மீன்கொத்திப்பறவையைப் பாருங்கள்!

**ayyasamy ram** · **ayyasamy ram** Sun 9 May 2021 - 7:45

* மீன் கொத்திப்பறவை போன்று உலகத்தில் வாழ்ந்திருங்கள்.
அது நீருக்குள் இருக்கின்றவரை அதன் சிறகுகளில் நீர் ஒட்டிக்
கொண்டிருக்கும். வெளியில் வந்து சிறகுகளைக் குலுக்கியதும்
ஒட்டிக் கொண்டிருந்த நீர் அகன்றுபோய்விடும்.
அதுபோல உலகஆசைகளை விட்டுவிடப் பழகிக் கொள்ளுங்கள்.
-
* மக்கள் பெரும்பாலும் புகழுக்காகவோ, புண்ணியத்தை
தேடவோ பிறருக்கு உதவி செய்ய எண்ணுகின்றனர். அத்தகைய
உதவிகள் அனைத்தும் சுயநலத்தை அடிப்படையாகக் கொண்டவை.
-
* ஆசைகளில் பணத்தின் மீது கொண்ட பற்றும், காம
எண்ணங்களும் அனைவரின் மனதையும் ஆட்டிப்படைக்கின்றன.
இந்தநோயைப் போக்க வேண்டுமானால் அடிக்கடி நல்லவர்கள் கூடும்
சத்சங்கம் ஒன்றுதான் வழி.
-
* பணத்தை ஏராளமாகச் சம்பாதித்தவர்கள் தங்களுடைய
செல்வத்தை சொந்த சுக சவுகர்யங்களுக்காகச் செலவிடுவது
போல, கஷ்டப்படுகின்ற ஏழைகளுக்காகவும் செலவழிப்பதற்கு
முன்வரவேண்டும்.
-
* உலகில் மக்கள் எத்தனையோ துன்பங்களுக்கு ஆளான
போதும், ஆசைகளை அடக்குவதில்லை.ஒட்டகம் முட்செடியைத்
தின்னும் போது வாயில் ரத்தம் வழிந்தாலும் தன் செயலை
அறியாமல் தொடர்ந்து கொண்டிருக்கும்.
-
* செடி ஒன்று பெரிய மரமாகிவிட்டால், அதற்கு வேலி
தேவையில்லை. ஒரு யானையை அம்மரத்தில் கட்டும் அளவுக்கு
மரம் வலிமை பெற்றுவிடும். அதுபோல, உள்ளத்தில் பக்குவம் வந்து
விட்டால் வெளியுலக விஷயங்கள் ஒருவனை எந்தவிதத்திலும்
பாதிப்பதில்லை.
-
-ராமகிருஷ்ணர்

மீன்கொத்திப்பறவையைப் பாருங்கள்!

மீன்கொத்திப்பறவையைப் பாருங்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக