ஹீலர் பாஸ்கர் கூறுவது சரியா? கொரோனா மாஸ்க்

ஹீலர் பாஸ்கர் எல்லாருக்கும் தெரிந்தவர்.அவர் எல்லாம் தெரிந்தவர் போல் தொடர்ந்து தவறான செய்திகளை பரப்பி மக்களை திசை திருப்பி வருவதும் தெரிந்ததே.
பலரின் சந்தேகத்தையும் தீர்த்து வைக்கிறார்கள் துறை சார்ந்த மருத்துவர்கள்.

சமீபத்தய அவருடைய காணொலி ஒன்று இது…….……….


ஹீலர் பாஸ்கர்-தற்சார்பு எனும் முகநூல் பக்கத்தில் /YouTube இலும் Oxygen அளவை அதிகரிப்பது எப்படி என வெளியான வீடியோவில், ” மாஸ்க் போட்டால் கார்பன்டை ஆக்ஸைடை திரும்ப திரும்ப சுவாசித்தால் ஆக்சிஜன் கம்மியாகும். மாஸ்க் போடுவதை நிறுத்தினால் தான் ஆக்சிஜன் அதிகமாகும். ஆக்சிஜன் கம்மியாகுதுனு சொல்லி வெண்டிலெட்டரில் வைத்துக் கொன்னுடு இருக்காங்க. குட்டி ஃபேன் அல்லது டேபிள் ஃபேனை மூக்கின் அருகே வைத்தால் போதும். மூக்கு பக்கத்தில் இருக்கும் காற்றை வேகமாக சுழற்றி விட்டால் ஒரு மணி நேரத்தில் செக் செய்தால் ஆக்சிஜன் சரியாகி விடும் ..என்று குறிப்பிட்டிருக்கிறார் அவர்.

இது உண்மையா?

கொரோனா நோயாளிகளுக்கு ஏன் ஆக்சிஜன் பிரச்சனை ஏற்படுகிறது என்ற அடிப்படையே சிலருக்கு தெரிவதில்லை. நம்மை சுற்றியுள்ள வாயு மண்டலத்தில் 20.9 சதவீதம் அளவிற்கு ஆக்சிஜன் நிரம்பி இருக்கிறது. ஒருவர் நோயால் பாதிக்கப்படும் போது காற்று மண்டலத்தில் இருக்கும் ஆக்சிஜனை ஈர்த்தெடுக்கும் திறன் நுரையீரலுக்கு குறைகிறது. இதுபோன்ற நிலையில் நோயாளிகளுக்கு தூய்மையான ஆக்சிஜன் செலுத்தப்படுகிறது. கொரோனா வைரசால் நோயாளியின் நுரையீரல் தான் அதிகம் பாதிக்கப்படுகிறது. ஆகையால், ஆக்சிஜன் வெளியில் இருந்து அளிக்கப்பட வேண்டி இருக்கிறது.

மருத்துவர் ஹன்னா பர்ஹாம்-பிரவுன் ஒரே நேரத்தில் நான்கு வெல்வேறு மாஸ்க்களை அணிந்து அவரது ஆக்சிஜன் அளவை சோதித்து காண்பித்து இருக்கிறார். ஆக்சிஜன் அளவு 99% ஆக இருப்பதாகக் கூறுகிறார். இந்த நேரத்தில் மாஸ்க் அணிவதில் நிறைய கவலைகள் இருப்பதாக நான் நினைக்கிறேன், சரியான தகவல்களை நாம் பெறுவது மிகவும் முக்கியம் - பிபிசி

மருத்துவர் பிரவீன் கூறுகையில், வளிமண்டலத்தில் ஆக்சிஜன் 21% ஆக உள்ளது. இதை மாஸ்க் ஆல் குறைக்க முடியாது. மாஸ்க் என்பது துகள்களின் அளவைப் பொறுத்து சிறிய துகள்களைக் குறைக்கும் வடிப்பான். துணி போன்ற மாஸ்க் ஆனது தூசி நுழைவைக் குறைக்கும், அதேநேரத்தில் N95 போன்றவை வைரஸ் மற்றும் பாக்டீரியாவை குறைக்கும். மாஸ்க் அணிய அறிவுறுத்துவதற்கான காரணம் ஒருவரிடம் இருந்து இன்னொருவருக்கு வைரஸ் பரவுவதை குறைப்பதற்காகும்.

மாஸ்க் அணிந்து இருக்கும் போது வெளியேறும் காற்றில் கார்பன்டை ஆக்ஸைடு(CO2) செறிவு இருக்கும். இது வளிமண்டலத்தை விட 10 மடங்கு அதிகமாக இருக்கும். ஆனால், அது மாஸ்க்கில் உள்ள துளைகள் வழியாக வெளியேறுகிறது. இது காற்றோட்டத்தை கட்டுப்படுத்தாது. வளிமண்டல காற்றோடு ஒப்பிடும் போது உள்ளிழுக்கும் காற்றில் செறிவு கலந்துவிடும், ஆனால் ஆக்சிஜன் நிலையில் எந்த பிரச்சனையையும் ஏற்படுத்தாது.

துணி மாஸ்க் மற்றும் அறுவை சிகிச்சை மாஸ்க் ஆனது N95ஐ விட குறைவான ஆபத்தே. N95 மாஸ்க்கை சுகாதாரப் பணியாளர்கள் நீண்ட நேரம் அணிந்து இருப்பதால் உள்ளிழுக்கும் காற்றில் CO2 அளவு அதிகரிக்கலாம், ஆனால் அது O2 அளவை மாற்றாது. இதனால் அவர்களுக்கு சோர்வு, தலைவலி போன்றவை இருக்கலாம். ஆனால், அது இரத்தம் அல்லது காற்றில் O2 அளவைக் குறைக்காது.

மூக்கின் அருகே ஃபேன் வைப்பது காற்றின் வேகத்தை மட்டுமே அதிகரிக்கும், காற்றில் உள்ள ஆக்சிஜன் செறிவை அல்ல. அது 21% மட்டுமே இருக்கும். உள்ளிழுக்கும் காற்றின் செறிவை அதிகரிக்க, மருத்துவ ஆக்சிஜன் போன்ற பல்வேறு விஷயங்கள் இருக்கின்றன ” என விளக்கி இருந்தார்.

ஒரு மாஸ்க் ஆனது சுவாச செயல்முறைக்கு சில எதிர்ப்பைச் சேர்க்கும், அதாவது ஒரு சுவாசத்தை எடுக்க இன்னும் கொஞ்சம் வேலை தேவைப்படுவது போல் உணரலாம், ஆனால் அது மாஸ்க் வழியாக வரும் காற்றை எந்த மாற்றத்திற்கும் உட்படுத்தாது -டெக்சாஸ் ஏ&எம் பல்கலைக்கழகத்தின் டெக்சர்கானா வைராலஜிஸ்ட் பென் நியூமன்.
(இணையம்)

துறை சார்ந்த மருத்துவர்களின் அறிவுரைப்படி நடப்பதே இந்த மோசமான சமயத்தில் சரியானதாகும்.சமூக இடைவெளி,மாஸ்க் அணிவது நம்மையும் காப்பாற்றும்.மற்றவர்களையும் காப்பாற்றும்.

இவர் கூறுவதை இவரே செய்கிறாரா என்பது தெரியவில்லை.!
ஹீலர் என்று பெயர் வேறு.
இவரை பின்பற்றுபவர்கள் சிலர் ஈகரையில் இருந்ததாக நினைவு வருகிறது.