான மருந்து இவ்வார இறுதியில் கிடைக்கும். அதிகளவிலான விநியோகம் இம்மாத இறுதியில் தொடங்கும்" என கூறியுள்ளார்.

தினமலர்

Guest · Guest Thu May 13, 2021 3:22 pm

ஒவ்வொரு மருத்துவரும் வெவ்வேறு பதில்களை தெரிவித்து வருவதை ஈகரைப் பதிவுகளில் இருந்து பார்க்கிறோம்.

DRDO இன் இந்த 2-Deoxy-D-Glucose drug பற்றி கேள்விகள் எழுந்துள்ள நிலையில்,அவசரமாக அனுமதி தரப்பட்டதாக ........

சில மருத்துவ வல்லுநர்கள் இதுவரை வெளியிட்டுள்ள தரவுகளில் மனித சோதனைகளில் அதன் செயல்திறன் குறித்த தரவுகள் போதுமானதாக இல்லை என தெரிவித்துள்ளனர்.

2-DG மருந்தானது பல ஆண்டுகளாக புற்றுநோய்க்கு சிகிச்சையளிப்பதற்காக விரிவாக சோதிக்கப்பட்டு இதுவரை அங்கீகரிக்கப்படாத மருந்தாகும். புற்றுநோய்க்கு எதிராக ஆராய்ச்சியில் இருந்த அங்கீகரிக்கப்படாத மருந்தை நடைமுறைக்கு கொண்டு வருகையில் அந்த மருந்து முன்னர் ஏன் அங்கீகரிக்கப்படவில்லை, தற்போது ஏன் அங்கீகரிக்கப்பட்டுள்ளது என்பது குறித்தான விளக்கங்கள் மூன்றாம் கட்ட சோதனை முடிவுகளில் குறிப்பிடப்படவில்லை. எனவே இந்த மருந்து ஆரோக்கியமாக இயங்கும் உயிரணுக்களுக்கு தீங்கு விளைவிக்கும் வாய்ப்புகளும் உள்ளன.

“புற்றுநோய் செல்கள் அவற்றின் உயிர்வாழ்விற்காக குளுக்கோஸை பெரிதும் சார்ந்துள்ளது, எனவே அதனை 2-DG உடன் இணைப்பதன் மூலம் அவற்றின் வளர்ச்சியை கட்டுப்படுத்தலாம். ஆனால் கேன்சர் செல்கள் போன்று அதிகப்படியான குளுக்கோசை எடுத்துக்கொண்டு செயல்படக்கூடிய மூளை செல்களை (நியூரோன்கள்) 2-DG பாதிக்கக்கூடும். இதனால் மூளை தொடர்பான பக்க விளைவுகள் ஏற்படலாம்” என கேரளாவின் ராஜகிரி மருத்துவமனையில் ஹெபடாலஜி மற்றும் கல்லீரல் மாற்று மருத்துவத்தில் நிபுணத்துவம் பெற்ற டாக்டர் சிரியாக் அப்பி பிலிப்ஸ் (Dr. Cyriac Abby Philips, who specialised in Hepatology and Liver Transplant Medicine, at Rajagiri Hospital in Kerala ) தெரிவித்து உள்ளதாக தி ஹிந்துவில் வெளியாகி இருக்கிறது.
(The Hindu )
தடுப்பூசி முதலில் இரண்டாவது டோஸ் 4-6 வாரங்களாக இருந்து பின்னர் 6-8 வாரங்களாகி,இப்போது 12-16 வாரங்களாகியது.(இணையம்)

**T.N.Balasubramanian** · **T.N.Balasubramanian** Thu May 13, 2021 4:40 pm

எத்த தின்னா பித்தம் தெளியும் என்பார்கள்.
காலையில் பேப்பரை பிரித்தால் கொரோனா செய்திகள்.
இறப்பு /இறப்பு விகிதம்/அனுபவிக்கின்ற துன்பங்கள்
மாநில மத்திய அரசு போராட்டங்கள்.
டிவி அலசல்கள் இரவு 8 மணி முதல்.
இது போதாது என்று வாட்சப் செய்திகள் அலையென
ஓயாமல் வருகை.
மூக்கில் தேங்காயெண்ணை தடவி செல்லவும் .கிருமிகள்
மூக்கினுள் புகாது என்றொரு செய்தி.
மற்றொரு செய்தி ,வெளியில் போகும்போது ஒரு கிராம்பை
வாயில் அடக்கி செல்லவும் .கொரோனா அண்டாது.
சித்த அரத்தை அடக்கிக்கொண்டு போகவும். வேறெதுவும்
வேண்டாம்
படிச்சாச்சு என்று அதை நீக்கினால் வேறொருவர் மூலம் இதே செய்தி.
இது போதாது என யூடியூபில் பலர் பல செய்திகள்.
கொசுறாக லைக் செய்யுங்கள் எல்லோருக்கும் பரப்புங்கள்.
அய்யாசாமி நமக்கு சக்தி இல்லையப்பா.

Sponsored content · Sponsored content

கொரோனா பவுடர் மருந்து இம்மாத இறுதியில் கிடைக்கும்: அரசு மருத்துவர் தகவல்

கொரோனா பவுடர் மருந்து இம்மாத இறுதியில் கிடைக்கும்: அரசு மருத்துவர் தகவல்

Re: கொரோனா பவுடர் மருந்து இம்மாத இறுதியில் கிடைக்கும்: அரசு மருத்துவர் தகவல்

Re: கொரோனா பவுடர் மருந்து இம்மாத இறுதியில் கிடைக்கும்: அரசு மருத்துவர் தகவல்

Re: கொரோனா பவுடர் மருந்து இம்மாத இறுதியில் கிடைக்கும்: அரசு மருத்துவர் தகவல்

Re: கொரோனா பவுடர் மருந்து இம்மாத இறுதியில் கிடைக்கும்: அரசு மருத்துவர் தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக